حد يعرف اخد محور احمد عرابى الجديد منيين ؟!

**mk3** · 09-10-2013 03:49 PM

تم افتتاح محور احمد عرابى الجديد اليوم
وكل معلوماتى عنه تخفيف الضغط عن المحور
اطلعه منيين ؟ بيربط بين فين وفين بالضبط ؟ بينزل فين ؟

**mo7elmy** · 09-10-2013 04:27 PM

يا فندم واضح من اسمه تاخد شارع احمد عرابى من اوله عند سفنكس وتمشى فيه لحد اخره هتلاقى كوبرى واسع . هو دة الكوبرى الى تم افتتاحه تمشى فيه طوالى هتلاقى يطلعك على الدائرى .. فممكن تاخد اتجاه ميدان لبنان او اتجاه المعادى وهما الاتنين اتجاه واحد فطلع الدائرى فى الاتجاه دة وتنزل نزلة المحور وتروح ساسيدى على اكتوبر او هايبر زى ما انت عاوز.... وبكدة ممكن متخدش ميدان لبنان ولا حتة المحور الى بتخترق ارض اللواء..... ارجو اكون افادتك

**ACC.Eslam Arif** · 09-10-2013 10:29 PM

انت من سفنكس - 15 مايو ... تاخد احمد عرابى اتجاه السودان تطلع الكوبرى >>> يطلع على بشتيل >>> الدائرى اول طلعة اتجاه الدائرى الزراعى موقف العاشر >>> تانى طلعة من تحت الدائرى اتجاه الدائرى محور 26 محور صفط محور المريوطية

**mk3** · 09-10-2013 11:49 PM

شكرا على الرد
السؤال بس الكوبرى اللى فى اخر احمد عرابى ده اصلا كوبرى قديم صح ؟ وعلى ما اذكر اسمه كوبرى امبابه ؟ فيه وصله منه ولا كوبرى جديد ؟!

**mahmoudfawzypr** · 10-10-2013 01:21 AM

انا لسه طالع على الكوبري ده النهاردة ....هو معمول حلو بس طلعة الدائري وحشة جدا ......حتوصل لاخر عرابي حتلاقي الكوبري اطلع والطريق حيتفرع يمين وشمال خد الشمال وكمل لقدام بس خلي بالك لان الطريق ده حتلاقي فيه ناس ماشية عكسي ....كمل لقدام لغاية لما تلاقي يافطة ...يمين صحراوي شمال زراعي ......انا كنت رايح اكتوبر اخدت اليمين وكملت الطريق بيعدي من منطقة شعبية وفي لحظة افتكرت الطريق مقطوع بس طلع الناس رامية زبالة في قلب الطريق الللي لسه مفتوح النهاردة