روح صيدلية إسأل عن المرضى ال بيجوا غير قادرين عى الدفع
او المرضى المديونين و سدد عنهم الدين
عرض للطباعة
روح صيدلية إسأل عن المرضى ال بيجوا غير قادرين عى الدفع
او المرضى المديونين و سدد عنهم الدين
ده موقع جمعية رسالة وفيها وسائل التبرع ولو اتبرعت بالفيزا هيديك شوية اختيارات لو حبيت تتبرع لحاجة معينة مش تبرع عام
كيف تتبرع - Resala
وبرده بنك الطعام المصري بيطعم ملايين الأسر وده موقعهم برده ممكن تبرع أونلاين لو عندك فيزا
الصفحة الرئيسية | Egyptian Food Bank
ربنا يجعله فى ميزان حسناتك ان شاء الله
ممكن تشوف بنت عروسه اهلها غير قادرين على تجهيزها وتساعدها .. وممكن الموضوع ده مع شاب متعثر فى الزواج
ممكن برضوا تروح لبقال تكون تعرفه او اى حد يعرفه كويس وعنده ناس مديونين (شكك يعنى ) وتكون ظروفهم صعبه فعلا وتسدد عنهم لاتتصور فرحه الناسى المساكين دى
لو دخلت اى مستشفى عام وهناك عمليات فى الانتظار بيكون لها مصروفات عمليه ممكن تتكفل بكم مريض غير قادرين انا شوفت الكلام ده فى مستشفى الجامعه فى طنطا وكتير كانوا غير قادرين على دفع الفين او ثلاثه الاف جنيه فى قسم جراحه المخ
ربنا يقدرك على فعل الخير
ممكن تروح مدارس او جامعات حكومية و تعرف منهم الطلبه الغير قادرين علي سداد المصروفات و تسددها او حتي جزء منها بالنيابه عنهم و ممكن تعمل نفس الفكره برضه لو تعرف محلات بتبيع بالتقسيط و عندهم عملاء مش بيسددوا و معرضين للسجن
اولا جزاك الله كل خير ,, وخصوصا في الايام الجميله دي اللي ربنا اقسم بيها فالقران ,, بِسْمِ اللَّهِ الرَّحْمَنِ الرَّحِيمِ ( وَالْفَجْرِ * وَلَيَالٍ عَشْرٍ) س الفجر
ثانيا , ان من اكثر الحاجات اللي ربنا بيحبها هي اطعام الطعام مصدقا لقوله تعالي ( وَيُطْعِمُونَ الطَّعَامَ عَلَى حُبِّهِ مِسْكِينًا وَيَتِيمًا وَأَسِيرًا ) سورة الانسان ..
وفي كمان قاعده فقهيه بتقول ,,( دراء المفسده مقدم علي جلب المنفعه )
يعني الافضل ان حضرتك توجه نفقاتك الي الاعمال الخاصه بالمرضي ويفضل يد بيد ,, يعني لو تعرف حد مريض يبقي افضل وبعد كدا المستشفيات مثلا ,, ثم اطعام الطعام , تجيب اكله توزعه او تدي فلوس زي ما حضرتك كنت بتعمل ,
دا الترتيب حسب الافضليه , وبعد كدا بقي تأتي اي حاجه تانيه ,, وكلـــــــــــــــــــه ان شاء الله هاتخد الاجر والثواب عليه , وَمَا أَنفَقْتُم مِّن شَيْءٍ فَهُوَ يُخْلِفُهُ وَهُوَ خَيْرُ الرَّازِقِينَ http://www.kalemat.org/gfx/braket_l.gif س البقره
والله اعلم ,,
كلمة واحدة ....حساب بتاع فك كرب الغارمات ...بتفك سجن أم محبوسة علشان كمبيالة بمبالغ هايفة و مش لاقيين حد يدفعلهم
في اعداد كبيرة من الاسر السورية من ضمنهم عدد كبير من الاطفال محبوسين في اقسام زي قسم ادكو وقسم الرحمانية وغيرها من اقسام الاسكندرية , و هم في ظروف معيشية مأساوية , غير ان مطلوب حقوقين للدفاع عنهم , هما محتاجين سلع تموينية للإعاشة ابسطها حليب للاطفال , لو حابب تتواصل مع احد المتابعين لهذة الحالات يا ريت تبلغني