السلام عليكم
أنا بسأل عن نوع زيت الباور اللى موجود فى الكتالوج علشان عندى ناقص نتيجة تسريب من حساس الباور فا عاوز أزوده
يا ريت تفيدونى بالنوع و أفضل ماركة
عرض للطباعة
السلام عليكم
أنا بسأل عن نوع زيت الباور اللى موجود فى الكتالوج علشان عندى ناقص نتيجة تسريب من حساس الباور فا عاوز أزوده
يا ريت تفيدونى بالنوع و أفضل ماركة
صديقي المواطن.
قولا واحدا أعلى زيوت بور في مصر هو جنك اﻷصفر وبه ستوب ليك وده علبته أقل من كيلو بتعمل 50 جنيه لكن بينعم الطرمبة ومنتج عالي الجودة وأبيض وليس أحمر
ودمتم للنضال
تمنه 65 جنيه بس انا مجربتوش نهائى
ومنتج موبيل اخباره ايه ؟؟؟
فالفولين ماكس لايف atf زيت أحمر وفي إضافات منع التسريب وتنغيم الطرمبة ومواصفاته عاليه جداً الكيلو 90 جم
هو فالاساس بينزل للعربيات اللي الباور بتاعها كهرباء زي الالماني كله بيحط زيت الباور الابيض ده ماركة Gunk وعلبته لونها اصفر وهو صناعة امريكية وعالي الجوده فعلا وممكن تحطه في اي سيارة عادي مكان الاحمر الردئ وفعلا صوت طرمبة الباور بيختلف بعد وضعه وعمرها بيكون اطول من اللي بتستخدم الزيت الاحمر اللي موجود فالاسواق.
بالفعل انا بقالى فتره عاوز اغيره فى الفيرنا وقولت اجيب الجنك،او الفيسكو، بس سالت ناس كتير قالولى زيت الباور مابيتغيرش بيتزود بس!!!
نفسى اعرف حد بيغيره يكون بيفهم، وهلى اجيب الابيض عادى للفرنا؟
يا جماعه جربوا زيت الباور ستيرنج الاخضر من فالفولين
مفيش كلام بعده اللتر 95 جنيه
غالي قوي ..
انا باستخدم زيت الماني اسمه wolver تخليقي
اللتر ب45ج .
طب انا بس مش فاهم النقطه دى ...... يعنى ايه الزيت فيه مانع التسريب هو ممكن الزيت يسرب من ايه ....
يارجاله لو حد غيره قبل كده يقولى فين وبيتغير أزاى ،علشان الميكانيكى بيقولى بيتزود مش بيتغير!!!!
زيت خير بلدنا
قصدى زيت ابرو
Honda CVT fluid
زيت بارو ( موبل ) ب 35ج اللون احمر -- لسه مزوده امبارح وهابلغكم باي جديد
انا عربيتي ماتريكس 2006 مانيوال عاملة 97000 كيلومتر وزيت الباور الللي فيها لونه احمر وناقص لحد علامة min ينفع افضي الشوية الباقيين واحط زيت باور gunk ابو علبة صفراء ؟؟؟؟؟؟؟؟؟؟؟؟؟؟؟
يا جماعة كل واحد يدور في كتالوج العربية هو موصي بنوع معين لزيت الباور يعني مثلا في الميتسوبيشي لانسر كاتب ان الزيت المناسب atf dexron 2 or 3 فأكيد انا مش هحط غير الي مكتوب
انا غيرت زيت الباور النهارده جبت الاول زيت رخيص غسلت بيه دورة الباور و بعد كده حطيت زيت valvoline atf dex/merc و هو مناسب للعربيات المطلوب لها dex 3 و لونه احمر زي بتاع الفبريكة
وايه الاخبار بعد التجديد ........... حسيت باي تحسن
لا مفيش فرق هو اصلا الزيت القديم مكنش فيه مشكلة ولا بينقص بس انا غيرته لاني عامل بالعربية ٧٠٠٠٠ كيلو متر و مكنتش غيرته قبل كده ده بتاع الفبريكة فقلت كفايه عليه كده ورحت مغيره
بص يا باشا انا جبت الزيت و غيرته عند مركز توب جير الي في شارع فيصل والعبوة ١ لتر ب ٥٥ جنية و عربيتي خدت تقريبا نصف لتر و بتجيب زيت رخيص من اي واحد بتاع قطع غيار تقريبا ب ١٠ جنية لتنظيف دورة الباور و ده اختياري بس الافضل تعمله و العملية كلها مش هتاخد ربع ساعة بس المهم وتروح لواحد فاهم بيعمل ايه
تجربتي يا جماعه اني اضطريت اغير زيت الباور بسبب انشقاق في خرطوم السفلي للطلمبه و حدوث تسريب كبير
مشيت بيها مشوار وانا مش واخد بالي وبعدها روح فورا لمركز زيوت
وغيرنا الخرطوم و حط زيت موبيل الاحمر
انا كنت عاوز جانك الاصفر بس ملقتووش عندو وسألت بعد كده في كذا مكان ملقتوش برضو
المهم مشيت بيها كام شهر تمام لكن حاليا بدأت اسمع صوت تزييق مع لف الدركسيون مش عارف ده بسبب نوع الزيت ولا علبه الدركسيون حصلها حاجه
ياريت حد يفيدنا ،،،
وعاوز اعرف اجيب منين الجانك الاصفر وبكام ،،،
زين جنك ابو علبة صفراء ده موجود في التوفيقية عند محل اسمه نعيم صليب متخصص زيوت مستوردة وبوجيهات
وموجود عند ناس كتييير في الحرفييين وسعره تقريبا مش فاكر 50 جنيه او 60 مش فاكر بالضبط
بالسؤال عنه قالوا ناس كتير انه للعربيات اللي الباور فيها كهرباء وبالسؤال هل ينفع لباور عادي محدش عارف او اداني اجابة واضحة
بس اللي اجمع عليه الكل او الاغلب ان زيت الباور العادي الهدرومتيك مش الكهربا هو الزيت الاحمر dex2 فيه ناس كتير بتحط زيت الفتيس الاوتوماتيك بس سمعت انه مش صح اوي والافضل انه يكون مكتوب عليه انه زيت باور ستيرينج اي لون بقى
السؤااااااااااااااااااال بقى لو حد عنده الباور عاااااااااااااادي هدروماتيك وكان ماشي بزيت احمر وغير و حط زيت جنك الابيض ابو علبة صفرا يقول لنا هو عن تجربته ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟