لانوس ولا نوبيرا ساعدونى

**aboomar22** · 08-10-2013 08:52 PM

ان شاء الله قررت ان اكون ضيف عندكم فى قسم الدايو والجمعة الجاية نازل السوق ان شاء الله ربنا يوفقنى والاقى حاجة كويسة بس المشكلة دلوقتى لانوس ولا نوبيرا انا مجربتش الاثنين وناس تقولى خليك فى اللانوس وناس تقولى النوبيرا انا هقولكم استخدامى وانت ساعدونى اولا انا طويل وممتلىء اغلب مشاويرى داخل القاهرة احب فى السيارة التكييف القوى والاوبشن الاكثر والسحب الجيد قيادتى هادئة فانتم شايفين ايه الافضل مش مشكلة ثمن العربية وشكرا مقدما

**engwael** · 08-10-2013 09:33 PM

انا جربت النوبيرا وشفت اللانوس وانصح بالنوبيرا بس تكون سليمة

**AlGazar2** · 08-10-2013 10:05 PM

لو استخدامك اغلبه جوه القاهره فى شوارع مكسرة و مش بتجرى و مش هتسافر بيها و عايزها قطع غيار فى الحنين يبقى اللانوس بس تكييفها بيأثر على السحب بس بيسقع كويس

لو اسعار قطع الغيار متهمكش اوى ( الزيادة مش كبيره بس فى زيادة ) - الطرق اغلبها شبه كويس مش مكسر ولا مدغدغ كتير و هتسافر بيها و استخدام عائلى يبقى تجيب النوبيرا احسن من اللانوس بكتير فى حاجات كتير

**fares_311** · 08-10-2013 10:17 PM

النوبيرا اكبر واوبشن اكتر وموتور اكبر واظن ان قطع الغيار قريبه من اللانوس أظن انها الاختيار الاحسن

**mohammed dodda** · 08-10-2013 10:22 PM

انا مجربتش الاتنين كسواقة لكن ركبتهم.... بس لو هجيب هجيب نوبيرا لانها:( 1600سىسى وتكييفها قوى جدا-واسعة وثابتة وفخمة عن الانوس-جراية جدا وبتجيب ال200 بسهولة وبتعديها كمان-نفس السعر تقريبا)

**مصطفى-حسن** · 08-10-2013 10:26 PM

المشاركة الأصلية كتبت بواسطة aboomar22

ايه الافضل مش مشكلة ثمن العربية وشكرا مقدما

طالما مش مشكلة التمن يبقى خليك فى النوبيرا
وخد معاك حد فاهم ونقى انضف حتة فى السوق
حتى لو اغلى 2000 او 3000 مش هتفرق بس تكون نضيفة

بالنسبة لمصاريف الاستخدام
ببساطة لو قطع الغيار الانوس ب 10ج تبقى النوبيرا ب 15ج دة مثال بسيط على فكرة

لكن انا واحد من الناس لو رجع بيا الزمن وخيرونى بين لانوس ونوبيرا هختار الانوس
اصل حاجتها كلها ببلاش و 60% من اعطالها انا اللى بعملها بايدى
وبالنسبة ليا الفرق بينها وبين النوبيرا الوسع والثبات اكتر قليلا

لكن لو انا هطلع من الشريحة السعرية بتاعة الانوس وهعلى شوية
يبقى هركب نيسان صنى او تويوتا
لكن مش هركب نوبيرا

انا معايا لانوس 2002 كاملة مانيوال
فتقريبا يعنى مفيش فرق فى الاوبشن بينها وبين النوبيرا (حاجات بسيطة قوى)

ببساطة الانوس عربية ملهاش اى ميزانية ومتشغلش بالك خالص

**aboomar22** · 08-10-2013 11:17 PM

شكرا ليكم جميعا والله المنتدى ده انا حاسس انه مجمع احسن ناس فى الدنيا ربنا يخليكم ان شاء الله هحاول اجيب حاجة كوبسة ولما اشترى هبقى اقولكم علشان تقوللى اتعامل مع مين صتايعى وقطع غيار واعمل ايه وكده

**m_medo** · 09-10-2013 01:32 PM

انا هقولك على اللى بفضله كمستخدم بدون الدخول فى مصطلحات..
اللانوس صغيرة وقطع غيارها ارخص وابعادها صغيرة مش مفرشحة زى النوبيرا وكمان استهلاك بنزين احسن وتركن فى اى حتة... معلش ممكن اكون بقولها بالبلدى شوىه بس حبيت اقولك رأىى