أنا بقيت أوبتراوي

السلام عليكم

كل عام وانتم بخير ورمضان كريم

انا الحمد لله اشتريت أوبترا مانيوال

العربيه ولله الحمد رائعه ...بس لمت نفسي اني ما جبتش أوتوماتيك علشان الزحمة غير طبيعية

الغريب و اللي مش هتصدقوه اني اشتريتها من التوكيل (منصور) واستلمتها في نفس اليوم

أى و الله في نفس اليوم - المعرض اللي في شارع الطيران فيه الاستاذ هاني قمة في الأدب و الذوق بس للأمانه هو قالي هتتعب معانا شوية لو أنت مستعجل على الاستلام - قلت مافيش مشكله ...طلب مني أروح أجيبها بنفسي من العامرية وفعلاً رحت وإستلمتها وروحت بيها في نفس اليوم

طبعاً ده يعتبر خبر مفاجأه صح

عموما العربيه و لله الحمد جميله جداً

الف مبروك على العربيه واختيار موفق ان شاء الله
ربنا يبارك لك فيها ويبعدك عن شرها

http://img60.imageshack.us/img60/8440/1000fp3ti2.gif

ربنا يباركلك فيها ويكفيك شرها

ألف مبروك يا باشا و ماتنساناش بقى بمشاركاتك و مواضيعك الحلوة

الف مبروك وربنا يباركلك

الف الف مبروك
وربنا يباركللك فيها ويديك خيرها ويكفيك شرها

الف مبروك .... ربنا يباركلك فيها ....
انا من وجهة نظري ......المانيوال احسن ... سواقته ممتعة اكتر من الاوتو
بس انت رجعت من العامرية للقاهرة من غير نمر ازاي؟؟؟؟

alf alf mabrooooook ya basha we rabena yebareklak feha ISA
Waiting for your impression and evaluation

اقتباس:

---

المشاركة الأصلية كتبت بواسطة aif

الف مبروك .... ربنا يباركلك فيها ....
انا من وجهة نظري ......المانيوال احسن ... سواقته ممتعة اكتر من الاوتو
بس انت رجعت من العامرية للقاهرة من غير نمر ازاي؟؟؟؟

---

الله يبارك فيكم جميعاً

المانيوال أحسن فس التحكم وفي التسارع ..... لكن الزحمة بتخلي الواحد يكره نفسه لما يفضل كل شوية ينقل ...المهم أنا ها أحاول أقنع نفسي بالمانيوال ...وبعدين أنا استعمالي ليها إن شاء الله بسيط (شهر في السنة ) لأني مقيم في الخارج وبأرجع شهر واحد أجازه في السنة.

موضوع الرجوع من غير نمر ده ...حصل فعلاً و بقيت مرعوب خاصة الجماعه اللي في منصور- فرع العامرية حاولوا يشتغلوني بهدف إنهم يطلعوا معايا سواق مخصوص بنمر تجارية ( و عرفت إن السواق بالنمر بياخد 500 جنيه تقريباً ) و قالولي العربية هتتحجز منك في الحضانه في أول كمين في إسكندرية

المهم إتصلت بالأستاذ هاني في معرض شارع الطيران وقاللي إرجع بيها من غير نمر وما تخافش ولو كمين وقفك وريهم إذن التسليم

جمدت قلبي ورجعت من غير نمر ولا كمين وقفني ولاحاجه ... ويجعله عامر يا مصر

بس عاوز أقول إني شفت في الخليج أوبترا أوتوماتيك فيها كماليات غريبة كلها مش موجودة أعتقد في النسخه المصرية:

- مصابيح الضباب
- عتب لافف السيارة بالكامل
- شبكة تحت العتب الخلفي تحت الشنطة( شكلها شيك قوي)
- حساسات إنذار خلفية
- CD بلاير

يعني شوية أفشخانات كده

المهم بالرجوع إلي سيارتي ..أرى إن أدائها رائع و الحمد لله على الطرق المصرية
رحت بيها مشوار العين السخنة .... ماشاء الله لا قوة الا بالله .... ثبات عالي على السرعات و عفشه ممتازة مع المطبات (خدت مطبين ما فيش أي تحذير لوجودهم)

رحت بيها كمان مشورا طنطا وما أدراك الطريق الزراعي وشوارع طنطا من الداخل - مافيش شارع سليم كله مكسر- المهم الحمد لله العفشه ميه ميه.

التكييف تلاجه ( أنفي كان هيقع من البرد) ....

لاحظت بس إختلاف مهم في الزجاج الأمامي عن السيارات في الخليج ... وأعتقد إن ده عيب مش سهل ...الزجاج بتاع سيارتي المصريه غير عاكس بمعني لما الشمس بتضرب فيه بتلاقي خيالات الشارع و السيارات اللي حواليك على عكس السيارات في الخليج .... المهم أول ما ركبتها حسيت إني مش شايف حاجه... وبعدين إتعودت

عزل الصوت جميل .... الإهتزازات معدومة تقريبا .... بصراحة الحمد لله مرتاح ..عريبة عائلية ... موتور قوي.... أغنتني عن الإيجار وقرف مكاتب الإيجار

الحمد لله

الف مبروووووووووووووووووووووو ووووووووووووووووك

I asked why Mansour doesnt bring the Aveo and Optra with options like in US/Canada and they told me that if they have the same options outside and sell it here the price for the Aveo will be $100,000 and Optra would be $130,000 and then no one in Egypt will end up buying the Aveo or the Optra...

Now, they will be releasing the Cruze, so if you want more options, you buy the Cruze at 130,000LE