بخصوص كارت البنزين

**MOSTAFA . AHMED** · 09-10-2013 10:51 AM

دلوقت لو الواحد حب يبيع العربية هل يدي للمشتري كارت البنزين بتاعها ولا يسيبوا معاه ويغير بيانات العربية لما يجيب واحده جديده ؟؟؟؟؟؟؟؟؟؟؟؟

**amr011111** · 09-10-2013 10:52 AM

كارت البنزين خاص بالسياره وبالتالى تدى الكارت للى هيشترى
لان الكارت فيه بس رقم الموتور والشاسيه والاسم مش موجود

**lidosasa** · 09-10-2013 12:46 PM

كارت البنزين مرتبط بالعربية زيه زى رخصة التسيير مش مرتبط بقائد العربية ولما المشروع يبدا يتطبق الناس مش حترضى تشترى عربية من غير كارت البنزين وحيكون أهم من العربية ذات نفسها .

**lidosasa** · 09-10-2013 02:16 PM

المشاركة الأصلية كتبت بواسطة MOSTAFA . AHMED

شكرا لكل من رد طب لما يأخد الكارت وينقل الملكية حيغير الكارت برده ولا يطلع كارت جديد بالارقام الجديده ؟؟؟

لو نفس المرور ونفس أرقام لوح العربية مش حيغير حاجة لأن الكارت مفيش فيه إسم مالك السيارة كل الحكاية إنك حتقول للمالك الجديد على كلمة السر عشان يستخدم الكارت .
لكن المشكلة الحقيقية اللى لسه مكتشفها دلوقتى من النقاش لو حتغير لمرور تانى وتعلق نمر جديدة حيبقى الكارت عليه نمر غير اللى على العربية
الموضوع لسه جديد واكيد فيها قصور وثغرات كتير حتبان مع التطبيق وتدوخ اللى خلفونا زيها زى أى حاجة تانية فى البلد المعوجة دى اللى ماشية بدون تخطيط وبدعا الوالدين

**lidosasa** · 09-10-2013 03:38 PM

المشاركة الأصلية كتبت بواسطة MOSTAFA . AHMED

والله انا شايف ان المفروض ان الكارت يطلع على رخصة السواقة وتستخدمة على عربيتك تبيعها بقى تسيبها انت حر
لكن الدوخة ده والله محدش عارف يتعمل فيها ايه

دى تبقى كارثة لو على رخصة القيادة يعنى لو واحد عنده أكتر من عربية يعمل ايه ؟
والأهم والأخطر حتلاقى الشعب المصرى كله رايح يطلع رخصة قيادة عشان يجيب كارت البنزين ويبيع البنزين فى السوق السودا ويبقى تاجر بنزين أد الدنيا