دلوقتي العربيه معايا بقالها 3 سنين بالظبط
بس معملتش بيها غير حوالي 16 الف كيلو
هل يفضلل اغير الكاوتش لانه اتركن فتره طويله وراكب بقاله 3 سنين
ولا اكمل عادي واكمل قد ايه
العربيه موديل 2011
عرض للطباعة
دلوقتي العربيه معايا بقالها 3 سنين بالظبط
بس معملتش بيها غير حوالي 16 الف كيلو
هل يفضلل اغير الكاوتش لانه اتركن فتره طويله وراكب بقاله 3 سنين
ولا اكمل عادي واكمل قد ايه
العربيه موديل 2011
العمر الأفتراضى للكاوتش 5 سنوات كمل لسة بدرى !!
اهم حاجة فى الكاوتش ميكونش فى بلالين او مشقق او مقشر او ميكونش ملوووووووح
غير كدة خليها على الله
ربك المستعان
لو لسه حالته معقوله ( مشقق - اخرام- النقشه شوف حالتهم ) خليه كمان سنه و كام شهر لان عمره الافتراضى 5 سنين
الفردة اللي بتنزل مع العربية دي كونتينينتال ألماني مش هتعوضها..هات آخرها الأول بعدين غير
صديقي.المواطن
الكاوتش له عيبان فقط حتى لو بقاله 10 سنين وهما إنه يتمسح أو يتلوح والباقي زي البلالين وعمر المطاط كلها مش مهمة ﻷنها بتفرق من شركة لشركة أنا عن نفسي في عربياتي بستعمل الكاوتش لغاية مينفجر ومزعلش لو في سفرية خسرت فردتين كاوتش بالعكس بنزل وببقه سعيد وبغير بجديد وبالتوفيق وكل مواطن وليه وجهة نظر مختلفة طبعا فمعظمكم بتخافوا الفردة تنفجر معاك في الطريق فتروح تغير قبل معادها أنا عن نفسي مبعترفش بالحاجات دي الكاوتش ينتهي عنده لما يتلوح أو ينفجر وبالتوفيق
ودمتم للنضال
شوف بقا
انا عندي شك ان حضرتك من عصر اخر غير عصرنا هذا..انا متابع ردودك من شهر..اموت واعرف حاجتين..ايه حوار صديقك المواطن ده..وايه حكاية النضال !!! جيفارا معانا يا ناس.
اما بالنسبة للكاوتش..قولتلي مش بتعترف باي حاجة غير انه يتلوح ويفرقع ؟؟ يا صديقي المواطن..ازاي بيجي لسيادتك قلب تعرض حياتك وحياة اللي معاك للخطر لما فردة تنفجر وتتقلب بيك العربية !! اظن دي ملهاش علاقة بالنضال خالص...يا أخي الكريم على الاقل الوقاية خير من العلاج
ودمتم للنضال