اتخنقت وعايز علاج نهائى

**midoabdeen** · 08-10-2013 11:46 AM

السلام عليكم ورحمه الله وبركاته
انا عندى بقع بتظهر فى جسمى تقريبا فى الفتره اللى بين الصيف والشتا والعكس
كشفت 100 مره كل مره يقولى تنيا ملونه مع انى عمرى ما لبست حاجه مكان حد ولا حد بيلبس هدومى خااااااالص
اخر مره قالى ممكن تكون بعد ما تستحمى بتسيب ميه على جسمك من ساعتها بقيب مش بسيب ميه خالص على جسمى
وكل مره اخد العلاج وتروح وترجع تانى
ايه العمل فى الموضوع دا ولو تعرفوا دكتور كويس وفااهم دلونى عليه ياريت

**amr011111** · 08-10-2013 11:59 AM

ربنا يتم شفاك على خير ان شاء الله
فيه طبيب امراض جلديه متميز اسمه د. عادل امام موجود فى عمارة كوين سنتر اللى فى الخليفه المأمون
قريب اوى من مول السخاوى

**Dr.M_baz** · 11-10-2013 10:16 PM

أنا عايز أضيف معلومه بسيطه:
ده النوع الوحيد من التنيا إللي مبيجيش عن طريق العدوى من حد و انت نفسك بتقول بيجي كل سنه في نفس الموعد و يعتبر من أسهل أمراض الجلد في العلاج بس مشكلته الوحيده أنه بيجي تاني في نفس الموعد.
أنا عارف أن كلامي محبط بس إللي يطمنك أنه بياخد دوره زي من 2-5 سنين ثم ينتهي تماما بسبب انتظام مناعة الجلد.
معظم أطباء الجلد بيقول عدوى عشان يخلص من محاولة شرح السبب عشان هي معقده رغم بساطة المرض.
أخيرا ربنا يكتب لك الشفاء.

**elrasy** · 26-10-2013 11:06 PM

للاسف مش تختفى للابد هتفضل كدة تروح لما تحط كريم و بعدين تيجى تانى و كمان ايام الحر و الرطوبة.

استخدم نيزورال كويس

**tarek12** · 12-11-2013 01:18 PM

نصيحة مكن تروح العياده الخارجية بتاعه القصر العينى
كلهم على درجة بروفوسير اى استاذ دكتور و الكشف مش غالى

**أبو آسر** · 11-12-2013 09:14 AM

أنا عندي نفس مشكلتك بقالها عندي أكتر من 14 سنة وتأقلمت عليها خلاص خاصة إنها فعلا مش تينيا زي اللي الناس عارفاها بتاعة العدوى والجرب وقلة النظافة والكلام ده ، ده نوع من أنواع التينيا بتيجي لأنواع معينة من الجلد الحساس زيها زي أي مرض ممكن يبقى سهل الوصول لناس معينة معندهاش مناعة كافية ضد المرض ده زي البرد والانفلونزا مثلا
أنا عن نفسي زمان كنت باخد حبوب اسمها "كيتوكونازول" وبعدين اتغير اسمها وأصبح "كيزول" وكانت التينيا بتروح بعد ما أخلص العلبة ، لكن مرة خلصت العلبة والتينيا مراحتش فجبت علبة تانية وخدتها ففوجئت بإن قدمي اتورمت بطريقة رهيبة ودي عمرها ما حصلتلي وخدت حقنة ليها وخفت بس عرفت إن ده عارض من عوارض الحبوب وبعدين عرفت إن الحبوب دي بتأثر على الكلى أو الكبد مش فاكر على المدى البعيد فبطلتها
حاليا بستخدم رش اسمه "كلوسول"

بترشه على الأماكن المصابة كلها على الأقل مرة يوميا ويفضل بعد شاور بعد كام يوم هتلاقيها بتروح شوية شوية لحد ما تختفي لكن طبعا بترجع تاني لأنها موسمية ممكن تختفي كام شهر أو سنة وترجع تاني فحاول تتأقلم عليها ومتنزعجش منها لأنها غير معدية وغير مضرة في شيء غير مظهرها السيء ليس إلا وعلاجها زي ما قلتلك جرب كلوسول وشوف النتيجة هتبقى إيه معاك
أرجو إني أكون أفدتك

**أبو آسر** · 11-12-2013 11:25 PM

المشاركة الأصلية كتبت بواسطة midoabdeen

انا فعلا كنت بستخدم المرهم دا وكان فى اسبراى تانى باردوا بس مش فاكر اسمه دلوقتى الصراحه

بس انا مش فاهم ازاى حاجه زى دى مالهاش علاج وكمان تروح للدكتور يقولك تنيه ومتستعملش حاجه حد

ياسيدى والله مش بعرف اصلا استعمل حاجه حد تانى تحس انهم حافظين الكلام هو هو الكلام اللى بسمعه منهم كلهم كل مره

يللا ربنا يعفو علينا

وشكرا لنصيحتك الغاليه

اللي يقولك كده يبقى دكتور لا مؤاخذة لأن دي مش بتنتقل بالعدوى
شوف المواضيع دي
http://www.youm7.com/News.asp?NewsID=940426

http://www.geldeya.com/%D8%A7%D9%84%...88%D8%A7%D8%A8

ونصيحة هات كلوسول الرش مش مرهم زائد ممكن تجيب شامبو يحتوي على الكيتوكونازول زي ما مكتوب في الموضوعين اللي فوق ومع مداومة الاستخدام ممكن تلاقيها راحت خالص ورمجعتش تاني