رقم العضوية : 147872
تاريخ التسجيل : 29Aug2013
المشاركات : 43
النوع : ذكر
الاقامة : مصر الجديدة , القاهرة
السيارة: اوبل فيكترا c
السيارة[2]: باذن الله بيجو 307
الحالة :
السلام عليكوا ,يا رجالة انا معروض عليا بيجو 307 مانويل مو 2007 بس انا مستغرب فيها كام هاجة هى فيها مالتى فنكشين و التكيف بتعها بكر و طاسات و مفيهش اى حاجة من صفات الهاى لين زى ما صحبها بقول غير المالتى بس هى فابريكة برة و جوة بس حالة العربية من برة عيزة سرف اكن من جوة زى الفل يعنى هى عيزة اكصام امامى و فنوسين خلفى الراجل كان طالب 65000 وانا اتكلمت معة فيارت لو اعرف رئيكوا فى السعر و ازاى العربية نزلا ابشينز مختلفة عمرى مشوفتها فى عربية تنية مش موتنسكا فل اوبشينز و لو انا اشترتها اقدر اغير وحدة التكيف بوحدة تاتش ؟؟ علشان الوحدة دية هى الحاجة الوحيدة التبهدلة فى العربية من جوة .
رقم العضوية : 11385
تاريخ التسجيل : 23May2008
المشاركات : 3,289
النوع : ذكر
الاقامة : Egypt
السيارة: Lancer
السيارة[2]: Peugeot
دراجة بخارية: لا
الحالة :
تغير وحدة التكييف دي أعتقد أنها هتكون صعبة,, بس اللي يفيدك فيها أكتر التوكيل,
يعني تكلم توكيل غمرة تسئلهم في الموضوع دا,,
وطبعاً
وهيا كدا طبعاً مش هاي لاين, طالما بتقول التكييف بكر,, والعربية طاسات,, تبقي مش هاي لاين والراجل بيكذب عليك,
وحضرتك محدتش هل هيا هاتش باك ولا sw
لو هاتش باك ومفهاش فتحة سقف, أو لو كانت sw ومفهاش سقف بانوراما, تبقي مش هاي لاين,
والمالتي فنكشن بتاع الكاسيت دا بينزل في موديلات كتير, ومش دا اللي بيخلي العربية هاي لاين,
اللي بيخليها هاي لاين الجنوط الأسبور, التكييف التاتش, والسقف الازاز وبيفتح في الهاتش باك أو بانوراما في ال sw
السعر مش وحش, بس أنت محددتش الكيلومتر وحالة العربية,
بس طالما التكييف متبهدل والعربية عايزة أكصدام وفانوسين, واضح أنها متهانة,
عموماً ال 307 عربية جميلة ومريحة وأمان عالي وفراملها قوية وكان أكتر عيب فيها الفتيس الأوتو لو حصل له أهمال في الصيانة وبدأت فيه المشاكل, يعني المانيوال هتبقي ممتازة,,
بس علي اللي أنت بتوصفه دا, العربية عايز يتكشف علي حوضها عشان تعرف لو كانت عاملة حادث قبل كدا وأتصلحت بطريقة رخيصة والأكصدام أتلحم وأتكروتت,
وكمان عشان صاحبها مش صريح معاك وبيكذب عليك, دي حاجة تضايق وتقلق من العربية.
المفضلات