استفسار هااااام وعاااجل لو اي حد عنده حل للمعضلة دي

انا عندي مشكلة كبيرة اني مسافر زيارة لمدة اسبوعين لدولة الكويت رحت اخد تصريح سفر من الجيش زي كل مرة اسافر فيها ادوني بداله شهادة نهاية الاستدعاء والمشكلة ان الباسبور الجديد مش بيتعدل ولازم اعمل واحد جديد بس المعضلة اني مسافر بعد كام يوم ومافيش وقت اطلع باسبور جديد ولا تأشيرة جديدة

ينفع اديلهم ف جوازات المطار مع الباسبور شهادة الجيش بتاعت معاملة المدنيين ونهاية فترة الاستدعاء بدل تصريح السفر ؟؟؟

وللا كدا السفرية باظت ؟؟؟ المشكلة ان حتى لو حصلت معجزة وعرفت اطلع باسبور جديد مكتوب فيه غير مطلوب للتجنيد حتضيع مني التأشيرة لانها بتتعمل ف الكويت مش ف سفارتهم بالقاهرة وبترتبط برقم الباسبور والتاشيرة اللى معايا على رقم الباسبور الحالى المطلوب تعديله !!!!!!!!

يا ريت لو حدد عنده اي حل يفيدني بسررررعة عشان الحق اتصرف بكرة او يوم السبت الجاي

وجزاكم الله كل خير

انا اعرف انك بتاخد ختم بيضاوى فى الباسبور بيفيد انك غير مطلوب للتجنيد
مش تعديل وللعلم انا معلوماتى عن الباسبور القديم لانى معنديش الجديد
والشهاده الموجوده معاك تعديك طبيعى للسفر
حاول تروح بالشهاده الجوازات تاخد الختم بيها
وفى انتظار اراء الاخوه لان معلوماتى على النظام القديم للجواز

أنا سافرت بالجواز والشهاده عادي ولسه مغيرتش الجواز واللي أعرفه ان الجواز الجديد مش بيتختم فيه لازم يتغير.

اقتباس:

---

المشاركة الأصلية كتبت بواسطة طارق _عبد السلام

انا اعرف انك بتاخد ختم بيضاوى فى الباسبور بيفيد انك غير مطلوب للتجنيد
مش تعديل وللعلم انا معلوماتى عن الباسبور القديم لانى معنديش الجديد
والشهاده الموجوده معاك تعديك طبيعى للسفر
حاول تروح بالشهاده الجوازات تاخد الختم بيها
وفى انتظار اراء الاخوه لان معلوماتى على النظام القديم للجواز

---

هو تمام زي ما الاستاذ احمد قال الجواز الجديد المميكن لا يجوز التعديل فيه او وضع اختام زي ما كان بيحصل زمان دا حتى لا يجوز اضافة الاطفال الرضع لحد 10 سنين لازم يتعمل لهم باسبور جديد طبعا عشان نقعد نكع كل شوية يا ريتهم يسمحوا بموضوع الختم دا بعني مش معقول اتكلف تمن باسبور جديد زائد كمان تكاليف نقل كل التاشيرات السابقة ولسه سارية عشان انقلها للياسبور الجديد

بقت حاااجة رخممممة

اقتباس:

---

المشاركة الأصلية كتبت بواسطة ahmed_adham

أنا سافرت بالجواز والشهاده عادي ولسه مغيرتش الجواز واللي أعرفه ان الجواز الجديد مش بيتختم فيه لازم يتغير.

---

استااااذ احمد ربنا يباركلك ردك طمني شوية اكيييد يعني حصلت معاك وفعلا سافرت من غير تصريح بمجرد الشهادة ؟؟؟ يعني ممكن ياخدوا شهادة انهاء الاستدعاء

الصراحة ناس كتير خوفتني وقالولى لازم تصريح سفر طالما معاك الباسبور القديم لان الضابط لو سفرك وانت مطلوب للاستدعاء هو اللى بيتحمل مسئولية لان في ناس بتهرب من الاستدعاءات كدا وخصوصا اللى مرفوع عليه قضية تخلف استدعاء

اقتباس:

---

المشاركة الأصلية كتبت بواسطة elferekiko

استااااذ احمد ربنا يباركلك ردك طمني شوية اكيييد يعني حصلت معاك وفعلا سافرت من غير تصريح بمجرد الشهادة ؟؟؟ يعني ممكن ياخدوا شهادة انهاء الاستدعاء

الصراحة ناس كتير خوفتني وقالولى لازم تصريح سفر طالما معاك الباسبور القديم لان الضابط لو سفرك وانت مطلوب للاستدعاء هو اللى بيتحمل مسئولية لان في ناس بتهرب من الاستدعاءات كدا وخصوصا اللى مرفوع عليه قضية تخلف استدعاء

---

أنا رحت الاول الجوازات على اني أختم الجواز قالولي في الجوازات مفيش ختم يا تغير الجواز كله يا تسافر بالشهاده الاصليه مع الجواز اللي معاك فقلت أسافر بالشهاده أحسن والسفريه الجايه ابقى أغير الجواز.

كمان لو الجواز الحالي فيه تأشيرات بتاخده معاك مع الجواز الجديد عادي بدون أي مشاكل والناس كلها من كل الدول بتعمل كده ولما التأشيره القديمه تنتهي تعمل الجديده في الجواز الجديد وبعد كده القديم يبقى ملوش لزمه.

بتبقى فتره انتقاليه يعني بين الجوازين.

يعني اروح المطار بالورقة اللى معايا وانا وحظي ويا رب ما يحصلش مشاكل ساعات في ضباط ممكن ترخم

سؤال اخير بس معلش باطول عليك الكلام دا كان من زمان وللا من قريب عشان ممكن يكون النظام اتغير دلوقت

بس موضوع الجوازات المتعددة دا بيعمل مشاكل صحيح مش في كل الدول بس ف امريكا وانجلترا وفرنسا والمانيا بيدققوا كتييير جدا ف الناس اللى بتعمل كدا السبب ان في ناس بتغير في طريقة كتابة الاسم بالانجليزي لما يغيروا الباسبور فيبان انه شخص غير المسجل عندهم انه ارهابي او عامل جريمة جوا البلد فيبان انه موقفه سليم بالباسبور الجديد بينما الاسم عالباسبور القديم متشابه مع (او هو نفسه) شخص مطلوب امنيا عشان كدا الاحسن تنقل التأشيرة للباسبور الجديد صحيح مش بتتكلف زي اصدار تأشيرة جديدة بس بتكلف برضو دا غير الوقت والعطلة والمشاوير

جاوبتك فى الموضوع التانى
متنساش تصور الشهاده و انت رايح

اقتباس:

---

المشاركة الأصلية كتبت بواسطة mohamed_selim

جاوبتك فى الموضوع التانى
متنساش تصور الشهاده و انت رايح

---

الف شكر لحضرتك