هيونداى النترا اكثر امانا من تويوتا كورولا 2014 هع هع هع هع هع

في مفاجأة غير متوقعة حصلت النسخة الأمريكية من الجيل الجديد للسيدان ذات الشعبية الجارفة تويوتا كورولا 2014 على تقدير هامشي لاختبارات التصادم الأمامية جانبية التأثير التي يُجريها معهد التأمين والسلامة على الطرق السريعة «IIHS» بالولايات المتحدة الأمريكية

http://www.nilemotors.net/wp-content...crash-test.jpg

كورولا 2014 برغم هذا حصلت على تقدير الخيار الأكثر أماناً «Top Safety Pick» ولكنها جاءت في درجة أقل من أبرز منافسيها والذين حصدوا جميعهم تقييم «Top Safety Pick +»، حيث تأتي على قمة ترتيبهم هوندا سيفيك، ثم هيونداي إلنترا، ثم فورد فوكس والطرازين الأخيرين تساويا تماماً في تقديراتهم

2014 Toyota Corolla small overlap IIHS crash test - YouTube


ولا عزاء للبتنجان المخلل :)

:ask: البومه سيفتى عنها

الالنترا اللي بتنزل امريكا غير اللي بتنزل مصر ياباشا

انا ولا معايا دي ولا دي بس الحق حق

على حسب علمي ده اختبار جديد عن الاختبارات المتداوله

ولو كلفت نفسك ودخلت الفيديو على اليوتيوب وشوفت باقي الفيديوهات مكنتش عملت الموضوع ده

وسواء كده او كده بلاش صيد في المياه العكره

وعلى فكره انا معايا النترا :)

اقتباس:

---

المشاركة الأصلية كتبت بواسطة mitsukero

الالنترا اللي بتنزل امريكا غير اللي بتنزل مصر ياباشا
انا ولا معايا دي ولا دي بس الحق حق

---

+++111
و ايضا الكورولا النسخه الامريكيه غير بقيه العالم ...
تحياتى ...

موضوع مكرر و تم النقاش فيه
و الاختبار ده اختبار جديد و لسه معتمد قريبا و المصنعين مكانوش بياخدوا بيه
و التقييم بتاع الكورولا اللي هو marginal هو نفس تقيم ال c class و ال 3 series و الباسات CC
و اعتقد دول اعلي و احسن من الالنترا و لا ايه ؟؟

http://www.nilemotors.net/Nile/382327-2014.html

اقتباس:

---

المشاركة الأصلية كتبت بواسطة m!sho

على حسب علمي ده اختبار جديد عن الاختبارات المتداوله

ولو كلفت نفسك ودخلت الفيديو على اليوتيوب وشوفت باقي الفيديوهات مكنتش عملت الموضوع ده

وسواء كده او كده بلاش صيد في المياه العكره

وعلى فكره انا معايا النترا :)

---

ميه عكره ايه وبتاع ايه موش عجبك الموضوع متدخلوش

اقتباس:

---

المشاركة الأصلية كتبت بواسطة khaabas

ميه عكره ايه وبتاع ايه موش عجبك الموضوع متدخلوش

---

الاهم من إنك تقولوا كده كنت فعلا .. تدور فـالموضوع علشان تعرف المعلومات كويس علشان تقدر تقول لحد كده لو معجبكش الموضوع ماتخصهوش بس إنت للأسف اخترت اللي عجبك من الموضوع وعاوز الناس تصدقوا وده غلط طبعا زي ماقال العضو المحترم ده اختبار جديد وتقريبا 100% من العربيات كانت قريبا من بعد بما فيهم ال Mercedes و Bmw و VOLVO

انا لا عايزك ولا عايز غيرك يصدق
هيونداى موش المصنع بتاعى ولا تويوتا مشترى اسهم فيها

اقتباس:

---

المشاركة الأصلية كتبت بواسطة khaabas

انا لا عايزك ولا عايز غيرك يصدق
هيونداى موش المصنع بتاعى ولا تويوتا مشترى اسهم فيها

---

يا باشا بالراحة بس ... ليه ماأنا أكيد هتبسط لو جبت معلومة وأنا اتعلمتها منك إيه المشكلة وهيونداي أو المصنع الكوري عموما دلوقتي مش مصنع قليل بالعكس بقى مصنع ضخم ومنافس قوي كمان ... أنا بتكلم بس على التأكد من لمعلومات وعادي جدا إن هيونداي أو أي شركة انشا الله صيني تطور فـال safety وتبقى زي بقيت المصنعين

هو لما حضرتك مش همك حد يصدق المعلومات اللي انت جايبها تعبت نفسك و عملت موضوع ليه

الاخوة الاعزاء ..

بداية شئ جميل أن تنال أحدي سيارات هيونداي (الصانع الكوري رقم 1) مرتبة متقدمة بين عمالقة صانعي السيارات في العالم في الامان و هذا مطمئن الي حد كبير لمالكي تلك النوعية من السيارات

كما ان هذا لايقلل أبدا من قدر شركة كبيرة و عريقة مثل شركة تويوتا و سياراتها المحبوبة و الشهيرة الكورولا التي حازت أعجاب و ثقة المستهلكين في شتي أنحاء العالم و في مصر


أخي صاحب الموضوع ..

لن يضرنا أو ينفعنا ابدا أن تتقدم الالنترا في الترتيب أو تتأخر عن موديل سيارة محددة بقدر اهتمامنا بتحقيق قدر مناسب من الامان في تلك السيارة و لن يفيدنا أيضا أن نذكر عيوب اي سيارة اخري مقارنة بأي سيارة من سيارات هيونداي

أود أن أؤكد أن سياسة قسم هيونداي لاتقوم علي نقد أو مهاجمة سيارات أخري من شركات أخري منافسة لهيونداي بقدر أهتمامنا بالتركيز علي شرح سيارات هيونداي و ذكر مزاياها دون التقليل من قدر سيارات اخري بالاضافة لذكر عيوب سياراتنا بهدف تلافي تلك العيوب أثناء قيادتنا أو التعامل معها علي الطريق

ارجو أن يتقبل الجميع كلامي بصدر رحب فنجن جميعا أخوة في منتدي واحد يهمنا في المقام الاول تقديم المعلومة الصحيحة التي تفيد مستهلكي السيارات في مصر و تساعدهم في قرار الشراء علي أساس علمي بعيدا عن التعصب لماركة أو موديل محدد

و تقبلوا تحياتي
م/ سمير الشهاوي

اقتباس:

---

المشاركة الأصلية كتبت بواسطة mitsukero

الالنترا اللي بتنزل امريكا غير اللي بتنزل مصر ياباشا

انا ولا معايا دي ولا دي بس الحق حق

---

آه صح وكمان الكورولا الي بتنزل في امريكا غير الي بتنزل بمصر علشان الحق يكتمل ياباشا
تحياتي

بصراحة صاحب الموضوع أراد ان يضيف معلومة لمن يهمه الامر وبطريقته الساخرة الشيقة
رد زميل واكيد دون قصد بتوجيه اتهام شخصي له (المية العكرة) وده بصراحة غير مقبول لاننا بنتكلم عن العربيات مش الاشخاص
رد زميل آخر واشعرني ان الكورولا فئة والالنترا فئة اخرى رغم ان تمنهم متقارب جدا ولكل منهم مزايا وعيوب
رد المنسق الفاهم برد لبق مرتب واضح

بس انا طلعت بخلاصة ان ماينفعش حد يقول رأيه ي صيغة المقارنة رغم انها بتبرز الفروق لكن بتجيب للاسف وجع دماغ لصاحبها

ارجو ماحدش يزعل مني
اخيرا اتمنى لجميع الحاضرين لقاء غدا وقت طيب واعذروني لعدم الحضور علشان انا عضمة عجوزة وساكن بعيد

تحياتي

يعني لو كان العكس و الالنترا هي اللي كانت ورا عن التيوتا مكنش حد حيتكلم... دا كان زمان الموضوع ده بيتقال في كل مشاركه فيها كلمه النترا هاهاها .. بعدين الراجل جايب خبر مكتوب في مجله سيارات مش مقال هو اللي كتبه، يبقي مياه عكره ايه بس و لو الاحترام اوي كده في المنتدي و الناس بتخاف علي احاسيس بعض اوي كده امال ايه الكلام اللي بيتقال لو الالنترا جت في جمله مفيده مع الكرولا او الفليونس ... تسمع سعتها احلي كلام من عينه انت بتقارن كوري بيباني و انت بتقارن كوري باوربي!!! هاهاها

الله ينور عليك يا khabas هعععع و خد عندك دي بقي مني ليك ... هو انت اذاي بتحط الالنترا في جمله مفيده مع الكبار هوندا و كورولا و فورد!!! هععع

بس برده الحق يقال، النترا امريكا تجهيزات الامان مختلفه تماما عن النترا مصر ... العربيه بتنزل هنال اول فئة استانرد فيها ٦ ارباجز و esp مش احنا من غير ايرباج واحده!!!

والفولفو والباسات تقيمهم ايه

انا مش خبير في الcrash test بس لما شوفت فيديو تصادم الالنترا شايف ان مش اكتر امان ولا حاجه. بالعكس انا شايف الكورولا أأمن. شوف فيديو الالنترا وخلي بالك من القايم من الداخل

2013 Hyundai Elantra small overlap IIHS crash test - YouTube