فليشيتي فيها البوجيه الثالث بيعرق زيت على فترات ، كنا متعايشين مع بعض بس اليومين دول زودها شوية.
الميكانيكي قاللي دا جلد صباب او طقم شنير وممكن توصل لعمرة ومش هيبان الا بعد فك الموتور.
تنصحوني اعمل ايه يا خبراء الفليشيا مع ذكر التكلفة المتوقعة.
عرض للطباعة
فليشيتي فيها البوجيه الثالث بيعرق زيت على فترات ، كنا متعايشين مع بعض بس اليومين دول زودها شوية.
الميكانيكي قاللي دا جلد صباب او طقم شنير وممكن توصل لعمرة ومش هيبان الا بعد فك الموتور.
تنصحوني اعمل ايه يا خبراء الفليشيا مع ذكر التكلفة المتوقعة.
آسف على العنوان المتلخبط،، كنت بكتب من الموبايل
قصدي: البوجيه الثالث بيعرق زيت ، لو يمكن تعديله من خلال الادارة.
انا مش هفتي بس اقولك الاول لازم تتأكد من الزيت
ساعات بيبقى البوجيه مهبب وبيطلع عليه بنزين فمع الهباب يبان انه زيت وفيه ميكانيكي حب ينصب بالطريقة ديه
اولاً اتأكد ان الكربيراتير والكهرباء مظبوطين وغير البوجيهات وتابع كويس
ما تعملش اي حاجة في الموتور غير لما تشوف اعراضها بنفسك ...ما تفتحش الماتور غير لما تتأكد مليون في الميه
طب ايه صحة اشاعه ان الموتور بتاعها مابيتعمرش، والافضل شرا واحد استعمال؟
الكلام ده لو الموتور متهان وسبته لما باظ خالص وخصوصا لو بتحط فى دورة التبريد مية حنفية بتعمل تسويس جامد فى البلوك ووش السلندر ومسامير الموتور بتبقى قافشة ومملحة وبيبقى الموتور منخل من جوة فطبعا لما حضرتك تفكه حيتقفل ازاى وهو خرب تماما دى الفكرة
لكن لو موتور متصان ومية التبريد حمراء تركيز 33% والبلوك والوش سليم يتعملة 10 عمرات عادى واكبر دليل الموتور الأستعمال اللى بتشترية لو فكيته بتلاقية جديد من الداخل علشان الصيانة فى الخارج بتبقى صح وعلى فكرة الكلام ده بينطبق على كل العربيات الجديدة الحديثة مش الفليشيا بس اللى الموتور بتاعها الومنيوم مش زهر فلو موتورك متهان كمل علية وسيبة لما يقفش خالص وارمية وجيب موتور أستعمال وتمشى على كلام الكتالوج فى الصيانات وانسى مشاكل الموتور خالص تحياتى !!
لو بدخن رمادى يبقى شنبر
بالنسبة للدخنة فلونها اسود وبتظهر مع القرص بس
مشكلتي دلوقت ان البوجيه ده لواحده هو اللي بيعرق وطبعا العربيه بتلت معايا وتقرفني خصوصا في الحر أو الزحمة، والمشكلة التانيه انها بتاكل زيت في السفر ودي مش مقلقة بالنسبه لي لاني بزودها عادي.
قدامي 3 حلول محتار بينهم
1- اني اطنش واعمل نفسي مش شايف وكل مايعرق انزل اغيره بواحد تاني، والعده جاهزة معايا.
2- استعمل زيت شنبر مع اختلاف الاقاويل حول نفعه او ضرره لحد مالموتور يتعدم مع ان عندي احساس ان الموتور حالته مش سيئة.
3- افتح الموتور وانا وحظي في التكلفة والجوده.