العربية اول مرة تقف منى ..موبينة ولا مرش

**romany_ac** · 09-10-2013 01:56 PM

مساء الفل
امبارح عملت مشوار حوالى 4 كيلو وركنت وجيت ادور العربية بعد حوالى نص ساعةوحلفت مدورش لمبات الطابلوة كلها منورة والمارش ملوش صوت قيست البطارية بالافوميتر تمام فضلت قاعد فى العربية حوالى نص ساعة وقلت اجرب لقتها دارت وانا فى البنزينة بطلتها علشان افول حصلت نفس المشكلة شوية واجرب دارت انهاردة الصبح دارت على طول ولما وصلت الشغل قولت ابطل وادور دارت يعن المفروض كدة الموبينة مش بتسخن او فيها مشكلة ولا اية؟؟؟؟؟؟؟؟؟؟؟؟؟
اسف على الاطالة ومنتظر ارائكم قبل فتاوى الصنيعية وشكرا

**Hamroosh** · 09-10-2013 02:25 PM

لو موبينة ممكن تحس بتشه وانت ماشي، غالبا كده مارش علشان كمان حضرتك قلت مرة انك جيت تدور مسمعتش صوته.

**أحمد جودة** · 09-10-2013 02:53 PM

دي أعراض موبينة بنسبة كبيرة
وكمان زيماقال الزميل هتحس بنتشة بس مش شرط

انتظر رأي باقي الزملاء

**المنسي** · 09-10-2013 03:21 PM

المشاركة الأصلية كتبت بواسطة romany_ac

مساء الفل
امبارح عملت مشوار حوالى 4 كيلو وركنت وجيت ادور العربية بعد حوالى نص ساعةوحلفت مدورش لمبات الطابلوة كلها منورة والمارش ملوش صوت قيست البطارية بالافوميتر تمام فضلت قاعد فى العربية حوالى نص ساعة وقلت اجرب لقتها دارت وانا فى البنزينة بطلتها علشان افول حصلت نفس المشكلة شوية واجرب دارت انهاردة الصبح دارت على طول ولما وصلت الشغل قولت ابطل وادور دارت يعن المفروض كدة الموبينة مش بتسخن او فيها مشكلة ولا اية؟؟؟؟؟؟؟؟؟؟؟؟؟
اسف على الاطالة ومنتظر ارائكم قبل فتاوى الصنيعية وشكرا

على فكرة الاعراض اللى عندك ليها ثلاث احتمالات اولا المشط ثانيا الموبينة ثالثا المارش وهنبدأ نختبرهم ازاى هنبدأ من الاخر وهنبدأ بالمارش وهتخلى حد يقعد فالعربية ويدور وعينك على سير الدينامو لو لف معاك يبقى كده المارش سليم لو ملفش يبقى كده ترس البندكس عايز يتغير اللى هو اتوماتيك المارش خلاص خلصنا من المارش وطلع سليم هنروح على الموبينة اطلع اى مشوار وبطل العربية وحاول تدور لو مادارتش انزل وشوف الموبينة سخنة ولا لا لو سخنة حط عليها فوطة مبلولة وبعدين دور لو دارت يبقى كده الموبينة هيه اللى فيها المشكلة اخر حاجة المشط وده ملوش اى اختبار لو كل اللى فات طلع سليم يبقى هات مشط الكترونى جديد ومتجيبش الصينى
الموبينة التشيكى اصلى 120 جنيه
المشط الالكترونى التركى 160 جنيه
المشط الالكترونى اللتشيكى 245 جنيه

ملحوظة الاعراض اللى عندك كانت نفس اللى موجودة عندى وانتهت بتغيير المشط الالكترونى

**أحمد جودة** · 09-10-2013 03:39 PM

المشاركة الأصلية كتبت بواسطة romany_ac

معلش عايز استفسر عن حاجة المفروض لو العيب فى الاتوماتيك مسمعش صوت التكة مع التدوير صح ولا
ولو الموبينة لية امبارح مدارتش مرتين ولما روحت الجراج بطلت ودورت اكتر من مرة وكانت تمام.

جايز اختلاف الظروف الجوية ودرجة الحرارة المحيطة بالموبينة اقصد فى الوقت دة الجو كويس والعربية مكنتش ماشية مشوار طويل

عموماً لو تقدر تاخد بيها مشوار طويل شوية ( 100 كم ) وتقرص على العربية

لما عملت كدة كانت عندي مشكلة فى الموبينة وقطعت وكل ماتبرد امشي شوية لحد ماغيرتها بنوه ياباني وقيد التجربة

وجايز تكون الموبينة بريئة والعيب فى المشط زي ماقال الاستاذ منسي

**saddam** · 09-10-2013 05:48 PM

صديقي المواطن
العطل واضح وضوح.الشمس في كبد السماء بيقلك بيدور مفيش صوت نهائي وده أوتوماتيك المارش والمفروض يتعمل قبل متفتح وتصلح المرش أولا تركب كتاوت كويس للمرش وتغير اﻷرضي بتاعه بأرضي ضخم ومحترم وبكده ممكن تدور معاك دائما ولو جه يوم تاني ومدارتش فعلى طول تفتح المارش وتوديه لمؤسسة ميمي جنب مستشفى أم المصريين في الجيزة وحيصلحهولك زيرو بكلام فاضي وبالتوفيق
ودمتم للنضال

**aw2100** · 10-10-2013 12:58 AM

المشاركة الأصلية كتبت بواسطة i.abubakr

في احتمال رابع محدش ذكره
وده حصل معايا زمان

فيشه الكونتاكت

وراي الموبينه ليس لها علاقه بهذه المشكله
ترتيب الاحتمالات

اتوماتك مارش
فيشه كونتاكت
مشط

اعتقد ان العيب 100*100 فى المارش علشان هو بيسمع تكة الأوتوماتك والمارش مابيدرش ممكن يكون شاربون المارش خلص وده يخلى المارش يدور مرة ومرة لا لكن لو الفيشة المارش مايتكش خالص
والبوبينة برائة !!

-

الموضوع: العربية اول مرة تقف منى ..موبينة ولا مرش

LinkBack

أدوات الموضوع

عرض

-

-

-

المواضيع المتشابهه

موبينة اليكتروني

الموضوع الرسمي لتحويل موبينة الماروتي اللي موبينة الكتروني

موبينة الكهرباء

موبينة اليكترونى

موبينة تانى

الكلمات الدلالية لهذا الموضوع

المفضلات

المفضلات

ضوابط المشاركة