الموضوع: استفسار من اصدقائي بالمنتدى بخصوص نقص الزيت وحوار كده ياريت تقروه

السلام عليكم ورحمة الله وبركاته
عندي مشكلة في عربيتي(دايو لانوس 1) عايز رأيك
بإختصار...اللي حصل ان انا غسلت دورة التبريد وحطيت مياه خضرا والعربية فاقت ودورة التبريد بقت تماااام لكن يا فرحة ماتمت كنت رايح الشغل مشترك المياه اللي تحت المانفول ضرب والميه كلها فضت من القربة والموتور سخن جدا ومؤشر الحرارة رفع للاخر وطلعت دخنه بيضا في وقت المشكلة فقط
المهم عملت المشترك وسألت الميكانيكي قاللي الحمد لله عدت على خير مفيش دخنة من الشكمان مع تزويد بنزين جامد ومفيش طحينة فالزيت ولا زيت في قربة الميه وقالي كله تمااااام وللعلم السحب كويس في مطلع الكوبري مثلا
لكن بعد فترة لاحظت ريحة الزيت محروق شويه ولونه غمق شويه ولما بفتح غطا تزويد الزيت بلاقي رزاز زيت خفيف مع بخار عديم اللون ونفس الكلام رزاز زيت من فتحة مقاس الزيت والعربية دايرة
ثم الكارثة بعد مشوار طويل لمطروح من الأسكندرية رايح جاى لقيت الزيت بينقص ونزل من max الى قبل حرفm ثم الى قبل حرفa
ايه رأيكم ممكن يكون الزيت عايز يتغير ولزوجته وخواصه اتأثرت بالسخونه الزائدة ولا اعوذ بالله عزوجل تكون المكنة خفت وطقم شمبر والكلام المرعب ده
المفروض اتصرف ازاى....