انا حجزت اوبترا 2013 يا جماعة والمفروض هستلم يوم الحد بأذن الله ممكن تقلولي ايه الي المفروض استلمه معاها والايه نظام التليين والحجات الي في الاول دي عشان اول مرة اجيب زيرو :)
عرض للطباعة
انا حجزت اوبترا 2013 يا جماعة والمفروض هستلم يوم الحد بأذن الله ممكن تقلولي ايه الي المفروض استلمه معاها والايه نظام التليين والحجات الي في الاول دي عشان اول مرة اجيب زيرو :)
الف مبروك مقدما بس لية مفكرتش ف البيجو 301 ونفس السعر تقريبا و اوروبي وفيها كل عوامل الامان ؟؟؟
صديقي المواطن
مبروك وإلى اﻷمام ولكن كان.اﻷفضل التأني ومتاخدش عربية بتنزل بنفس الشكل بقالها 7 سنين خلاص راحت عليها وعامة ربنا يوفقك فيها ويوسع رزقك وتجيب أحسن منها ولا تقصر بأغلى أنواع الزيوت ومنظفات الرشاشات شهريا وأول شهر بالراحة معاها متعديش آر بي إم 2 ونص ولما تدور سيبها تسخن 30 ثانية وكمان ترصص عجل وتظبط زوايا كل شهرين وتجيب كريم تلميع أبو 7 جنيه وكيس قطن وكل أسبوعين تغسلها وتخلي إبن البواب يلمعها وهات إسبراي ملمع للطبلوه عشان تفضل الجلود لماعة وطرية وريحة جميلة
وبالتوفيق ودمتم للنضال
مبروك السياره الجديده ...............................
الله يبارك فيكو شكرا بس انا استبعدت البيجو ﻻنها اغلي شويه ودي اخر امكانياتي والبيجو كمان قطع غيارها نااار غير ان الاوبترا جميله ومبتقدمش انا بحبها جدا
الف مبروك مقدما
والخيره فيما اخترها الله
ربنا يسعدك بيها
عربية جميلة ما شاء الله و بيبان فيها أي ترويش لو ليك فيه و كمان معروفة و قطع غيارها موجودة. ربنا يبارك فيها و يكفيك شرها.
مبرووووووك
النصائح ..عند الاستلام لازم تتاكد من الدهان كله ان الطاسات راكبه الاستبن موجود و معاه العده الكاسيت شغال و النور دور العربيه و اسمع صوتها واتكد ان مفيش لمبه منوره و شغل التكييف وتاكد من ولاعه السجاير افتح الكبوت اتاكد من السوائل كلها هيديك مفتاحين واحد ريموت وواحد عادي الضمان بعد الترخيص
طبعا لازم يشيلولك الغطاء البلاستيك الابيض اللي علي العربيه و ماتستلمهاش الا لما يشيلوه
موضوع التليين ده بقي عليه كلام ...انا ليا واحد صاحبي مهندس في مصنه شيفورليه و قالي ان مواتير الاوبترا متلينه جاهزه و الدليل علي كده هو ان اول صيانه صيانه ال5 الاف مش الالف يعني مفيش زيت تليين و نصحني افتح الموتور عشان العربيه يبقي اداؤها قوي طول عمرها و هو معاه اوبترا بالمناسبه
بالنسبه لاختيار الاوبتر و مقارنتها بالبيجو فالبيجو اكثر امانا من الاوبترا ولكن الاوبترا اوسع واكبر علي الطريق و صيانتها سهله و اعاده بيعها سهل و متجربه 7 سنين و اللي بيشتري جديد عايز يروق دماغه
ماتنساش تظبط ظغط الهوا في العجل
جبت لونةايه وجبتها منين وبكام
عايزين تقرير يا باشا
تسلم يا باشا علي المعلومات الجامده دي انا هستلمها يوم الاحد ان شاء الله وجبتها لون فراني عاجبني وجبتها من معرض الكفراوي في الزقازيق ب 117 ....
طيب كنت عاوز اسالك يا باشا يعني ايه افتح الموتور.. تاني حاجه اغير الهواء بتاع الكاوتش نيتروجين ولا كلام فاضي ملوش لازمه ؟
الف مبرروووووووك .. ربنا يزيدك من خيرها و يبعد عنك شرها
سؤال ... هل كان لديك سيارات اخري ولا لا و نوعها ايه ؟
Sent from my GT-I9300 using Forum Runner
نيتروجين طبعا
افتح الموتور يعني اعلي بالار بي ام و حاول تمشي مشاوير بعيد عن الزحمه في الاول
اللون الفيراني ده ممتاز وشيك جدا
ربنا ريباركلك فيها ويديك خيرها ويكفيك شرها
وطبعا حط نتروجين وحاسب من الميكروباصات دة كل اللي اقدر اقولهولك وماحدش يستفزك وتشد معاه
شكرا يا جماعه الله يباركلكم جميعا
مانا قلت لك ...التليين عليه كلام كتير متناقض يعني اناﻻقرات في موقع للسيارات بريطاني ان التليين الصح يكون بالضغط علي الموتور ..المهم اني عندي صديق بيشتغل في مصنع شيفورليه يعني مهندس ...سالته عن موضوع التليين ده قال لي بالنص لو العربيه بتلين كنت جبتك صيانه 1000 عشان افضي زيت التليين اللي بيكون مليان شوائب معدنيه من الموتور و لكن لان الموتور متلين قبل دخول جسم السياره فمرحله التليين خلصت خلاص ونصحني اني اسافر سفريه افتح فيها الموتور و اضغط عليه عشان اداؤه يفضل كويس طول عمره فانا الصراحه مشيت بيها 500 كيلو بالعقل يعني اخري 140 و سافرت بيها الساحل ووصلت ل 170 ...بس العربيه هتعجبك اوي و ثباتها ممتاز ووضعيه القياده مريحه جدا وتكييفها ممتاز
ألف مبروك وتستلم على خير إن شاء الله
نسيت اقول لك .....حط فرش للكراسي علي طول عشان هي قماش و لو حاجه وقعت عليها بتبطع
ااه بقي لو فرشت الارضيه والشنطه جلد يبقي تمام و ميه ميه
بلش اوبرتا احسن لك نصيحة
ليه يا استاذ شوقي ايه السبب
منتظرين تقرير مصور وربنا يديك خيرها ويكفيك شرها باذن الله
انا اتكلفت 1100 في الفرش و الارضيه و الشنطه عند واحد في شارع المطبعه هرم
هو بيحر الصراحه بس التكييف كتر خيره بيظبط
مبروك مقدما
في قماش بس شكله وحش
لو هاتركب فرش ركبه جلد اشيك واحسن ومريح بلاش القماش
اييييه .....استلمت ولا لسه ...فين الصور والتقرير
طب تقرير طيب ..رايك فيها ايه
انا مبفهمش في موضوع التقارير بس انا اول ما استلمتها جربت الحجات الي حضرتك قلتلي عليها وكان كل حاجه تمام والحمدلله والعربيه ماشاء الله ناعمة جدا وسحبها جميل وعملت نيتروجين للكاوتش وجبت دواسات لان مكنش معاها معرفش ازاي وركبت فرش جلد والعربيه اول ما استلمتها كانت عاملة 24 كيلو معرفش ده كويس ولا لا والحمدلله رخصت خلاص بس كان في سؤال ,, العربيه اول صيانه ليها بعد 5000 كيلو فا كنت عاوز اعرف تكلفتها بتبقي في حدود كام ؟؟؟؟ وكان نفسي انزل الصور بس للاسف بيقولي في صيانة في الموقع
انا قربت اعمل صيانه ال5 الاف هعملها واقول لك
طيعا العداد ممتاز كده
العربيه لسه بعد اول 1000 كيلو هتبهرك
يعنى مش نروح نعمل صيانة بعد الالف كيلو ؟ (أنا عارف ان اول صيانه فى الضمان عند 4000 كيلو )
وسؤال تانى مؤشر الحرارة بيكون موقعه فين ( أوبترا اتوماتيك ) ؟
الصيانه الاولي للاوبترا عند 5000 الالاف كيلو
المؤشر قبل النص بحاجه بسيطه
لعربيه بتستلمها من غير اي شئ معاها
الف مبروووووووك يا بااشااا ربنا يدييك خيرها ويكفيك شرها ان شاء الله :))