أرجو الرد للاهمية ..... معروض عليا ميجان 2006 هاى لاين؟! عايز رأيكم؟

**Mahmoud El Zah** · 10-10-2013 01:49 AM

السلام عليكم و رحمة الله و بركاته....

أنا عضو جديد فى المنتدى بس انا متابع جيد للمنتدى!

الموضوع يا جماعة انا بقالى فترة بدور على عربية و المهم انا معروض عليا عربية ميجان 2006 هاى لاين طبعا كاملة و حالتها ممتازة ... بس بصراحة انا متردد جدا بسبب الاراء المتناقضة حول هذه السيارة... انا عايز رأيكم :

قطع الغيار ؟ متوفرة و ايه الاسعار؟
الصيانة و التوكيل؟
الاعتمادية و الامان؟
سعر السيارة بالامكانيات دى؟ هو بيتكلم فى 79 الف ((كتير صح !)) .... ياريت حد يدينى رأيوه بمنتهى الامانة وياريت يكون عن تجربة او معرفة قوية...

أفادكم الله و جزاكم كل خير عن المشورة و المساعدة.

شكرا جزيلا والسلام عليكم.

**amr_mabd** · 10-10-2013 08:55 AM

الميجان عربيه كويسه لو هتواظب علي الصيانه في مواعدها سواء في التوكيل او عند مكنيكي ميجان يكون محترم و حافظ العربيه
سبتها كويس علي الطريق بالمقارنه بالكوري
اعتمديه في البنزين 9 لتر لكل 100 كم
مريحه في السواقه بس العفشه نشفه حبتين
تكفها مش لزيز في الصيف في الزحمه بس لما بتمشي بيبقي تمام
قطع الغيار متوفره في سقر قريش المعادي و التوكيل
مش بتاعت شد وجري تقيله في طلعتها من 0 ل 80 بعد كده تمام اخرها 180
طبعا 79 كتير اكبرها 70 لو تمام مفهاش حاجه و تكشف عليها في التوكيل بيتكلف 600 بس بيفصص ليك العربيه كلها
ولو عندك اي استفسار انا في الخدمه

**Mahmoud El Zah** · 10-10-2013 12:17 PM

شكرا استاذ عمر من الواضح انك بتتكلم عن تجربة كمالك للعربية دى و نفس الموديل 2006 ... ياريت لو تشرحلى اكتر عن موضوع الصيانة دة و هل فعلا الميجان و خصوصا الموديل دة مشاكلو كتير و كتير حذرونى منها و اللى قالى انو اشتراها و بعها يعدها ب 3 شهور؟

وهل فعلا مصاريف تشغيلها كتير و متتباعه و اسعارقطع غيارها عالية قوى و لا معقولة و متوفرة برة التوكيل و لا لازم اشتريها من التوكيل.. و الموضوع التكييف دة سمعت عنو كتير ياعنى هو ضايع و لا مقبول و ايه العيب اللى فية و هل ممكن معالجتة و لا لأ؟

أسف جدا عن الاطالة و لكن انا عايز اخد قرار و مندمش علية بعد كدة .... حاجة اخيرة عايز عنوان التوكيل و رقم تليفون لو ممكن..

شكرا على المساعدة و جزاك الله خير

**hilal** · 10-10-2013 01:33 PM

ابعد عن الشر وغني له
انت اللي هتجيبه لنفسك
من الآخر العربية فاشلة

**start_wow** · 11-10-2013 12:32 AM

العربية الميجان عربية فرنسية محترمة وتكنولوجيتها عالية لكن للاسف قطع غيارها مش منتشرة غير في اماكن معينة بالاضافة الي عدد الصنياعية اللي فاهمين فيها قليل يعني لو صادف انك علي سفر بعيد وحصل فيها مشكلة لا قدر الله عتقد ملهاش حل غير انك تقطرها لمكان الصيانة غير العربيات العادية المنتشرة في السوق..بالاضافة الي ان العربية تقيلة في بيعها يعني مش عربية للسوق..