-
لانوس 99
السلام عليكم ... كنت محتاج مساعدة في عربية لانوس 1
انا عربيتي مابتجريش خالص من بعد اخر صيانة غيرت فيها فلتر هوا وزيت وبنزين واسطوانة وديسك وبليه وفلوم وكل السيور وطبعا غيرت بردو كل الزيوت حتى زيت الفتيس غيرتو وكمان بوجيهات...
الصيانة دي عملتها من 10 الاف كيلو
وامبارح غيرت تاني الاسطوانة والديسك والبلية والبوجيهات والزيوت كلها وفلتر بنزين وزيت وطلعت الاسطوانة و الديسك الاولانيه كانها جديدة وبردو العربية مابتجريش خالص (مش زي الاول خالص) وحاسس انها مكتومة.
يا ريت خبراء اللانوس يفيدوني ؟
وهل الفلوم ممكن ياثر على السحب ؟
-
تغير الديسك والاسطوانه مرتين يا باشا فلوسك مش حرام
الديسك والاسطوانه اعراضه معروفه الار بى ام عالى ومافيش سحب غير كده ملهوش علاقه
شيك على كبلات البوجيهات فى حاجه فيها قاطع شوف البوجيهات نفسها فى حاجه فيها قاطعه شوف الموبينه فيها مخرج قاطع
طرمبة البنزين اعملها تسيت قويه ولا ضعيفه
شوف الرشاشات كلها بترمى كويس
نضف بلف الايدل والحساسات والبوابه
-
خلى ميكانيكى تانى يبص على الكاتينة
-
طلرمبة بنزين او كاتينة خالفة
-
صديقي المواطن
أي بطيء يحصل في أداء السيارة بعد الصيانة فمرجعه لبديهيات معروفة أولها إختلاف التقسيمة ثانيها البوجيهات سيئة أو من نمرة أخرى أو لعب في الخلوص بتاعها ويتراجع على سلك البوجيهات كمان وثالثها وأهمها هو بدء إنسداد جزئي في الرشاشات ولازم تتنظف بصورة دائمية مبدئيا كده تحطلي 3 منظفات رشاشات في التنك مع تفويلة وقبلها تغيرلي فلتر البنزين وتمشيلي كامل التموينة سرعات 140 ولو فاقت معاك تحط 2 كمان في تموينة بعدها وبعد كده تحسب تموينتين بنزين وترجع تغير فلتر البنزين وبكده كل رشاشات وبواباتك ومواسيرك والتنك رجع زيرو وبالتوفيق واﻷصح الرشاشات تتغير كل 100 أو 150 ألف حسب إستعمال السيارة للحفاظ على مستوى منخفض من صرف الوقود وبالتوفيق وأهم وصية تسيب الميكانيكي بتاعك ده بتاع كفتة مش بلدي
ودمتم للنضال
-
اعمل اختبار كبس للمكنة... لو تمام يبقى غالبا طلمبة البنزين بداءت تضعف
MMamdouh
-
شكرا ليكم جميعا واراكو مقنعه جدا ... ولكن في سؤال هو الفولام (FLY Wheel) بيفرق في السحب؟؟؟؟
-
واختبر طلمبة البنزين ازاي؟
Content Relevant URLs by
vBSEO 3.6.0 PL2