ليه كل الجدل علي الارتفاع كورولا 2014

هو ليه كل الجدل والاسئله علي موضوع الارتفاع

عربيات كتير قوي واطيه ع الارض ومحدش اشتكي والناس عايشه بيها ومبسوطه :213-1107231241[1]:

انا معرفش مثلا السي كلاس ارتفاعها كام بس اللي اعرفه اني لما ببقي راكب الفنتازيا مرايتها بتعدي من تحت مراية الفنتازيا

يعني لو حاولت اخبط المرايتين في بعض مش هعرف مراية السي بتعدي بدون مبالغه من تحت الفنتازيا

اعتقد ان ارتفاعها ميزيدش عن 12 والعربيه ممتازه جدا !!

ياريت اللي هيشتري الكورولا يروح يجرب السي كلاس الاول ويشوف الارتفاع مناسب ولا لا :glasses08::Copy of makeup:

طقم علايات الواحدة بخمسه جنيه وعفشجى 60 ووداعا للمطبات

وهوا حضرتك زعلان ليه من الجدل علي الموضوع دا ؟؟
المنتدي مفتوح للنقاش والحوار مفتوح يعني كل واحد حر يعبر عن رأية بخصوص الجزئية دي,

وبخصوص مراية السي كلاس, فا المراية ممكن تكون واطية عشان تصميم الباب والكابينة كدا,
لكن مش معني كدا ولا شرط إن تكون العربية واطية,, وعلو المرسيدس C Class في أمريكا 10 والهند 13 وهنا في مصر علي ما أتذكر 14 أو 15 مش 12 زي ما حضرتك قلت,,

وال C Class أنا مشوفتهاش بتحك في مطبات قدامي قبل كدا, ومينفعش نقارن عربية خلفي بعربية أمامي,,!!!
وكمان الwheel base لو قصيرة هتبقي هيا المقياس الحقيقي لأن دا اللي مش هيخليها تحك من تحت عن ال ground clearance

أما علو العربية عن الأرض ال Ground Clearance دا هيفرق مع اللي داخل محدوف علي المطب ودايس فرامل والعربية بقت أوطي من قدام فا هتحك من قدام ساعتها,, لو داخل براحة والعلو معقول مش هتحك,,
ولو فعلاً واطية من قدام زي الكورولا الجديدة هتحك في المطبات الرخمة سواء داخل بسرعة أو براحة,,


سؤالي أنا بقي, هوا ليه في ناس بتتبني عربية معينة بالشكل دا ؟؟؟؟
وبتبقي زعلانة من الكلام عليها ؟!!

يعني نفس الحوار دا حصل مع النيسان الصني الجديدة لما ظهر فيها مشاكل مع الفرامل وناس كتير أشتكت منها من اللي أشتروها,,\
لاقينا تلاتة أربعة تانية من الملاك لنفس العربية زعلانين من الكلام علي العربية وبيدافعو عنها أكنا بنتهم
وفضلو يسألو هوا ليه في جدل عليها كدا ؟!! وكانو زعلانين من الكلام أكنه هيمسهم ويضرهم هما أو عربياتهم,!

وهنفضل نفس المقولة في مواضيع الجدل دي,,
اللي معاه عربيته مريحاة ومفهاش مشاكل ولا بتحك, يقول الحمدلله,,,
أما اللي أشتري العربية وبتحك معاه ف كل مطب وقارفاه فادا بنقوله ربنا يعينه,, لأن لا أنا ولا أنت نحب نكون في نفس الموقف دا كل يوم,,

المنتدي مفتوح للحوار والنقاش, والجدل,,!
تحياتي ليك, وأتمني متفهمش كلامي غلط.!

اقتباس:

---

المشاركة الأصلية كتبت بواسطة leitosr

وهوا حضرتك زعلان ليه من الجدل علي الموضوع دا ؟؟
المنتدي مفتوح للنقاش والحوار مفتوح يعني كل واحد حر يعبر عن رأية بخصوص الجزئية دي,

وبخصوص مراية السي كلاس, فا المراية ممكن تكون واطية عشان تصميم الباب والكابينة كدا,
لكن مش معني كدا ولا شرط إن تكون العربية واطية,, وعلو المرسيدس c class في أمريكا 10 والهند 13 وهنا في مصر علي ما أتذكر 14 أو 15 مش 12 زي ما حضرتك قلت,,

وال c class أنا مشوفتهاش بتحك في مطبات قدامي قبل كدا, ومينفعش نقارن عربية خلفي بعربية أمامي,,!!!
وكمان الwheel base لو قصيرة هتبقي هيا المقياس الحقيقي لأن دا اللي مش هيخليها تحك من تحت عن ال ground clearance

أما علو العربية عن الأرض ال ground clearance دا هيفرق مع اللي داخل محدوف علي المطب ودايس فرامل والعربية بقت أوطي من قدام فا هتحك من قدام ساعتها,, لو داخل براحة والعلو معقول مش هتحك,,
ولو فعلاً واطية من قدام زي الكورولا الجديدة هتحك في المطبات الرخمة سواء داخل بسرعة أو براحة,,


سؤالي أنا بقي, هوا ليه في ناس بتتبني عربية معينة بالشكل دا ؟؟؟؟
وبتبقي زعلانة من الكلام عليها ؟!!

يعني نفس الحوار دا حصل مع النيسان الصني الجديدة لما ظهر فيها مشاكل مع الفرامل وناس كتير أشتكت منها من اللي أشتروها,,\
لاقينا تلاتة أربعة تانية من الملاك لنفس العربية زعلانين من الكلام علي العربية وبيدافعو عنها أكنا بنتهم
وفضلو يسألو هوا ليه في جدل عليها كدا ؟!! وكانو زعلانين من الكلام أكنه هيمسهم ويضرهم هما أو عربياتهم,!

وهنفضل نفس المقولة في مواضيع الجدل دي,,
اللي معاه عربيته مريحاة ومفهاش مشاكل ولا بتحك, يقول الحمدلله,,,
أما اللي أشتري العربية وبتحك معاه ف كل مطب وقارفاه فادا بنقوله ربنا يعينه,, لأن لا أنا ولا أنت نحب نكون في نفس الموقف دا كل يوم,,

المنتدي مفتوح للحوار والنقاش, والجدل,,!
تحياتي ليك, وأتمني متفهمش كلامي غلط.!

---

اولا الموضوع هزلي لاني هكون مختل شويه لو قارنت بين الكورولا و السي كلاس لان فرق الفلوس بينهم كبير برغم من انهم اعتقد نفس الفئه

معرفش سيادتك خدت الموضوع قفش ليه مع ان الموضوع واضح انه هزار

لكن اهلا بيك وبرايك :120105~352:

اقتباس:

---

المشاركة الأصلية كتبت بواسطة lanos2004

طقم علايات الواحدة بخمسه جنيه وعفشجى 60 ووداعا للمطبات

---

معرفش بصراحه موضوع العلايات ده

بس اسمع ان الاوكتافيا التوكيل كان مركبلها علايات :shyy:

لا والله مش واخدة قفش ولا حاجة,
بس بستغرب لما بلاقي حد بيقول للناس ليه الجدل في النقطة دي, أو كفاية بقي جدال فيها لو كان الموضوع جد ومش هزلي زي ما حضرتك وضحت,,

تحياتي ليك يا دكتور عمرو. :tumb:

اقتباس:

---

المشاركة الأصلية كتبت بواسطة LeitoSR

لا والله مش واخدة قفش ولا حاجة,
بس بستغرب لما بلاقي حد بيقول للناس ليه الجدل في النقطة دي, أو كفاية بقي جدال فيها لو كان الموضوع جد ومش هزلي زي ما حضرتك وضحت,,

تحياتي ليك يا دكتور عمرو. :tumb:

---

تحياتي ليك يا باشا بس هو موضوع هزلي والله مش اكتر حبيت افك جو 12ونص لا 13 :shyy:

كل واحد يشتري حسب استخدامه وامكانياته كل واحد حر :120105~352:

بس بالنسبه لمرايات السي كلاس نفسي اعرف ازاي بتعدي من تحت الفنتازيا كده :D

انخفاض ارتفاع العربية هو فى الأصل ميزة وليس عيب ولكن الطرق المصرية هى المشكلة

اقتباس:

---

المشاركة الأصلية كتبت بواسطة محمد ابراهيم 1

انخفاض ارتفاع العربية هو فى الأصل ميزة وليس عيب ولكن الطرق المصرية هى المشكلة

---

في اوروبا والدول المتقدمه عندهم اسفلت مش هضاب

المهندس بتاع تويوتا بيقولي الاتجاه العالمي دلوقتي للعفشه الناشفه الرياضيه شويه لزيادة الثبات بس احنا عندنا طرق غير طبيعيه :bee5:

سيبك من اي نوع عربية .. انت عندك في مصر المطبات اسلوب حياة

اقتباس:

---

المشاركة الأصلية كتبت بواسطة lanos2004

طقم علايات الواحدة بخمسه جنيه وعفشجى 60 ووداعا للمطبات

---

ودة ميأثرش علي الثبات ؟؟؟؟

اقتباس:

---

المشاركة الأصلية كتبت بواسطة محمد ابراهيم 1

انخفاض ارتفاع العربية هو فى الأصل ميزة وليس عيب ولكن الطرق المصرية هى المشكلة

---

الله ينور عليك
المفروض دي عربيات ركوب داخل مدينه وسفر مش عربيات للاوف رود بره دي حاجه ودي حاجه احنا بقي في مصر عايزين عربيه ثابته ورياضيه وعائليه وعاليه عن الارض عشان لما نركب احنا ال 7 فيها متحكش في جبال (مطبات) مصر العظمي :) :) :)

مانا قلت لك تصميم الباب والكابينة بتاعت ال C Class أقصر من الفانتازيا,
والأوكتافيا عالية عن الأرض دي حاجة وباينة أووي, وكمان الكابينة والباب أعلي من ال C Class
فادا مزود ال overall height في الاسكودا عن المرسيدس,,

http://imageshack.us/a/img823/7797/oqmj.jpg
http://imageshack.us/a/img819/3525/edkk.jpg
يعني عندك المرسيدس أرتفاعها الكلي عن الأرض 1,447mm
والأوكتافيا أرتفاعها الكلي عن الأرض 1.462mm
طبعاً الفرق مش كبير,

ضيف عليهم بقي ال 3 ل 4 سم اللي الأوكتافيا أعلي فيهم عن الأرض من المرسيدس وعربيات تانية كتير,,
وتصميم الباب بتاع المرسيدس اللي مش كبير في طوله من أول المراية لحد أخرة زي طول باب الأوكتافيا,
دا هيخليه يعدي من تحت مراية الاوكتافيا في الأستخوبص كدا,,

اقتباس:

---

المشاركة الأصلية كتبت بواسطة khalid_adel

الله ينور عليك
المفروض دي عربيات ركوب داخل مدينه وسفر مش عربيات للاوف رود بره دي حاجه ودي حاجه احنا بقي في مصر عايزين عربيه ثابته ورياضيه وعائليه وعاليه عن الارض عشان لما نركب احنا ال 7 فيها متحكش في جبال (مطبات) مصر العظمي :) :) :)

---

الكومنت الفحيييت :Ta_clap[1]:

المشكله عندنا فعلا في المطبات
يعني اللي عايز ياخد فكره عن المطبات في مصر ياخد جوله صغيره في الدلتا
وها يشوف احلي جبال صناعيه اما م كل قريه
تجيب العربيه بالطول بالعرض مقصات تمشيها علي جنبها
لازم تحك وبببهدله من الاسفل

اللي مش عاجباه العربيات القريبة من الارض يروح يشتريله بيجو 504 و يركب المطبات براحته و اهو يوفر فلوس بردو

او يروح يشتريله فورد f150 ويدفعله كذا 100 الف علشان ما يحكش في المطبات

ده احنا شعب غلبان

اقتباس:

---

المشاركة الأصلية كتبت بواسطة LeitoSR

مانا قلت لك تصميم الباب والكابينة بتاعت ال C Class أقصر من الفانتازيا,
والأوكتافيا عالية عن الأرض دي حاجة وباينة أووي, وكمان الكابينة والباب أعلي من ال C Class
فادا مزود ال overall height في الاسكودا عن المرسيدس,,

http://imageshack.us/a/img823/7797/oqmj.jpg
http://imageshack.us/a/img819/3525/edkk.jpg
يعني عندك المرسيدس أرتفاعها الكلي عن الأرض 1,447mm
والأوكتافيا أرتفاعها الكلي عن الأرض 1.462mm
طبعاً الفرق مش كبير,

ضيف عليهم بقي ال 3 ل 4 سم اللي الأوكتافيا أعلي فيهم عن الأرض من المرسيدس وعربيات تانية كتير,,
وتصميم الباب بتاع المرسيدس اللي مش كبير في طوله من أول المراية لحد أخرة زي طول باب الأوكتافيا,
دا هيخليه يعدي من تحت مراية الاوكتافيا في الأستخوبص كدا,,

---

الاوكتافيا من افضل العربيات اللي جمعت بين العلو عن الارض والقدره علي التحميل جواها والثبات الرائع
عربيه بعتبرها من الفلتات بصراحه :Ta_clap[1]:

اقتباس:

---

المشاركة الأصلية كتبت بواسطة hugan

المشكله عندنا فعلا في المطبات
يعني اللي عايز ياخد فكره عن المطبات في مصر ياخد جوله صغيره في الدلتا
وها يشوف احلي جبال صناعيه اما م كل قريه
تجيب العربيه بالطول بالعرض مقصات تمشيها علي جنبها
لازم تحك وبببهدله من الاسفل

---

ليا قرايبي في المنوفيه ولما بروح هناك العربيه بيتعمل معاها احلي واجب :_Alshmokh08[1]:

بصوا يا جماعة
احنا لازم نتفق ونكون عرفين نقطة ان مفيش اى عربية موجودة كاااااااااااااااااااااااا اااااامله
لازم كل عربية يبقى فيها عيب وان مظهرش العيب دلوقتى هيظهر بعدين
الكل اتكلم عن انخفاض العربية بعض الناس شايفه ان دى حاجة سيئة وتخلى العربية وحشة ومبقاش عايز اركبها وتوصل انه يستحقرها دى حاجة
الناس بتشوف ان دى حاجة كويسة لانها بتزيد ثبات العربية وانا شايف ان ثبات الكورولا زاد اوى في الموديل والى ركب كورولا قبل كدة وركب الجديدة هيعرف النقطة دى كويس

ناتى لمصر واحوال شوارعها
مصر مطباتها غريبة الشكل واللون والطعم والرائحة لاتتبع اى مقايس للامان او الجودة لانها منظومة فاشله وحرامية حتى في الاسفلت بتاع الطرق السريعة الى المفروض يبقى بدرجة معينة وقبل ماالطريق يتسلم بتلاقيه متكسر والمفروض اصلا الطريق دة بيكون معاه مدة لا تقل عن 5 او 10 او 15 سنه علشان يتعملوا صيانة انما احنا هنا استاذة قبل ما الطريق يتسلم اصلا بيقى بدا يتكسر فية وبيبقى فية نقر وفحر وخلافة
تيجى تسال عمو المهندس لية يا عمو .... دة كويس يا استاذ علشان العربيات متجريش ويحصل حوادث ... والله ياعم دة على اساس ان دى مناعة طبيعة مكتسبة تدخ دخ ام عفشة العربية فبالتالى غصبن عنك تمشى براحة ... يا راجل ... امال يا عم الحاج احنا بنخاف على صحتك بردة وسلامه عربيتك

النقطة التالته
مين قال ان المرسيدس مبتحكش في الارض
ارتفاع c 200 عالى العربية بتحك وانا ركبتها شخصيا وبتحك بس انت مبتصش انها بتحك او لا
العربيات دى مصممة على ثبات معين مينفعش اعلى العربية
وبعدين لو عايز عربية عالية ما تركب بقى عربية عالية كروس اوفر او غيره
ودى بس برضة موضوع معانا هنا في منتدنا بثبت ان العربية المرسيدس واطية في النوع الى انا ذكرته وقيس على كدة عربيات كتير محترمه
http://www.nilemotors.net/Nile/331284-c180-c200.html

الموضوع مش هتيجى تهمل كل مميزات العربية وتمسك في ان العربية واطية
ودة مش موضوع ان العربية معدية او بمدح فيها او ملهاش اغطاء ابقى انسان مش فاهم لو قولت كدة
بس العلو عن الارض مش ميزه ومش عيب
ونفس القصة انخفاض العربية عن الارض مش ميزة ومش عيب

الخلاصة
انا مش بدافع او بتحمك على العربية ومتقولش عليها كدة دة حبيبتى وروحى وقلبى وعقلى لالالا ابدا بس نبص للموضوع كمنظومة كامله قيم العربية بكل حاجة ما لها وما عليها

العربية منخفضة عن الارض دى مفيش فيها كلام
تحك او متحكش على حسب استخدامك ليها
ميزة العربية في الحته دى ان اليايات مبقتش تنضغط زى زمان في دة الى حد ما متقلقش اوى لو حملت فيها ( مساله تحك او لا على حسب المطب نفسة وعلى حسب انت اخدت المطب ازاى )


لا يوجد شى كامل الا الله
الكمال لله وحدة

ولكن احكم على المنظومة ككل
ان كانت المنظومة ككل مميزاتها اكبر من عيوبها فهي منظومة ناجحه
وان كانت المنظومه ككل عيوبها تفوق مميزتها فهى منظومة فاشله

وعندنا في الطب بيسموها معادلة .. والدكتور عمرو اكيد فاهم كلامى
وهى معادلة Cost-benefit ratio

مصر دايما ليها تفكير غير كل الناس فى شراء العربيات نحن نختلف عن الاخرين و المشكله عندنا فى الجبال المنحدره الى الاهالى بيعملوها عشان كده لما توطى عربيه يبقى ميزه بس فى مصر يبقى عيب :d ولما تنزل عربيه محترمه بسعر معقول يبقى عيب عشان ماركتها ....................... و عربيه زيها بس امكانيات اقل و سعر اعلى و سعر اعلى عشان ماركتها ......................

اقتباس:

---

المشاركة الأصلية كتبت بواسطة dr.amr

ليا قرايبي في المنوفيه ولما بروح هناك العربيه بيتعمل معاها احلي واجب :_alshmokh08[1]:

---

انا بعت عربيت القديمه بسبب واجب عزاء في المنوفيه
اشمون
من القناطر لاشمون
بهدله ما بعدها بهدله مع المطبات
ومعايا ناس وصف عربيات طويل رايحيين العزاء
ومش هاينفع اقول لحد انزل علشان المطبات

اكيد علو العربية مش السبب اللي ممكن يمنع الناس انها تشتريها

اقتباس:

---

المشاركة الأصلية كتبت بواسطة hugan

المشكله عندنا فعلا في المطبات
يعني اللي عايز ياخد فكره عن المطبات في مصر ياخد جوله صغيره في الدلتا
وها يشوف احلي جبال صناعيه اما م كل قريه
تجيب العربيه بالطول بالعرض مقصات تمشيها علي جنبها
لازم تحك وبببهدله من الاسفل

---

ههههههههههههههه انت هتقلي انا من طنطا وعارف الكلام دة كويس والله عندنا في اول شار عنا مطبين ورا بعض تخيل الشاهين بتحك وهية طلعاة :crying2: وخالي معاة 516 كان عمال يدعي :ask: يعدي من غير ميحك وجابها يمين شمال وفي الاخر اخد خبطة محترمة

اقتباس:

---

المشاركة الأصلية كتبت بواسطة M I D O

ههههههههههههههه انت هتقلي انا من طنطا وعارف الكلام دة كويس والله عندنا في اول شار عنا مطبين ورا بعض تخيل الشاهين بتحك وهية طلعاة :crying2: وخالي معاة 516 كان عمال يدعي :ask: يعدي من غير ميحك وجابها يمين شمال وفي الاخر اخد خبطة محترمة

---

ياللهوووووول الشاهين بتحك 111 :fdsa:

اقتباس:

---

المشاركة الأصلية كتبت بواسطة m i d o

ههههههههههههههه انت هتقلي انا من طنطا وعارف الكلام دة كويس والله عندنا في اول شار عنا مطبين ورا بعض تخيل الشاهين بتحك وهية طلعاة :crying2: وخالي معاة 516 كان عمال يدعي :ask: يعدي من غير ميحك وجابها يمين شمال وفي الاخر اخد خبطة محترمة

---

طيب لما الشاهين بجبروتها في الارتفاع تحك في المطبات
العربيات المنخفضه تعمل ايه
تنتحر
انا كان معايا الشاهين كنت مركب ليها سوست 32 ومزود المساعدين عند الخراط
ولا عمرها حكت في مطب

اقتباس:

---

المشاركة الأصلية كتبت بواسطة dr.amr

ياللهوووووول الشاهين بتحك 111 :fdsa:

---

اة والله هههههههههههههههههه :Copy of new::Copy of new:

اقتباس:

---

المشاركة الأصلية كتبت بواسطة hugan

طيب لما الشاهين بجبروتها في الارتفاع تحك في المطبات
العربيات المنخفضه تعمل ايه
تنتحر
انا كان معايا الشاهين كنت مركب ليها سوست 32 ومزود المساعدين عند الخراط
ولا عمرها حكت في مطب

---

المشكلة عندنا مش في العربيات ولا المطبات .. مشكلتنا في المصمم العبقري الي بيصمم المطب بيعملة بحيث يكون زي الهرم يعني اي حد هيطلع فوقية هياخد خابور محترم

انا مره بالامبريزا اتعلقت بمعني الكلمه علي مطب والاربع عجلات كانو عال هوا وبيلفو عالفاضي قمت سيبتها لحد مامالت لورا وجبت مارشدير ويافكيك :)
:7_9_6v[2]::7_9_6v[2]::7_9_6v[2]::7_9_6v[2]:
عملت كده بالظبط :)

اقتباس:

---

المشاركة الأصلية كتبت بواسطة khalid_adel

انا مره بالامبريزا اتعلقت بمعني الكلمه علي مطب والاربع عجلات كانو عال هوا وبيلفو عالفاضي قمت سيبتها لحد مامالت لورا وجبت مارشدير ويافكيك :)
:7_9_6v[2]::7_9_6v[2]::7_9_6v[2]::7_9_6v[2]:
عملت كده بالظبط :)

---

:Copy of new:

طيب والعربيه اخبارها ايه :ask:

امال الهوندا ايه بقى يا رجالة بس عايز اقولكوا حاجة انا خدت مطبات بالهوندا دى مقولكوش بالهبل وبمشى فى طريق المنوفية بتاع القناطر ده كتير بتحك وتتخبط بس انزل بص بقى تحت العربيه ولا اى حاجة ولا اى تاثير هيا المشكلة ان سماع صوت الحكة او الخبطة هوا اللى مؤلم جدا

شايف ان الموضوع عادي
ومش هيوقف مسيرة الكورولا 2014

انا معايا الكورولا 2014 وفعلا بتحك فى المطبات بس لو عديت على المطب زى السلحفة حتى لو معايا ناس على الكنبة , العربية مش بتحك, مش عارف ده سحر ولا ايه

سيبك انت من الكلام دة
العربية في المجمل حكاية
وتحك ياعم اية المشكلة يعنى ما هو كل الموديلات السابقة كانت بتحك ووحتى في موديل 2007 حك معايا في مطبات بس عربيات ثابته نفسها
دى الملك للمالك والقافلة تسير

اقتباس:

---

المشاركة الأصلية كتبت بواسطة محمد الوااالى

انا معايا الكورولا 2014 وفعلا بتحك فى المطبات بس لو عديت على المطب زى السلحفة حتى لو معايا ناس على الكنبة , العربية مش بتحك, مش عارف ده سحر ولا ايه

---

الف مبروك يا باشا علي العربية
معلش هتعبك لو توضحلنا شوية الحك بتاع العربية بكام تجربة في كام مطب مللي مشهورين في مصر.
و هل فعلا بتحك في كل المطبات وﻻ في المطبات الغبية شوية و هل جربت تاخد المطب بزاوية فرق وﻻ ﻷ وهل لما تكون محمل ناس بتفرق و ﻻ ﻷ.
معلش اصل الموضوع ده عملي قلق شوية ﻷن كان معايا الكوروﻻ اللي قبليها و كنت باخد المطبات براحتي قوى و يمكن كمان مكنتش بهدي و عمرها ماحكت