يجماعه ارجوكم افيدونى انا مش فاهم حاجه خالص نيون 97

**dr.haitham** · 10-10-2013 09:18 PM

اشتريت عربيه نيون 97 من 6 شهور ومن ساعه ماشتريتها اقسم بالله مارتحت العربيه بحبها جدا وعايزها تكون تمام بس الصنايعيه بجد بيسرقو الواحد انا صارف عليها لحد دلوقتى حوالى 20 الف جنيه اقسم بالله و جربت كل الناس من الحرفيين من قطع غيار لصنايعيه يقولو بنفهم فى العربيه وباخد العربيه اسوء من الاول صقر قريش عفشجى ركبلى مساعد طويل ومساعد قصير منه لله وميكانيكى ركبلى علبه دريكسيون ولا اى حاجه اتغيرت ولسه من اسبوع عامل نص عمره ب3 الاف جنيه مغير شنابر وجوان وبجد ولا حاسس بأى تغير العربيه مش بتسحب دلوقتى خالص ولما بدوس بنزين بحس ان البنزين مش بيتحرق كويس بتسحب بنزين جدا وبسمع صوت كأنى راكب عربيه جاز والميكانيكى حسبى الله ونعم الوكيل فيه عمال يشتغلنى وانا مش عارف اعمل افيدونى بالله عليكم...اسف طولت عليكو

**dr/hamza** · 10-10-2013 09:50 PM

حوارك صعب...ربنا معااك

**saddam** · 10-10-2013 10:34 PM

صديقي.المواطن
العربية محتاجة ميكانيكي متخصص أمريكاني فقط وللأمانة فمجرد وصولك لصقر قريش فاﻷمانة العلمية تحتم عليا ويؤسفني أقلك إنك إنتهيت خلاص عامة حاول تحل موضوعك مع صنايعيتك ولو يأست وعندك مشاكل ميكانيكية وعفشجية كلمني وأنا أبعتك ﻷناس وطنية يصفولك المشاكل
وبالتوفيق ودمتم.للنضال

**aldesha989** · 10-10-2013 11:36 PM

اول حاجه ربنا يعينك انا عارف ومقدر اللى انتا فيه لانى مريت باللى انتا فيه وحاجه مقرفه وخصوصآ فى الاستيراد وبطلت اجيب استيراد وبحاول على قدر الامكان الاقى الحاجات الجديده ولو ما لقيتش جديد بحاول ادور على انضف حاجه استيراد على قد ما اقدر

دور على ناس نضيفه تساعدك على اللى انتا فيه

بما ان مافيش سحب فممكن يكون عندك طقم الدبرياج ضايع
المساعدين لازم تغيرهم وحاول توفق اتنين جداد بأى شكل لان واحد اطول من واحد كده انتا بتضيع ثبات العربيه

دلوقتى كمان لازم تشوف موضوع البنزين بتشم ريحة بنزين نى ؟ لازم تظبط دورة الاشعال اللى هى كهربة الماتور وتشيك على طرمبة البنزين والكربراتير او الرشاشات والبوجيهات

**darine wahby** · 21-10-2013 01:59 PM

الميكانيكى الى انت روحتلة فى صقر قريش اسمة اية ؟؟؟ مع احترامى الشديد لتعليقتكم بس اولا ربنا معاك انشاء, وصقر قريش فيها صنيعيا محترفين جدا واللة للامانة فى عند ميكانيكلى فوق الممتاز بس بيكلمش بيشتغل فى الحاجة من غير مايتكلم اسمو "سيد على" و فى كهربائى بس كلمة محترف دى قليلة علية لانة فاهم جدا فى النيون و فى ميكانيكى بردو بس مجربتوش الناس كلها بتشكر فية جدا اسمة" خالد نيون". بخصوص قطع الغيار لو انت عند طولة بال استخدم " Ebay"ر

**darine wahby** · 21-10-2013 02:00 PM

*عمرو الكهربائى

**OMARAMR** · 21-10-2013 05:15 PM

طب تليفونات الناس دى فين !!
الله يكرمِك ...

**darine wahby** · 21-10-2013 06:34 PM

واللة الكروت الى كانت عليها تليفوناتهم موش عارف راحت فين اسال اى حد بتاع قطع غيار عن سيد على بتاع الامريكانلى هو جنبة محل قطع غيار " السلام" عمرو الكهربائى فى الميدان اول ما تدخل من الاوتوستراد وفى محل قطع غيار هدية واللة اسمة الاسلامية ناس فى غاية الاحترام و موش بيزهقو من الاسئلة 01006426010 / 01004990228

**jackal** · 22-10-2013 04:05 AM

i hear that sayed ali is really good man
try him and as i send you if you need to ask any thing just call

**dr.haitham** · 04-11-2013 05:50 AM

جزاكم الله خير وأنا الحمد لله بدأت أحل فى المشكله وفعلا روحت لخالد نيون هو ما شاء الله عليه بجد صنيعى فاهم جدا وتعرف تتكلم معاه وبيخليك تشترى الحاجه بإيديك كان عندى فرن شكمان مكسور وكحكه شكمان وجزء من ضفيره الكهرباء اللى عند شكمان سايحه وغيرت دينمو ....طبعا فى ناس هاتتخض هيا برضه لسه فيها شويه شغل بس الحمد لله انا مرتاح لمجرد إنى لاقيت الصنايعى اللى بجد بيريحنى وده رقم خالد الميكانيكى 01127526202
وخالد ده كل حاجه فى النيون كهرباء وميكانيكا ما شاء الله
بس الحمد لله أحسن بكتيييييييييييير من الاول الحمد لله