العربيه بتغيب فى الدواره بشكل غريب- برسونا 2009
صباح الفل على اعضاء المنتدى الكرام
يا شباب انا كان ليا حوار كده مع قطع سير الكاتينه وغيرت 9 صبابات وطبعا سير وبليه وجوانات
المهم بعد الميكانيكى ما خلص شغله جينا ندور كانت البطاريه نامت من الركنه اكثر من 15 يوم
المهم عمل توصيله ودارت العربيه ومن ساعتها وهى بتغيب فى الدواره بشكل غريب مش طبيعى
فالسوال هل ممكن تكون البطاريه ولا ممكن الطلمبه مع العلم انها كانت شغاله زى الفل ولا ممكن يكون فلتر بنزين ولا ممكن يكون مشكله فى الرشاشات ولا الميكانيكى قسم السير غلط .... الخ
بصراحه الموضوع ده بيضايقنى ووصل لمرحله ان العربيه ممكن تدور بعد 2-3 محاوله
فياريت تردوا عليا على شان اعرف هعمل ايه