الموضوع: فكر و جاوب 127 ولا 128

المشاركة الأصلية كتبت بواسطة maka

والله الاتنيين احسن من بعض فى الصيانة وتوافر قطع الغيار لكن لو اغلب


مشاويرك فردية يبقى ال127 احسن علشان اسهل فى الركنة واقل فى


استهلاك البنزين (900 cc مقابل 1300cc او 1100 cc لل 28 )


لكن لو عائلة يبقى ال128 تكسب علشان اوسع

ده ردى فى موضوع مشابه قبل كده

المشاركة الأصلية كتبت بواسطة kkkkkk_kkkkkk

طيب يا تري الفرق في قوة العربية و سحبها كبير؟

الفرق مش كبير اوى ومش محسوس وياريت تراجع مشاركتى فى
الموضوع ده

http://www.nilemotors.net/Nile/showthread.php?t=38280

ومن الاخر لو مش هتفرق معاك دى من دى انزل اتفرج واللى حالته حلو شيييل

12 سبب لتفضيل ال 128 عن ال 127


1-ال128 صالونها اوسع بكتييييييييير من ال127
2- ال128 شنطتها أوسع بكتيييييييير من ال127
3- كبوت ال128 بياخد الاستبن ايا كان حجمة وبالتالى مبتضطرش تحص الاستبن فى الشنطة ويضيعلك مساحتها
4- تحمل ال128 للبارومة افضل من ال127، 90% من العربيات ال 127 فى مصر رقم شاسيهها ضايع بسبب البارومة
4-ال128 محرجها اهدأ وانعم بكتير من ال127 علشنا بنظام الكامة العلوية والكايتنة بتاعته على سير
5- ال128 اثبت بكتير على الأرض من ال127 لأن قاعده عجلاتها اعرض
6-سمعة ال127 زى الزفت فى مجال الانقلاب، كل من اعرف ممن امتلك 127 اتقلب بيها، لأن ال127 مركز ثقلها مرتفع عن الأرض بسبب ارتفاع المحرك
7- ال128 تشترك فى معظم قطع غيارها مع كل من الريجاتا والشاهين والتمبرا واللانشيا ديدرا والموديل الأول من السيينا، وده بيسهل مسألة الحصول على قطع الغيار
8- آخر عربية 127 تم انتاجها منذ 21 سنة، فى حين ان ال128 لا تزال حتى خطوط الانتاج حتى لحظة كتابة هذة السطور وهو ما يضمن سنوات طويلة من توافر قطع الغيار والصيانة لل 128
9-الاكسسوارات الخارجية لل128 (اكصدامات، باكيتات ، مرايات الخ) موجودة جديدة وارخص بكتير جدا من مثيلتها لل 127
10-ال128 كثر تحملا للخدمة الشاقة والسفر المستمر من ال127
11-شنطة ال128 وزنها خفيف لأنها صاج فقط بعكس باب شنطة ال 127 اللى هو صاج وزجاج وبالتالى مش بتفضل ترزع فى كل مطب كما فى شنطة ال 127 اللى كل شواية مساعدينها تبوظ
12-ال128 مطلوبة فى اعادة البيع عن ال127