السلام عليكم
كل عام وأنتم بخير
من أسبوع وانا فى طريقى للشغل فى شارع الهرم حكييت فى مكروباص(قبل ما تشتموا فى المكروباصات أحب أوضح إنى انا إلّى كنت غلطان)المهم المرايا اليميين و البابيين إتحكوا وبما إنى كنت رايح كدا كدا للتوكييل عشان صيانه الألف قلت خلاص أصلحها هناك و فعلا خلصت أوراق التأمين و رحت على أبو رواش و سلمت العربيه للسمكره وعملت مقايسه وكمان بعدها بيوميين مهندس التأميين راح وعاين وإداها موافقه
المشكله إن بعد دا كله إتصلت بمركز الخدمه أشوف العربيه هايدخلووها إمتى ,المهندس قالى لا دى قصدها 10 عربيات تعالى خدها و هاتها بعد العيد انا بصراحه إحترت وسألت صحابى ,فى إلّى قال سيبها واخدا دورها وإنت إييش عرفك بعد الييد هايكون فى كام عربيه وفى إلّى قالى ظبط أمورك وكولو هايبقى تمام بس بصراحه المهندس كان شكله محترم مش بتاع تظبيط انا بصراحه مش عارف أعمل إييه وخصوصاً إن دا أول تعامل معاهم
أفتونى أثابكم الله ماذا تفعل لو كنت مكانى؟