صوت مع التكييف في جين 2

**GBadr** · 10-10-2013 12:13 PM

ياجماعه انا لسه شاري العربيه جديده... بس ملاحظ صوت كده عالي بيطلع لما اشغل التكييف بيروح ويجي ( مش عارف ده كمبروسور ولا مروحه) بس كنت فاكر حيروح او يخف بعد صيانه الالف لكن هو لسه موجود... ده طبيعي ومبيروحش؟ ولا محتاج اعمله حاجه... هو مزعج شويه خصوصا لو ماشي في الزحمه

وشكرا وكل سنه وانتم طيبين

**saddam** · 10-10-2013 12:37 PM

صديقي المواطن
لما رحت صيانة اﻷلف محدش شافه ﻷن أنا مش عارف طبيعة الصوت ممكن يكون صوت نشوفية سير أو بلية شداد أو بلية كباس أو بلية رملة وبالتوفيق ودمتم للنضال

ملحوظة اﻷصوات دي مينفعش يتشخص عطلها بالوصف لازم نسمعها.أو نشوفها

**Arch Mohamed S** · 10-10-2013 01:55 PM

لو صوت بيروح و يجي يبقا صوت الكومبريسور هو عالي عندنا شوية عادي

**bondok20002002** · 10-10-2013 02:01 PM

حاول تشغل التكييف وتفتح الكبوت وتقف قدامه حتلاقى ده صوت المروحة شوية تشتغل وشوية تفصل لو هو ده يبقى طبيعى جداً لو مش هو حاول تدور على الصوت

**tutankhamoun** · 10-10-2013 03:49 PM

طبعا الأخوة الافاضل قبلي ردوا على حضرتك .... انا حاسس انه صوت الكباس .والكباس في الجين 2 صوته عالي شوية .

ملحوظة على الماشي :

الكباس في عربيات بروتون من ماركة سندن اليابانية و هي شركة عالمية و يتم تركيب الكباسات الخاصة بها في ماركات عالمية كثيرة و لكن أغلب الشركات اليابانية بتستعين بها .
الكباس سندن اللي راكب في الجين 2 و البروتون عموما هو صناعة ماليزية من مصنع سندن في ماليزيا .

**D . a .\ AYMAN** · 10-10-2013 11:09 PM

المشاركة الأصلية كتبت بواسطة bondok20002002

حاول تشغل التكييف وتفتح الكبوت وتقف قدامه حتلاقى ده صوت المروحة شوية تشتغل وشوية تفصل لو هو ده يبقى طبيعى جداً لو مش هو حاول تدور على الصوت

هو فعلا بيكون غالبا صوت المروحة ركز معاها كدة وانت فاتح الكبوت .. هي المروحة مشكلة صوتها معروفة

**GBadr** · 14-10-2013 01:52 PM

ش
متشكر جدا على الردود
انا كنت مسافر فمعرفتش اجرب بس لسه مجرب النهارده ولفيت فعلا انها المروحه التانيه بس صوتها مزعج جدا
حد جرب حاجه تخلي صوتها ارحم من كده

وكل عام وانتم بخير