تجهيزات السيراتو افضل كتير من الالنترا
الالنترا فولى لودد اعلى فئة وكيل مع واحد صحبى و انا حفظها لانى ركبتها كتير معاة... الايام اللى فاتت عجبتنى جدا السيراتو و لقيت فيها تجهيزات صغيرة محدش ياخد بالو منها فحبيت اوضحها علشان العربية محترمة فعلا.
انا حقارن تجهيزات السيراتو sx وكيل بالالنترا الفولى لودد وكيل لانهم نفس السعر تقريبا:
الالنترا تزيد عن السيراتو sx وكيل:
السيراتو تزيد ( جميع التالى غير موجود فى الالنترا فوللى لودد وكيل)
- جنوط 17
- سنسور امامى
- فوانيس ليد امامى + عدسات
- فوانيس ليد خلفى
- تحكم فى power steering (sport - comfort - normal)
- كمبيوتر العربية متطور عن اللى موجود فى الالنترا و يمكن التحكم منه فى طريقة غلق الابواب و خاصية الترحيب و حجات كتير
- اوكر و مرايات بتنور ... خاصية الترحيب لما تقرب من العربية تلاقى المرايات نورت و اتفتحت
- شفتات فى التارة لنقلات الفتيس من خلال التارة
- فتحات تكييف خلفى
- لما يكون فى باب مفتوح بتقولك انهى باب المفتوح و تنبهك حتى لما يكون السقف مفتوح الالنترا مش بتعرفك انهى باب اللى مفتوح
- نواكل فى الاوكر و حوالين الزجاج
- زراير بلوتوث فى التارة و يمكن ربط 5 موبيلات و نقل الكونتاكتس من موبيلك للعربية علشان لما حد يتصل بيك تقولك اسمة ( مش رد و خلاص ذى الالنترا)
- زرار زجاج السائق و الراكب الامامى اتو... اما الالنترا زجاج السائق فقط
- السنتر بيقفل اتوماتيك عند تحرك السيارة مع امكانية التحكم فى ذلك, الالنترا لازم تقفل السنتر و تفتحوا مانيوال.
- ثلاجة فى تابلو السيارة
ده اللى انا فاكرو دلوقتى, هى حجات صغيرة و محدش ياخد بالو منها علشان كده قولت اوضحها و طبعا واضح ان تجهيزات السيراتو اكتر.