ارجو المساعده من اهل الخبرة (فيليشيا)

السلام عليكم ورحمة الله وبركاته
ارجو المساعدة من اهل الخبرة
انا عندى اسكودا فيلشيا موديل 1997
المشكلة .... انا غيرت زيت للعربيه وفلتر زيت عند الميكانيكى للمكاينه زيت التعاون (الجركن الازرق)
المهم من ساعة مغيرت الزيت والدخان الابيض بيطلع من الشكمان كثيف جدا جدا جدا دا لما العربيه تسخن يعنى امشى قد ربع ساعه بالاضافه الى سخونه العربيه فوق المعتاد
المكيانيكى قالى دى عايزه طقم شنبر
المهم انا اعتقدت ان ممكن المشكلة تكون من الزيت انو فيه مشكلة او بايظ جبت زيت تانى بدون الفلتر وغيرتو الدخان توقف شويه ورجع تانى المهم الميكانيكى قالى غير الزيت والفلتر تالت ممكن العربيه تظبط لانك كان المفروض تغير الفتر كمان
المهم ان موضوع طقم الشنبر دا غريب بيقولى انو هيفتح المكينه وربنا يسهل وانا مش عارف التكلفة تكون قد ايه بيقولى ممكن يبقى شبنر وممكن يوصل لعمرة
فمش عارف اعمل ليه
للمعلومه العربيه الزيت ساعات بينقص وفى ترشيح زيت تحت البوجيهات وكانت ساعات لما الزيت ينقص تتطلع دخان ابيض ازود شويه زيت قد نص كيلو تظبط
بس هو معقول مره واحده المكينه تطلب شنبر
انا روحت غيرت ساعة الريداتير وميه خضر سعودى بس فى حاجه غطا اربه الميه بقى بيطلع ميه مع دوسه البنزين
دا غير انى بقيت الاقى زيت باكم طالع من اربة الزيت
مش عارف اعمل ايه ؟؟؟

اقتباس:

---

المشاركة الأصلية كتبت بواسطة stafants

السلام عليكم ورحمة الله وبركاته
ارجو المساعدة من اهل الخبرة
انا عندى اسكودا فيلشيا موديل 1997
المشكلة .... انا غيرت زيت للعربيه وفلتر زيت عند الميكانيكى للمكاينه زيت التعاون (الجركن الازرق)
المهم من ساعة مغيرت الزيت والدخان الابيض بيطلع من الشكمان كثيف جدا جدا جدا دا لما العربيه تسخن يعنى امشى قد ربع ساعه بالاضافه الى سخونه العربيه فوق المعتاد
المكيانيكى قالى دى عايزه طقم شنبر
المهم انا اعتقدت ان ممكن المشكلة تكون من الزيت انو فيه مشكلة او بايظ جبت زيت تانى بدون الفلتر وغيرتو الدخان توقف شويه ورجع تانى المهم الميكانيكى قالى غير الزيت والفلتر تالت ممكن العربيه تظبط لانك كان المفروض تغير الفتر كمان
المهم ان موضوع طقم الشنبر دا غريب بيقولى انو هيفتح المكينه وربنا يسهل وانا مش عارف التكلفة تكون قد ايه بيقولى ممكن يبقى شبنر وممكن يوصل لعمرة
فمش عارف اعمل ليه
للمعلومه العربيه الزيت ساعات بينقص وفى ترشيح زيت تحت البوجيهات وكانت ساعات لما الزيت ينقص تتطلع دخان ابيض ازود شويه زيت قد نص كيلو تظبط
بس هو معقول مره واحده المكينه تطلب شنبر
انا روحت غيرت ساعة الريداتير وميه خضر سعودى بس فى حاجه غطا اربه الميه بقى بيطلع ميه مع دوسه البنزين
دا غير انى بقيت الاقى زيت باكم طالع من اربة الزيت
مش عارف اعمل ايه ؟؟؟

---

مبدأيا دخان ابيض من الشكمان مع نقصان زيت من الماكينة يبقى بنسبة 99% طقم شمبر بس عايز اسأل الاول هل كان قبل تغيير الزيت فيه دخان ابيض من الشكمان ونقصان زيت وبعدين طالما طقم شمبر يبقى لازم هيفتح الموتور ده اكيد بس حاسس من كلامك ان الميكانيكى بيفتح شغل لنفسه مش عارف ليه والمشكلة التانية اللى بتقول عليها وان غطا قربة المية بيطلع مية مع دوسة البنزين كده يبقى جوان وش السلندر عندك ضرب والماكينة سخنت منك
الحل اللى انت تعمله دلوقتى تشوف ميكانيكى تانى غير اللى انت بتتعامل معاه ومتقولش حاجة من اللى حصلت مع الميكانيكى الاولانى وغالبا انا شاكك فى الزيت لو كان من عند الميكانيكى الاولانى يبقى ممكن يكون الزيت مضروب فالمفروض دلوقتى ان مادام الشكمان بيدخن ابيض يبقى كده خلاص طقم شمبر مع تغيير جوان وش السلندر مع مراجعة وش السلندر نفسه لو فيه تقفيع ولا حاجة مع مراجعة كاوتش الصباب والبساتم

اقتباس:

---

المشاركة الأصلية كتبت بواسطة stafants

السلام عليكم ورحمة الله وبركاته
ارجو المساعدة من اهل الخبرة
انا عندى اسكودا فيلشيا موديل 1997
المشكلة .... انا غيرت زيت للعربيه وفلتر زيت عند الميكانيكى للمكاينه زيت التعاون (الجركن الازرق)

أعتقد زيت التعاون من الزيوت الرديئة بس أنا مش مجربة والله اعلي وأعلم

المهم من ساعة مغيرت الزيت والدخان الابيض

اعتقد الدخان الابيض الكثيف دة نتيجة دخول المياة لغرف الحريق واعتقد بكدة يبقي فيه تلف جوان وش سلندر

بيطلع من الشكمان كثيف جدا جدا جدا دا لما العربيه تسخن يعنى امشى قد ربع ساعه بالاضافه الى سخونه العربيه فوق المعتاد

زي ماقولت كدة اعراض جوان وش سلندر

المكيانيكى قالى دى عايزه طقم شنبر
المهم انا اعتقدت ان ممكن المشكلة تكون من الزيت انو فيه مشكلة او بايظ جبت زيت تانى بدون الفلتر وغيرتو الدخان توقف شويه ورجع تانى المهم الميكانيكى قالى غير الزيت والفلتر تالت ممكن العربيه تظبط لانك كان المفروض تغير الفتر كمان
المهم ان موضوع طقم الشنبر دا غريب بيقولى انو هيفتح المكينه وربنا يسهل وانا مش عارف التكلفة تكون قد ايه بيقولى ممكن يبقى شبنر وممكن يوصل لعمرة
فمش عارف اعمل ليه

فكك من الميكانيكي اللى هيعمل عليك شغل أعتقد الموضوع لو هيوصل لعمرة يبقي تسقيط موتور استيراد أوفر واحسن من وجهه نظري
للمعلومه العربيه الزيت ساعات بينقص وفى ترشيح زيت تحت البوجيهات وكانت ساعات لما الزيت ينقص تتطلع دخان ابيض ازود شويه زيت قد نص كيلو تظبط
بس هو معقول مره واحده المكينه تطلب شنبر


بالمناسبة لو العربية بتاكل زيت كنت هتلاقي لون الدخنة اللى طالع لونه ازرق مش ابيض
وجايز ترشيح الزيت اللى بتتكلم عنه ممكن يبقي سبب أو ممكن يكون عندك تسريب أنتا مش شايفه أو مش واخد بالك منه

انا روحت غيرت ساعة الريداتير وميه خضر سعودى بس فى حاجه غطا اربه الميه بقى بيطلع ميه مع دوسه البنزين

دة معناة ان غطاء القربة مش محكم الغلق أو يكون فيه هواء فى الدائرة

دا غير انى بقيت الاقى زيت باكم طالع من اربة الزيت

لو تقصد زيت فى قربة المياة بكدة يبقي أكيد جوان وش سلندر وممكن يتعمل عادي والتكلفة بسيطة ان شاء الله وللعم كل الردود السابقة إجتهاد شخصي قد تكون صحيحة أو غير ذلك بس حبيت اشارك وفى انتظار باقي فرسان القسم

مش عارف اعمل ايه ؟؟؟

---

اشكركم جدا جدا لاهتمامكم بمشكلتى
معلومه قبل تغيير الزيت مكنش فيه دخان بيطلع من الشكمان نهائى
بس ساعات كان بيطلع دخان ابيض لو اتاخرت فى تغيير الزيت واول ماغيرو او ازود الزيت تبقى الدنيا تمام
طب وايه ممكن يكون السبب ورا خروج زيت الباكم من الاربه الى بيكون فيها زيت الباكم
وهل لو انا غيرت الزيت وفلتر الزيت مع زيت شنبر وحطيت اويل سيل ممكن العربيه تظبت
وممكن تنصحونى بنوع زيت ايه ينفع لعربيتى لو عايز ااجل الموضوع ده لبعد العيد

اقتباس:

---

المشاركة الأصلية كتبت بواسطة stafants

اشكركم جدا جدا لاهتمامكم بمشكلتى
معلومه قبل تغيير الزيت مكنش فيه دخان بيطلع من الشكمان نهائى
بس ساعات كان بيطلع دخان ابيض لو اتاخرت فى تغيير الزيت واول ماغيرو او ازود الزيت تبقى الدنيا تمام
طب وايه ممكن يكون السبب ورا خروج زيت الباكم من الاربه الى بيكون فيها زيت الباكم
وهل لو انا غيرت الزيت وفلتر الزيت مع زيت شنبر وحطيت اويل سيل ممكن العربيه تظبت
وممكن تنصحونى بنوع زيت ايه ينفع لعربيتى لو عايز ااجل الموضوع ده لبعد العيد

---

خليك فى زيت شل الجركن الاحمر

خلى بالك لا يكون الزيت مضروب بالجذمة
و انا من راى زى ما المنسى بيقولك يا شل الاحمر و شرط يكون من البنزينة او زيت امارات مصر متجربين على الفليشيا

انا فعلا غيرت تالت الزيت وفلتر الزيت من غير زيت شنبر
الدخان مرحش خالص بالاضافه الى ان الزيت بينقص بصوره غربيه جدا بينقص بسرعه
انا كنت مستنى يومين بس لحد العيد مش عارف اعمل ايه
بفكر اجيب 2 كيلو زيت سايب واحط عليهم زيت شنبر واقلبهم وازود لحد ماعمل حوار الجوان والشنبر ده
كلام صح ولا غلط
شكرا للاهتمام

اقتباس:

---

المشاركة الأصلية كتبت بواسطة stafants

انا فعلا غيرت تالت الزيت وفلتر الزيت من غير زيت شنبر
الدخان مرحش خالص بالاضافه الى ان الزيت بينقص بصوره غربيه جدا بينقص بسرعه
انا كنت مستنى يومين بس لحد العيد مش عارف اعمل ايه
بفكر اجيب 2 كيلو زيت سايب واحط عليهم زيت شنبر واقلبهم وازود لحد ماعمل حوار الجوان والشنبر ده
كلام صح ولا غلط
شكرا للاهتمام

---

انصحك ماتمشيش بالعربية احسن الموتور يقفش منك او الشنابر تتكسر وفى الحالة دى الشمايز حتبوظ وتتخربش وتعمل كده عمرة كاملة بدل طقم شمبر والعربية تفتح بقها معاك اركنها ومن مكانها على الميكانيكى افضل وبراحتك طبعا !!

يفضل تعمل طقم الشمبر قبل الموتور مايدخل فى عمرة كاملة وبعدين انت لسه فى ايديك الموضوع علشان العملية متكبرش

غير طقم الشنبر

ممكن يكون الزيت اللى انت حاطيته يكون مستوى تطورة عالى sj او اكتر وده بيبقى فيه مواد كيماويه متخصصة فى تنظيف الكربون والرواسب فى المحرك وده يجيب نتيجة عكسية معاك علطول لانه بيشيل طبقة الكربون اللى حاكمة البستم مع الشوميز و علشان كده الزيت اتحرق وخرج فى صورة دخان ابيض .
الحل :
وضع زيت تقيل احادى الدرجة مستوى 50 لا يزيد عن sf وتصبر عليه كام يوم مع المشى ممكن يكون طبقة كربون تانى ، ولو منفعش يبقى لازم طقم شنبر ، ومتخليش الزيت ينقص زوده علطول .
وممكن اضافة زيت شمبر ايضاً للمساعدة فى تكوين طبقة الكربون .

لو هتغير طقم الشنبر نصيحة روح عند فاهم و موثوق فيه
علشان ميفتحش عليك شغل و فى الاخر يشيلك و يخليك تجيب موتوووووووووووور
و يغرمك بتاع 4000 او 5000 جنية متستغربش دى حقيقة
بناءا على قصص هنا فى المنتدى
و لو احتاجة مساعده ابقى قوووووووووول
قبل ما تعمل حاجة علشان تكون على بينة و ميتنصبش عليك
بالتوفيق ان شاء الله

الحمد لله
غيرت جوان وش السلندر وطقم الشبنر
هى كانت تجربه مريرة جدا جدا فيها شويه مشاكل منها ( بس طبعا الحمد لله )
* المسامير الطويله الى بتفك المكينه قفشت ومش راضيه تتحرك من مكانها رحت مخرطه وحاولو معاها لحد مطلعت عننينا وبعد كده اتفكت وطبعا ده سببو الاملاح الى فى الميه
* ركبت عدد 2 جوان لان الوش بعد متفك واتنظف واتقشت لقى فيه زى خربيش كده من الاملاح والميه
* طبعا المصاريف كتيره لدرجة المسامير الى ظهره بتاعت الوش الواحد بعد الفصال ب 25 جنيه
* مشاوير كتيره من بتوع قطع الغيار الى مخرطه لفك الوش ومخرطه تانيه لتنظيف الوش وقشطه

كل الشكر والتقدير لكل رد على اسئلتى فعلا انا استفدت كتير من المنتدى ده شكرا

اقتباس:

---

المشاركة الأصلية كتبت بواسطة stafants

الحمد لله
غيرت جوان وش السلندر وطقم الشبنر
هى كانت تجربه مريرة جدا جدا فيها شويه مشاكل منها ( بس طبعا الحمد لله )
* المسامير الطويله الى بتفك المكينه قفشت ومش راضيه تتحرك من مكانها رحت مخرطه وحاولو معاها لحد مطلعت عننينا وبعد كده اتفكت وطبعا ده سببو الاملاح الى فى الميه
* ركبت عدد 2 جوان لان الوش بعد متفك واتنظف واتقشت لقى فيه زى خربيش كده من الاملاح والميه
* طبعا المصاريف كتيره لدرجة المسامير الى ظهره بتاعت الوش الواحد بعد الفصال ب 25 جنيه
* مشاوير كتيره من بتوع قطع الغيار الى مخرطه لفك الوش ومخرطه تانيه لتنظيف الوش وقشطه

---

مبروك على العمرة وربنا يباركلك فى عربيتك
25 جنية فى المسمار دى سرقة تمنه لايزيد عن 15 جنية استعمال المانى بس وعموما المفروض تحط مية حمراء بعد العمرة ويكون تركيزها لايقل عن 33% علشان موظوع الأملاح والتأكل واديك شوفت مية الحنفية عملى بتعمل اية فى الموتور !!

بصراحة المسمسار كان جديد مش استعمال
بس انا مش عارف اجيب الميه منين والافضل تكون حمرا ولا خضرا
طبعا انا من طنطا فلو فى بنزينه معينه ممكن الاقى فيها الميه ياريت حد يقولى النوع بنزينه شل او موبيل

حمرا او خضرا مش هيه دى المشكله .. المهم انها تبقى من بنزينه معتمده زى موبيل مثلا وتبقى تركيز 40% وعلى فكره بتاعه موبيل بتبقى غاليه ..انا سالت عندهم من يومين لقيت الجركن 4 لتر 70 جنيه وانت عايز على الاقل 6 لتر يبقى تجيب اتنين جركن ب140 جنيه وكمان محتاج تغسل دوره التبريد كويس وتشيك على طرمبه الميه والقربه والخراطيم واهم من ده كله الريداتير الالومنيوم والمروحه ال6 ريشه + ترموستات اسبانى (اوعى تجيب الايطالى زى الزفت ومضروب ) الاسبانى غالى شويه بس بيقرا الحراره تمام ومش بيهيس زى الايطالى .. بعد كده شيك بالمره على صباع الحراره ...وانسى الحراره وامشى فوق الشمس ...

اقتباس:

---

المشاركة الأصلية كتبت بواسطة stafants

بصراحة المسمسار كان جديد مش استعمال
بس انا مش عارف اجيب الميه منين والافضل تكون حمرا ولا خضرا
طبعا انا من طنطا فلو فى بنزينه معينه ممكن الاقى فيها الميه ياريت حد يقولى النوع بنزينه شل او موبيل

---

هات مية برتقالى من بنزينة توتال الجركن 4 لتر ب 63 جنيه والترموستات الايطالى انا شغال بيها زى الفل هيه ممكن تهيس فى حالة واحدة لو دايرة التبريد واخدة هوا هتلاقى القراية مش مظبوطة وزى ما الاخ رد عليك فالمشاركة اللى فاتت التزم بالحاجات اللى قالها انا عايز اعمل تقرير مصور لدورة التبريد وهحاول اعمله وانزله ان شاء الله

اقتباس:

---

المشاركة الأصلية كتبت بواسطة المنسي

هات مية برتقالى من بنزينة توتال الجركن 4 لتر ب 63 جنيه والترموستات الايطالى انا شغال بيها زى الفل هيه ممكن تهيس فى حالة واحدة لو دايرة التبريد واخدة هوا هتلاقى القراية مش مظبوطة وزى ما الاخ رد عليك فالمشاركة اللى فاتت التزم بالحاجات اللى قالها انا عايز اعمل تقرير مصور لدورة التبريد وهحاول اعمله وانزله ان شاء الله

---

على فكره يا استاذ منسى انا الحاجات اللى قلتله عليها دى اتعلمتها هنا .. فواجب عليا انى اتقدم بالشكر لكل الاعضاء اللى مش بيبخلوا بالرد والنصيحه .. وعلى العموم انت طبعا وعم صبحى والاستاذ احمد سيد والاستاذ احمد جوده من الناس اللى انا بثق فى كلامهم جدا ..:tumb:

اقتباس:

---

المشاركة الأصلية كتبت بواسطة adhmmaamon

على فكره يا استاذ منسى انا الحاجات اللى قلتله عليها دى اتعلمتها هنا .. فواجب عليا انى اتقدم بالشكر لكل الاعضاء اللى مش بيبخلوا بالرد والنصيحه .. وعلى العموم انت طبعا وعم صبحى والاستاذ احمد سيد والاستاذ احمد جوده من الناس اللى انا بثق فى كلامهم جدا ..:tumb:

---

اولا شكرا على كلامك الجميل واحنا هنا بنقدم المعلومة لوجه الله ولو الواحد شاكك فى المعلومة بيقول والله اعلم بعدها
عايز اقولك انى ناوى ان شاء الله اعمل دورة التبريد واسلك الردياتير وهحاول اصور الشغل ده واعمل بيه تقرير للافادة

معلش سؤال غريب هى الميه الى بتخرج من التكييف كويسه للريداتير لانى سمعت انها كويسه جدا
شكرا

اقتباس:

---

المشاركة الأصلية كتبت بواسطة stafants

معلش سؤال غريب هى الميه الى بتخرج من التكييف كويسه للريداتير لانى سمعت انها كويسه جدا
شكرا

---

مية التكييف لوحدها متنفعش لازم تجيب معاها كانز مية خضرا مركزة وتضيفها عليها