السلام عليكم
امبارح الحمد لله اشتريت كيا ريو 2013 جديده - الفئه الثانيه اوتوماتيك توكيل مش خليجي
فا كنت محتاج منك اهم نصائح ممكن اتبعها مع العربيه
وخصوصا اني لسه جديد فى القياده ودي تقريبا اول عربيه
شكرا جزيلا لاهتمامكم
السلام عليكم
امبارح الحمد لله اشتريت كيا ريو 2013 جديده - الفئه الثانيه اوتوماتيك توكيل مش خليجي
فا كنت محتاج منك اهم نصائح ممكن اتبعها مع العربيه
وخصوصا اني لسه جديد فى القياده ودي تقريبا اول عربيه
شكرا جزيلا لاهتمامكم
صديقي المواطن
مبروك وأهم التوصيات بالراحة عالعربية أول شهر وإوعه تحط زيوت شيل أو موبيل وغير فلاتر هواء وبنزين كل 5 أو 10 آلاف حسب إستعمالك وكل شهرين ترصص عجل وتظبط زوايا وكل 10 آلاف تقلب الكاوتشات بطريقة حرف إكش وكل شهرين تجيب علبة واكس وتعملها إنت أو تخلي البواب يعملها ومعلش هو البولش فيه ب 5 جنيه أو 7 جنيه وتجيب قطت وكل أسبوعين إدي إبن البواب 10 جنيه ويعملها الكاوتش تحطه على 32 وأوعه تثق في التوكيل أي مشكلة تقابلك تاخد رأي اﻷخوة الزملاء المواطنين في المنتدى وطبعا تروح تركب عوازل وتغطي اﻷرضية والشنطة والكراسي والملمعات متفارقش عربيتك إسبراي تجيب كميات بالجملة من التوفيقية الواحد.ب 5'جنيه وطقم دواسات قطعتين أمام وقطعة واحدة خلفية وكمان.تجلد العتب.تحت البيبان لزق أبيض من بره وأوعه عقلك يوزك وتقول أجلد العربية وطبعا حتنزل تجيب جهاز إنذار من اللي بيدور عن بعد وحتجيب 2 غطا ليها وحتجيب كلاكس محترم عشان كلكسات الهيونداي و.الكيا عره وصوتها كوميدي ولا يليق بيها تحسه بتاع عربية ثمانينات وبعدين تروح تعدل الفوانيس فث الحرفيين وتركب حلية ضخمة للشكمان ولو عايز تتطرف تعلي الغربية 3 زمبة وتركب عتبتين نيكل في الجنب وتركب درع جيب ورا وسبويلر ضخم وتجيب جي بي إس تراكر ولو حبيت تحط راكين فوق السقف وتحط فوقيهم الشنطة الكبيرة بلون العربية ترشها عشان شكلها يكون دبابة
ولو ملكش في كل القصص دي خليك في زيت وفلاتر وصيانات التوكيل اللي هي أي كلام وبالتوفيق
على فكرة أتا إختصرتلك حاجات كتير عشان الصح تجيب شاشتين في المخادع وستارة خلفية كهربائية وزينون وباركنج سنسور وكاميرا خلفية بشاشة مستقلة لوحديها على طول وتركب 2 أرايل خلفية كهربائية قصاد بعد في آخر الرفارف وتحط إنارة تحت العربية وكمان تحط بدالات بتنور وتحط حلية.لغطا التنك وكمان.تحط راكين ضخمين نيكل عالكبوت وحاجات تانية كتير وربنا يتولاك
ودمتم للنضال
ايه يا استاز صدام الكلام ده كله ................... العربيه لسه جديده
وزيت شل جيد جدا ..... ولا عندك نوع افضل ياريت تقولو
واضح انه داخل يلعب نييد فور سبييداقتباس:
المشاركة الأصلية كتبت بواسطة saddam
الف مبروك يا باشا
الف مبروك ياباشا ربنا يديك خيرها ويكفيك شرها ... انت بس لحد ١٠٠٠ك تليين وبعد ماتعمل صيانه الاف عييش بقي مع العربيه .. ووانت بتدور العربيه استني لما تاخد كهربتها يعني لما العداد يطلع وينزل بعدها بثانيه تدور . وبعد كده انساها في اي حاجه لحد ١٠ الاف كيلو بقي تروح تعمل صيانه برضو وهتنسي كل حاجه لحد ٢٠ الف وهكذا .. واي سؤال عن العربيه انا معاك
شكرا جزيلا ليك ولكل الناس اللى ردت ولاهتمامكماقتباس:
المشاركة الأصلية كتبت بواسطة basem emam
كنت محتاج منك توضيح
اظبط بس الكاوتش علي كام - هوا ولا نيتروجين احسن
افضل نوع زيت ليها ايه
شكرا
ألف مبروك ... وربنا يبارك لك فيها.
أنت كده معاك نفس الفئه ألى معايا
ألف مبروك يا باشا و ربنا يباركلك فيها
الكوتش على 32 مكتوب كده فى القايم ,خليك مع التوكيل فى الصيانات و أن شاء الله مش حتحتاج لحاجه تانيه
اقتباس:
المشاركة الأصلية كتبت بواسطة mohrefaey80
بالنسبه للكاوتش اظبطه ٣٠ لحد ماتروح صيانه الالف هم هيظبطوه بالظبط وبعد كده انساه خليك هوا عشان النيتروجين مش منتشر لسه
وبالنسبه للزيت برضوا كله في التوكيل متحملش هم حاجه هم عارفين الصح وبيعملوه كيا توكيل محترم بصراحه
الضغط 32 يا جماعة زي ما مكتوب على القايم الشمال ياريت نتبع كلام المصنع علشان نحافظ على العربية
وياريت نيتروجين - يبقي نيتروجين و 32 لكل الكاوتشات سيبك من اللي يقول لك ورا كام وبتاع لأ احنا ماشيين مع كلام الشركة بتقول 32 ورا وقدااااااااام
والف الف الف مبروك على العربية
الف مبروك واظبط علي ٣٢ نيتروجين وعندك افضل مكان بريدجستون
32 صيف ولا شتاء
الف مبروك على العربية وربنا يديك خيرها ويكفيك شرها
اولا : حاول تدبح حاجة اوتطلع اى صدقة وانوى نيتين نية الشكر لله ونية الصدقة.
ثانيا : زى ما الاخوة ذكرو ضغط الكاوتش زى ما مكتوب على القايم 32 ويا ريت نيتروجين امامى وخلفى شتا وصيف.
ثالثا : يلزمك الاتى (كوريك تمساح 1 طن سعره 135 ج - غطاء فى منه نوعين نوع ب 150 ونوع ب 200 وده الاتقل فى الخامة بتاعته و شوف اللى يناسبك فيهم - فرش جلد) ده اللى انصحك بيه وعشان ما تكونش التكلفة عالية عليك وانتا لسه متعور فى تمن العربية ابتدى بالحاجات الخفيفة زى الغطاء والكوريك بعديها على طول فكر فى الفرش الجلد عشان الشتا داخل والارضية حتتبهدل
اخيرا الف مبروك ويبعد عنك العين اللهم امين
سؤال صغير للي معاه نفس الفئهاقتباس:
المشاركة الأصلية كتبت بواسطة tmhami
لما بقفل او بفتح العربيه بالريموت بتعمل نور بس من غير صوت انذار او اللارم انها قفلت او فتحت
دا طبيعي فيها ولا فيها حاجه مش مظبوطه
هى أصلا مفيهاش أنذاراقتباس:
المشاركة الأصلية كتبت بواسطة mohrefaey80
هى فيها أنذار بس لو أنت فتحت العربيه بالمفتاح و أنت كنت قافلها بالريموت وقتها حتلاقى الكلاكس أشتغل كأنه أنذار
غير كده مش حتسمع أى صوت سواء مع فتح أو قفل الأبواب أو حتى لو حد خبط العربيه بأيده مثلا
اقتباس:
المشاركة الأصلية كتبت بواسطة tmhami
والله انا بشكرك جدا علي زوقك وعلي ردودك
بس معلش استحملني فى كمان سؤال
لو انا طيب حابب اركب انذار يركب فى التوكيل ولا فين
ولو مثلا حابب برضو اركب الريموت اللي بيفصل دايرة البنزين فى التوكيل ولا لو ركبته بره هاتبقي فيه مشكله مع التوكيل
شكراااا
يا باشا تحت أمرك فى أى وقتاقتباس:
المشاركة الأصلية كتبت بواسطة mohrefaey80
أى حاجه بره التوكيل يبقى الكهرباء حتطلع بره الضمان
نفس الموضوع عندى , نفسى أركب باركينج سينسور فى التوكيل ب 1400 و بره التوكيل ب 200 و طبعا خايف أركبه بره التوكيل علشان ضمان الكهرباء
و فى الأخر قررت أمشى جنب الحيط و مركبش حاجه خالص
الموضوع من الأخر ممكن تقبل المخاطره ( مش مخاطره أوى يعنى) و تركب ألى أنت عايزه بره التوكيل أو تمشى جنب الحيط زيى و طنش خالص
موضوع الأنذار بشوف أنه مش مفيد أوى اليومين دول خصوصا أن الحراميه بقوا بيعرفوا يتعملوا مع النذار كويس
و كمان أنت عند أيمبلايزر و ده فرأيى كفايه
اقتباس:
المشاركة الأصلية كتبت بواسطة tmhami
شكرا جزيلا ليك ولزوقك
وشكرا لكل الناس اللى ردت
mesaa elkheer 3alekom ana el7amdolelah gabt rio 2014 lx automatic akhbar keta3 el 3:yar aeh ?