اكسنت rb ام الانترا 2010

**ahm.mngm** · 10-10-2013 02:08 AM

كنت عاوز اخد راي ملاك هيونداى انا ناوى اشتري عربيه مستعمله فى حدود 90-100 الف وقدامي كذا اختيار
فى rb موديل 2012 وكذا الانترا الشكل القديم من اول 2008 ل 2010 ومش عارف انهي احسن
انا قعدت فى rb كانت فى معرض زيرو واعتقد انها كانت ضيقه اوي !! مش عارف هيا بالنسبه للانترا القديمه ايه
ولو في اى اقتراح لعربيات تانيه فى حدود المبلغ دا ياريت حد يفيدني ، طبعا اتوماتيك

**profimh** · 10-10-2013 02:15 AM

شوف يا سيدى العربيتين نفس الموتور و الفتيس
بس عن تجربة ال الالنترا ال hd افضل من rb اوسع و راحة سواقة و افخم و قطع غيار ارخص

**shaawa_dj** · 10-10-2013 11:57 AM

النترا افضل بكتير

**ahmedteam** · 10-10-2013 01:51 PM

الالنترا افضل فى اعاده البيع و سهوله الصيانه و قطع الغيار

**khaabas** · 10-10-2013 02:56 PM

هههههههههههههه انا متعجب ازاى الالنترا افضل والاتنين نفس الموتور والفتيس

اشترى الار بى يا برنس نفس الحجم من جوه ونفس الموتور والفتيس وقطع غيار الار بى رخيصة جدا بره التوكيل وفيها منها الاصلى والمضروب
وسعر اعادة بيعها ممتاز

**profimh** · 10-10-2013 07:57 PM

و الله عارف انك بالذات مش هتسكت هههههههههه
بس على فكرة الالنترا اوسع فى العرض و الطول جوا الصالون و انت عارف الكلام ده و حاجات تانية بس مين يشهد للعروسة يا سيدى
المهم الrb زى الفل

**ahm.mngm** · 10-10-2013 08:09 PM

انا مش مقتنع اوى بانها نفس الاتساع من جوا انا عاجبنى فى الاكسنت انها اولا شكل جديد . ثانيا الصاج بتاعها فيه عوامل قوة عكس الالنترا ( القديمه ) التابلوه جديد واعتراضي الاتساع فقط فضلا عن الموديل احدث

هوا الالنترا القديمه اسمها hd ???

**profimh** · 10-10-2013 08:17 PM

نعم الالنترا من 2007-2011 اسمها hd
الصالون اطول ب 8 سم و العرض 7,5 سم التابلوه خماته مختلفة احسن لصالح الالنترا حتى الكرسى
يا جماعة اللى يفحص كلامى يفحصه عملى و هيتأكد من حاجات تانية انا قلت اللى ملموس من اول وهلة

**medo18** · 10-10-2013 11:28 PM

انا معايا rb بس بصراحة الخامات من جوه افضل في الالنترا لكن غير كده مافيش فرق اوي عدا ان الالنترا اعلي

**Samir Elshahawy** · 11-10-2013 11:49 PM

محرك الاكسنت أر بي هو نفس محرك الألنترا hd موديل 2011
أما الالنترا hd من 2007 حتي 2010 محرك مختلف قليلا

نيجي بقي للشكل الخارجي :
- الار بي شكل جديد و أحدث عن الالنترا
- الار بي في منها عدة فئات متنوعة تتميز بوجود كماليات ووسائل أمان غير متوافرة في الالنترا مثل ال أي بي أس و الايموبيليزر
- تابلوه الار بي افخم و أحدث
- الصالون في الالنترا أفضل من حيث الاتساع عن الار بي و ده عن تجربة العربيتين
- قطع غيار الالنترا أكثر توافرا و أقل سعرا عن الار بي

دي أهم نقاط المقارنة حاليا بين العربيتين
لكن لو عايز رأيي الشخصي ممكن توسع دائرة الاختيار و فكر في كمان في العربيات التالية مستعملة في نفس مدي امكانياتك (90 - 100 ألف):
- تويوتا ياريس
- نيسان صني الشكل القديم

كمان تقدر تزود شويتين و تجيب بيجو 301 الجديدة ب 122 ألف أول فئة زيرو
-
و ربنا يوفقك لما فيه الخير