عايز اشتري بازوكا بس تكون من الاخر
محتار بين ال jbl 1000 w
وبين pioneer 1200 w
ارجو الافاده لو سمحتم
عرض للطباعة
عايز اشتري بازوكا بس تكون من الاخر
محتار بين ال jbl 1000 w
وبين pioneer 1200 w
ارجو الافاده لو سمحتم
الجى بى ال تمااام واحسن نوع بازوكا
بس انت تقصد صب بيونير 1200 ولا بازوكا ؟؟؟
عموما صب بيونير 1200 تماام جدا ومجرب كمان ..
شكرا للرد
يعني اجيب صب بيونير 1200 واقفله في بازوكا ولا اجيب الجي بي أل جاهزة؟؟؟؟؟؟
جيب صب بيونير 1200 واعمله صندوق محترم عند حد بيفهم ..
ولو ميزانيتك مفتوحه شويه هات ال 1500 وبرده الصندوق له تاثير كبير ..
البازوكا صوت والصب ابو صندوق صوت
فرق شاسع جدا بينهم
لو انت بتسمع صوت نقى وبيز تقيل ونضيف وعاوز تسمع لنفسك يبقة بازوكا سواء جى بى ال او بايونير الاتنين ممتازين
ولو انت عاوز تسمع الناس اللى بره وعاوز البيز يكون ناشف يبقة صب بصندوق
فيه يا جماعه صب جديد نازل بقالو فترة بس فى ناس كتير مش بتسمع عنو على شان مش بيتباع غير فى بورسعيد بس اسمو كيكر ده بقوه 2 بازوكا و ده عن تجربة سمعتو فى عربيات اصحابى فى 3 مركبينو بيديك قوه جامده اوى ده الصب عامل 950 جنيه و بيتعملو صندوق ب 150 جنيه
حجمو 15 انش و 500 وات هتقؤلو ازاى 500 وات و اجمد من 2 بازوكا 1000 وات هقؤلك اسمع و انت هتعرف لانى مش هقدر اقؤل غير كده بس الكيكر ده كمان مينفعش يركب لوحدو لازم يركب عليه جى ام
اكيد هيديلك صوت اقوى لأنه 15 انش وهو مش بالوات
ماعندك اقوى صب كان نازل البانش 18 انش وكان 500 وات وكان بيهد العربية
وانا عارف الكيكر بس مش موجود هنا فى المحلات خالص
طيب انا كان عندي سؤال اجيب بازوكا جاهزه ولا صب و احوطو في علبة بازوكا اه رايكو
قطر الصب بالأنش بيفرق في مدى قدرة الصب انة يطلع الترددات الواطية للبيز
كل الصب مايكبر يقدر يدي بيز مكتوم اكتر
لكن موضوع قدرة الصوت دة الأهم ان تكون القدرة بال RMS أكبر, بس طبعا مع الصب الاكبر بتزيد قدرتة على إخراج الوات دة في صورة ترددات صوتية منخفضة, و للعلم اساساً قدرة الصوت بتقاس بالديسيبلdb مش بالوات, و فائدة السماعه اساساً هي تحويل القدرة الكهربية بالوات لقدرة صوتية بالديسيبل
يعني مثلا
الصب ال 8 بوصة مثلا يقدر يطلع طبقات صوت البيز من اول 60 هيرتز و طالع
الصب ال10 بوصة مثلا يطلع بيز من 40 هيرتز
الصب ال12 بوصة مثلا يقدر من 30 هيرتز
الصب ال15 بوصة يطلع من 24 هيرتز
الصب ال18 بوصة ينزل لتحت ال20 هيرتز كمان, ايوة هوة الاذن البشرية تسمع فوق العشرين هيتز بس لما قدرة الصب تنزل لتحت ال20 يبقى قدرتة على إخراج الترددات فوقها بتزيد
بص على كتالوج اي ماركة صبات و شوف الجدول بتاع مكواصفاتهم حاتلاقي الترددات المنخفضة بتتناسب مع قطر الصب بالشكل اللي قلت لك علية مع ثبات عامل الماركة و مستوى الجودة
انا مركب JBL 1000 وتمام جدااااااااااااا وعمري ما غيرت ماركه JBL عشان متعود عليها وعلى اصوتها والبزوكه على شكل بوكس وصوتها عالي جدا جوه وبره انت تتحكم فيها مركبها على جي ام 350 كينوود
وانا راي الي يجي جاهز من الشركه احسن من التفصيل عشان الحاجات دي بيبقه ليها نسبه وتناسب مممكن 4 سنتي زياده في البوكس يخربلك الصوت ولو عايز صرتو هصورهولك على فكره البزوكه ال JBL المدوره صوتها غير الي في بوكس البوكس صوتو اقوى وتقيل المدوره البيز خفيف الكلام ده عن تجربه 4 سنين مع JBL
محدش بقة عنده صندوق 12 فا
محدش عنده صندوق 12 فاضى او صندوق بازوكا فاضى ؟؟
محتاج واحد ضرورى