بصراحه تعليق جامد :bump1:
اولا واخيرا كله قضاء و قدر وحتى لو فى ابراج مشيده و وقت الانسان حان فى الموت خلاص و اى حادثه فوق 100 ربنا يحفظنا منها بتكون شنيعه سواء راكب اى عربيه بقى و ال active safety فى عربيات زى المرسيدس مينفعش تتقارن بعربيات كثير غير الى متفوق فى المجال ده زى الفولفو و البى ام دبليو مثلا وحتى ثبات العربيه او فراملها القويه و دول اهم حاجه بعد السواق فى السرعات العاليه مش هيمنعوا ان الحادثه تحصل لكنها وسيله منع يا نجحت يا فشلت فى مهمتها و كون ان العربيه وشها ورا و الشطنه قدام السقف تحت و الموتور على الارض كل ده المفروض انه ميبقاش مهم زى سلامه الكبينه مثلا و الركاب و بعدين ربك بس هو الى بينجى الواحد لا تقولى بقى ايرباج ولا مش عارف ايه انا قبل كده كنت راكب فيرنا طريق اسيوط الغربى و ماشيين 120 و العجله الشمال قدام ضربت العربيه حدفت شمال جامد كان جنبينا نقل ثقيل مقطوره اتخبطنا فيه و طيرنا يمين وسط الصحراء العربيه زحفت شويه حلوين و بعدين خبطت فى حجر و اتقلبت فى الهواء زى سابق ولاحق حوالى 6 مرات ونزلت اتقلبت مرتين ثلاثه كده و بعدين شويه زحف على جنبها اليمين ( لك ان تتخيل شكل الفيرنا بعد هذه الحادثه :ask: :Y_hi_3[1]: ) كل ده قبل الحادثه ب 5 دقايق انا قولت هنام شويه صحيت لقيت الصحراء فى وشى بينى و بينها حوالى شبر وانا راكب ورا يمين و صحابى ال 2 الى راكبين قدام ولا فيهم خدش وانا تقريبا 6 خدوش بسيطه من الازاز فى ايدى اليمين يعنى بردو ولا اى كلام والعربيه صرفت 15 الف و بقت زى الفل هل اقدر اقول ان الفيرنا دى اصلا عربيه ؟؟؟ بس ربك و الله هو بس الى بسترها معانا
الجدال يبقي بالحجه و المنطق
مش عشان حضرتك شفت عربيه واحده معجونه تبني رايك علي كده لا و تقنع اللي حواليك كمان
مش تعرف ايه ظروف الحادثه و هل عرفت اللي فيها طلع عايش و لا اتوفي
و هل لو عربيه غير ال s او اي كنبه من اللي بنركبهم في مصر كان الوضع بقي ايه
و محدش قال المرسيدس مصفحه او ليه قدرات فوق العاده
احنا بنتكلم عن عربيه رقم واحد في الامان في فئتها عالميا
و دايما سباقه بعوامل الامان اللي بتنزل فيها اولا ثم تتوزع علي باقي العربيات
ايوه كانوا راكبين مرسيدس و s كمان
و اعتقد حضرتك عارف ظروق الحادثه كويس و ان لو اي عربيه في الموقف ده كان هيحصل لها اسوء من كده خصوصا و انهم غالبا مكنوش رابطين الحزام
بس ده قضاء و قدر و محدش قال ان مرسيدس بتمنع القدر
مش عارف بتجيبوا الكلام ده منين
العفو يا باشا بس الواحد مستغرب فعلا
الناس بتقول حاجات غريبه
تتصلح وترجع احسن من الاول
فعلا عربية الماني
كان فيه عضو قديم معانا هنا في المنتدى كان قال على عربية يا رجالة مفيش جدال أن العربية قمة في الأمان هي و ماركات تانية مش بنقول انها هتمنعك من الموت و لكن الحفاظ على سلامة البني آدم دي خبرة اكتسبها. الشركة من عشرات السنين
العربيه نزلت على منحدر مش مسفلت يعني الطبيعي بسرعتها وزاويه ميلها لقدام أقل طوبه تحت عجله قدام تقلبها على وشها وفوق يبقى تحت وتحت يبقى فوق ده غير انها المفروض تفضل تتقلب لحد ما تنزل على الارض يعني مش هتكون قلبه واحده وأظن ده كان هيحصل لأغلب العربيات اللي احنا راكبينها انما نزول العربيه بالشكل ده مش سهل يتعمل بأي عربيه.
أما موضوع القضاء والقدر. اللي يجيله مرض مياخدش الدوا ولا يعمل عمليه ويبقى يقول أنا مش همنع قدر ربنا. طبعا عمرنا ما هنمنع قدر ربنا بس احنا مطلوب مننا ناخد بالاسباب والعلم دايما بيجتهد في الحفاظ على حياه الانسان وده مش هيقف حتى يوم الدين وده مش مقاومه للقضاء والقدر والعياذ بالله أبدا.
تحيه طيبه لصاحب الموضوع
والناس الي بتتكلم ع السفتي في المرسيدس بﻻش بقئ مبالغه الكوري دلؤقتي بينزل بجهاز انزار ورموتين انتو بتتكلمو في ايه
+11111
++++++
http://www.nilemotors.net/Nile/data:...ljjEJ8VPmuyf/Z+
ولا تتعب نفسك يا باشا تعالى معايا
http://img713.imageshack.us/img713/5352/qfrz.jpg