-
افيدونى كروز ولا سيراتو
السلام عليكم ورحمة الله وبركاته
انا ناوى اشترى عربية فى حدود ال 90 الف تلى 100 الف ومحتار بين الكروز والسيراتو
ناس تقول السيراتو متورها جبار بس سباتها وحش والكروز متورها ضعيف بس سباتها ممتاز بس استهلاكهت للبنزين عتلى عشان المتور صغير على حجم العربية
انا بصراحه محتار بين الاتنين افيدونى يا اهل الخبرة
-
الكروز أفضل الكوري من وجهة نظري...
-
مميزات السيراتو
سحبها احسن ، قطع غيار أرخص و موجودة فى اى حتة. ، استهلاك بنزين اقل ،
عيوبها
خفيفة على الطريق ، عفشة نشفة. ،. و نصيحتى ابعد عن الجنط "١٧
مميزات الكروز
ثبات ممتاز ، اشيك ، قطع غيار موجودة بس مش زى ( السيراتو )، عفشة جيدة
عيوبها
طلعتها بطيئة. ، توكيلها سىيييء ،. و فى ناس بتقول ان فيها مشاكل بس انا مش متاكد أنها اشاعات ولا حقيقة.
و بالتوفيق إنشاء الله
-
صديقي المواطن
لو.تقصد سيراتو.الشكل القديم يبقه تخليك في كروز.بس صيانتها وقطع غيارها تكلف أكثر
لكن لو تقصد كروز وسيراتو الشكل الجديد فطبعا تاخد السيراتو وبالتوفيق
ودمتم للنضال
-
الكيا بس هتجيب اني فئة
لو الاقل يبقي بلاش
-
الكروز. تتميز بثبات اعلى شوية عن السيراتو ويعيبها الماتور ولو موديل ٢٠١٠ ابعد عنها علشان كان فيه مشاكل كهربا كتير
السيراتو ماتورها عفي اوي ..يفضل جنط ١٦ فاقل .. متتركبش غير هاى لاين علشان تتمتع بيها الا اذا الكماليات ثانوية بالنسبالك
لو بتتكلم عن كروز ٢٠١٣،٢٠١٤ الماتور اللى نازل فيها بتاع استرا ومفيهاش مشاكل لغايط دلوقتى
-
لو السيراتو الشكل الجديد الفتيس 6 سرعات توكل علي الله
-
اولا انا متشكر يا جماعة على الافادة السريعة دى
ثانيا انا بتكلم عن اليوزد علشان الكروز اول حاجة فيها ب 146 الف والسيراتو الجديدة اول حاجة فيها ب 148 الف
فانا بتكلم على موديل 2011 او 2012 كروز او لانسر
وممكن اعرف لية السيراتو ال17 البصمة لاء لية؟
Content Relevant URLs by
vBSEO 3.6.0 PL2