تويوتا كورولا بعد 1000 كم والحكم عليها

اولا الشكل الخارجي والالوان - انا شايف انها بتخطف العين لان فيها شبه من الكامري والافالون
بالنسبه للالوان ديه ازواق - انا معايا الابيض اللؤلؤي بعد الغسيل بيكون جامد جدا جدا جدا

ثانيا من الداخل - واسعه جدا مريحه - العزل ممتاز - الصوت والبلوتوث رائع جدا
التكييف ثلاجه بمعني الكلمه وخاصيه DUAL ZONE مريحه جدا. واوبشنز كتتير تخلي الكورولا منافس قوي ف 2014

ثالثا الاداء على الطريق - اولا الموتور سحبه جامد جدا وصوت تقريبا ما فيش طول ما انت مشغل economy mode لكن sport mode بتقبل صاروخ ارض ارض بس بيكون معدل استهلاك البنزين اكتر - كنت بشد مع جيتا بعد 140 كم ما عرفش يحصلني اقصي سرعه جبتها كانت 160 كم
العربيه استلمتها كان عاملين اختبار PDI يعني مش محتاج تلين

رابعا الفتيس - اداء قوي جدا خصوصا لو قلب مانويل وتتحكم في السرعات

خامسا الخلوص من الارض - الموضوع اللي عامل قلبان فى دماغ الناس - مقارنه مع الجيتا والسيفيك الكورولا تكسب الجيتا اوطي بكتير
وعن تجربه العربيه من تحت مغطاه بالكامل وزياده عن كده حاطيين ماسوره بالعرض تحت شجره الشكمان هيا اللي بتاخد كل الحك شوفتها لما رفعت العربيه ومالهاش دعوه خالص بالعفشه وهيا اوطي نقطه فى العربيه

كورولا منافس قوي جدا وحيكون ليها وجود اكبر مع الايام القادمة

بالتوفيق للجميع
وانا جاهز لاي سؤال.