كلاكيت عاشر مرة المية بتفور من القربة

**dodo2000** · 10-10-2013 10:14 AM

وانا بستخدم المية الحمرا من التوكيل الى تركيزها 50%

**dodo2000** · 10-10-2013 02:23 PM

الاستاذ ابو يحيى و الاستاذ حسام اوبتراوى و الاستاذ صدام اى حد يشك فى حاجة او يعرف حل للموضوع ده يقولى لانى تعبت

**abou-yahia** · 10-10-2013 03:55 PM

المشاركة الأصلية كتبت بواسطة dodo2000

الاستاذ ابو يحيى و الاستاذ حسام اوبتراوى و الاستاذ صدام اى حد يشك فى حاجة او يعرف حل للموضوع ده يقولى لانى تعبت

انا ماليش دعوه

انا معملتش حاجه

لا فعلا موضوع غريب

بس يوهيالي كده انها في مشكله في طرمبه المياه كهربائيه

بصراحه مشكله غريبه

طيب العربيه في السلانسيه بتسخن حتي مع التكييف

ان شاء الله تعرف السبب

**lanos2004** · 10-10-2013 05:05 PM

عيب مراوح زود ارضى العربيه

**lanos2004** · 10-10-2013 05:27 PM

لما تروح مشوار والحرارة عاليه متبطلش على طول
وراجع على شفه القربه لانها لو مش ناعمه تسرب ضغط الميه
وكمان لو عاوز تتاكد ان ما فيش تنفيس فى دورة التبريد وانه عيب كهربا
افتح غطا القربه والحرارة على الربع لو سمعت صوت هوا بيخرج كدة تمام لو ملقتش اى ضغط يبقه عندك مشكله فى دورة التبريد

**alking_2006** · 10-10-2013 05:44 PM

فوران الميه من القربة حاجة من 4 و عن تجربة و حلهم بالترتيب علشان التكلفة
1- فك ترموستات الكوعه و التجربة
2- تغيير غطاء رادياتير
3- رادياتير مسدود و لازم يتسلك
4- وش سلندر مقفع (مش شرط جوان بايظ) و لكن كبس الموتور بيدخل على دورة المياة فمية الرادياتير كلها بتروح على القربة و ترمى فى الشارع

**smsmadel** · 11-10-2013 04:37 AM

بص ياباشا الموضوع ده حصل معايا مرتين
مره واحده وانت ماشي لما توقف في زحمة تلاقي المياه فارت و بطلع بخار مياه من عند الناحية الي فوق القربة.
وروحت كشفت و كل واحد يفتي لاي يقولي أرضي و التاني يقولي حساس الحرارة.
الحل كان في حاجة واحدة بص والي أكتشفه الميكانيكي بتاعي. غير غطا القربة بنوع كويس
و ان شاء الله تتحل

**big_bogh** · 12-10-2013 12:16 PM

بص بقي يا كبير واعمل اللي هقلهولك عليه و زي ما اﻷستاذ hema قال ﻷن الموضوع ده حصل معايا اكتر من مرة
اول حاجة تغيير غطاء القربة بواحد اوبل المانى بيركب عندك بس الغطاء سكله اصغر من التاني
تاني حاجة و دي اﻷهم................
انك تبص علي الخراطيم كلها وتتاكد انها مش بتسرب ﻷن المموضوع ده تسريب ف الدورة مفيش كﻻم واى حد يقولك حاجة غير كده يبقي هتلف وتدور كتير بس في حالة ان العربيه مش بتسخن وتعدي النص

انا عن نفسي كان الموضوع ده عندى وكان فيه تسريب ف خراطييم اللي راحة البوابة وتاكد تماما ان الخرطوم لو منفوخ من اوله او اخره .......الخرطوم ده يتغير علي طول

وﻷخر مرة اللي بيحصل عندك ده تسريب في الدورة فقط

ان شاء الله توصل للحل ..............بالتوفيق

**Hosam_fouad** · 17-10-2013 11:56 PM

بص يا باشا المشكله دي كانت عندي وطلعت عيني ...... كل شويه المايه تفور اروحلهم التوكيل يكشفوا علي كل حاجه ويقولي كله تمام .... لحد ما ضربت كذا مره عظا القربه وغيرته بالأصلي
وضربت كذا خرطوم وغيرته بالأصلي ... وضربت الريداتير وعيرته في التوكيل من الأصلي وكله مره يقولي خلاص المشكله اتحلت .

لحد ما أكتشفت بالصدفه الباحته ان فيشه المروحه بتتهزر وبتفصل وبتشتغل بمزاجهاا وعملت كوبري علي الفيشه وبقيت زي الفل بعدها :d

العيب دا عندك من فيشه المروحه او المروحه علشان انت بتقول اوقات بتفور واوقات لأ زي عندي :d