للجماعه اللي بيفهموا في القانون

ياجماعه انا دالوقتي بطمح في السفر لاحدى الدول الاوروبيه واعيش هناك واخد الجنسيه
بس الدوله دي لا تسمح بمنح الجنسيه لاي شخص معاه جنسيه تابعه لدوله اخرى فبالتالي لازما اتنازل عن الجنسيه المصريه علشان اقدر احصل على الجنسيه التابعه للبلد دي
وبعدين اقدر ارجع الجنسيه المصريه تاني من القنصليه بعد ما احصل على الجنسيه التابعه لتلك الدوله الاوروبيه
السؤال هنا بقى
ايه موقف الوظيفه بتاعتي هنا من دا كله ؟؟؟ يعني بعد ما اتنازل عن الجنسيه المصريه هترفد من الشغل ولا الوظيفه هتبقى موجوده لاني كده كده هرجع الجنسيه تاني
مع العلم اني عايز افضل باقي على الوظيفه علشان محدش ضامن الظروف
مستنيكم ياحلوين تردو عليا
ودمتم للنضال ههههههههه (saddam)

صديقي.المواطن
عشان تاخد الجنسية لازم تقعد فترة معينة ولكل دولة.ليها وقتها من سنتين ل أربعة ل خمسة ل سبعة بإستناءات بسيطة للزواج والعمل

ولا تقلق وظيفتك مش حتروح ومحدش حيعرف أساسا ولكن السؤال الوطني إيه الوظيفة اللي تخليك فترة طويلة بره ثم ترجعك على طول إلا لو كانت إجازة بدون مرتب ومعرفش دي ممكن يدوها ﻷكثر من سنة حاول تروح النرويج أو كندا
ملحوظة مش تروح بره وتشغل لنا.إسطوانة.النضال والقصص دي خليك مواطن في حالك وتخلق بأخلاق البلد المضيف وصون.العيش والملح وبالتوفيق وإلى اﻷمام ومصر بتخسر رجالتها
ودمتم.للنضال

بص يا زعيم الدولة اللي تتخليك تتنازل عن جنسيتك عشان تاخد جنسيتها هي المانيا وبدون زعل كل الكلام اللي انت بتقوله ده كلام في قعده قهوة او وانت بتشرب الشاي انت بتتكلم عن هجرة يعني مترجعش مصر علي الاقل الا بعد اربع سنين ثانين انت عارف انت هاتعمل ايه عشان تهاجر ثالثا هل حددت الدولة اللي هاتهاجر ليها لان كل دولة ليها طاباتها وظروفها رابعا هل ما يكفي من الاموال عشان تعرف تهاجر سادسا هل انت ذو شهادة محترمة خلي بالكوا يا جماعة الهجرة ده مش معناها ان اي واحد ولا كل من هب ودب بيهاجر وبيقبلوه لازم تكون ذو شهادة نضيفة ووظيفة مطلوبة يعني ما بيخدوش الكسر خامسا هل تتقن لغة الدولة اللي انت رايحها سادسا هل جهزت اهلك واسرتك في مصر علي هذا القرار سابعا هل حددت مبلغ معين من الفلوس تجازف بيه في الهجرة ياما تنجح يا اما تفشل سابعا تعرف ازاي تتنازل عن جنسيتك وهل السفارة هتوافق ولا لا وهل انت ضامن انك بعد كده في اي ازمة متتسحبش منك جنسية الدولة الاخري وساعتها مش هتلاقي شارع تبات عليه عتقعد علي الحدود حضرتك مشروع جيد لاي دولة لاعداد منك جاسوس او عميل ومش هيتعبوا في تجنيدك انت مستوي جاهز وبعدين نقول مصر دولة وحشة هي مصر ناسها اللي خالوها وحشة .......... مش بعقدها عليك بس مابحبش الفتاكة والفهلوة المصري في حكمة بتقول ( من هو الغبي هو اللي فاكر نفسه ذكي والناس اغبياء ) ولا يقصد شخصك من هذا المثل

اقتباس:

---

المشاركة الأصلية كتبت بواسطة saddam

صديقي.المواطن
عشان تاخد الجنسية لازم تقعد فترة معينة ولكل دولة.ليها وقتها من سنتين ل أربعة ل خمسة ل سبعة بإستناءات بسيطة للزواج والعمل

ولا تقلق وظيفتك مش حتروح ومحدش حيعرف أساسا ولكن السؤال الوطني إيه الوظيفة اللي تخليك فترة طويلة بره ثم ترجعك على طول إلا لو كانت إجازة بدون مرتب ومعرفش دي ممكن يدوها ﻷكثر من سنة حاول تروح النرويج أو كندا
ملحوظة مش تروح بره وتشغل لنا.إسطوانة.النضال والقصص دي خليك مواطن في حالك وتخلق بأخلاق البلد المضيف وصون.العيش والملح وبالتوفيق وإلى اﻷمام ومصر بتخسر رجالتها
ودمتم.للنضال

---

انا سألت ناس في البلد دي قالولي اني اقدر اعيش في مصر او اي بلد اخر بعد الحصول على تصريح الاقامه المؤقته وبعد الانتهاء من فترة الاقامه المؤقته اقدر ارجع البلد دي تاني واقدم على الجنسيه بس قبلها لازما اتنازل عن الجنسيه المصريه
يبقى انا في فترة الاقامه المؤقته دي هعيشها في مصر وامارس شغلي عادي

ســـــــــــــــــــــــا فر يا عم وربنا معاك ,, ولا حد بقي يقعد يقولي وطني ولا بلدي ,, وطني هو اللي فيه ديني يحترم والقي فيه لقمة عيش كريمه ,, ايا" كان بقي المكان دا فين , في مصر في الصين في كولالمبور اي مكان , وزي ما احنا كلنا شايفين دلوقتي مصر لا فيها لقمة عيش ولا عيشه , وماحدش بقي يقعد يقولي مصر هي امه ولا هي اخته , خلاص مصر مابقتش بتاعتنا بقت بتاعت ناس معينه وبس ,, ربنا معاك ,

اقتباس:

---

المشاركة الأصلية كتبت بواسطة janagabr

بص يا زعيم الدولة اللي تتخليك تتنازل عن جنسيتك عشان تاخد جنسيتها هي المانيا وبدون زعل كل الكلام اللي انت بتقوله ده كلام في قعده قهوة او وانت بتشرب الشاي انت بتتكلم عن هجرة يعني مترجعش مصر علي الاقل الا بعد اربع سنين ثانين انت عارف انت هاتعمل ايه عشان تهاجر ثالثا هل حددت الدولة اللي هاتهاجر ليها لان كل دولة ليها طاباتها وظروفها رابعا هل ما يكفي من الاموال عشان تعرف تهاجر سادسا هل انت ذو شهادة محترمة خلي بالكوا يا جماعة الهجرة ده مش معناها ان اي واحد ولا كل من هب ودب بيهاجر وبيقبلوه لازم تكون ذو شهادة نضيفة ووظيفة مطلوبة يعني ما بيخدوش الكسر خامسا هل تتقن لغة الدولة اللي انت رايحها سادسا هل جهزت اهلك واسرتك في مصر علي هذا القرار سابعا هل حددت مبلغ معين من الفلوس تجازف بيه في الهجرة ياما تنجح يا اما تفشل سابعا تعرف ازاي تتنازل عن جنسيتك وهل السفارة هتوافق ولا لا وهل انت ضامن انك بعد كده في اي ازمة متتسحبش منك جنسية الدولة الاخري وساعتها مش هتلاقي شارع تبات عليه عتقعد علي الحدود حضرتك مشروع جيد لاي دولة لاعداد منك جاسوس او عميل ومش هيتعبوا في تجنيدك انت مستوي جاهز وبعدين نقول مصر دولة وحشة هي مصر ناسها اللي خالوها وحشة .......... مش بعقدها عليك بس مابحبش الفتاكة والفهلوة المصري في حكمة بتقول ( من هو الغبي هو اللي فاكر نفسه ذكي والناس اغبياء ) ولا يقصد شخصك من هذا المثل

---

بص البلاد المرشحه للسفر هي بيلاروسيا وروسيا .... ثانيا الموضوع مش هيبقى هجره لالالالا
هاقولك انا ياسيدي بفكر في ايه .. انا بفكر اتجوز واحده من البلاد دي سواء من روسيا او بيلاروسيا بس عقود الجواز هتتم هناك في بلدها مش هنا في مصر علشان احصل على الاقامه المؤقته ولو لقيت شغل هناك يناسبني واتكيفت مع الوضع هناك هستقر هناك على كده ومش هرجع مصر الا اوقات بسيطه لارى الاهل والاحباب اما لو لقيت الوضع صعب هناك هاخدها واجي بيها على هنا بس مش هعيش هنا على طول لاء دي هتبقى فتره مؤقته لحين انتهاء فتره الاقامه المؤقته وبعدها اقدم على الجنسيه وساعتها فرصتي في العمل هتبقى اكبر بكتير لاني بكده هصبح مواطن روسي من الدرجه الاولى اتمتع بكافه الامتيازات التي يتمتعون بها
انا سألت ناس هناك ينفع اعمل معادله بكليتي واقدم على وظيفه حكوميه هناك ؟ طبعا بعد حصولي على الجنسيه قالولي ايوة ينفع
وطبعا انا مش بعمل دا كله من اجل الجواز لاء بردو الموضوع بالنسبالي عبارة عن مشروع متكامل عايز اعيش في دوله متحضرة (تعليم كويس-مستشفيات نضيفه-نظام-....الخ) وطبعا دا كله هيتم من خلال الجواز ويبقى بكده ضربنا عصفورين بحجر اتجوزنا وعشنا
مش هنا في مصر تتجوز وتموت بعدها ههههههههه

بيلا روسيا وروسيا ,, يا عم ياعم ,, طيب الله يكرمك هاتلي معاك واحده من هناك وانت راجع ,, او حتي ابعتهالي بالدي اتش ال , احسن انت عارف الوضع في مصر ما بقاش ينفع خالص والبنات هنا محتاجه تروح التوكيل فورررررا وبيتهيئلي كدا عاوزه تعمل جميع انواع الصيانات ,, هاستناك وهاستنا منك بنت بالالوان الطبيعيه يا معلم ,)
ههههههههههههه ربنا معاك ,

اقتباس:

---

المشاركة الأصلية كتبت بواسطة hossam eldeen

بيلا روسيا وروسيا ,, يا عم ياعم ,, طيب الله يكرمك هاتلي معاك واحده من هناك وانت راجع ,, او حتي ابعتهالي بالدي اتش ال , احسن انت عارف الوضع في مصر ما بقاش ينفع خالص والبنات هنا محتاجه تروح التوكيل فورررررا وبيتهيئلي كدا عاوزه تعمل جميع انواع الصيانات ,, هاستناك وهاستنا منك بنت بالالوان الطبيعيه يا معلم ,)
ههههههههههههه ربنا معاك ,

---

من عنيا ياباشا ادعيلنا بس ان الموضوع دا يتم على خير ومتعكش معايا وانا باذن الله ناوي على فكرة حلوة هعملها هفتح وكاله او مكتب زواج روسيات من شباب عربي ونجوز الشباب المسكين اللي عايز يعف نفسه دا ونضرب بنات مصر في مقتل خليهم قاعدين جنب مامتهم وباباهم

هتقدر تتحمل درجه الحراره القارصه فى روسيا ( لما بتجى صفر بيبقوا فرحانين جدا فى موسكو و فى الشتاء غالبا -10 او - 5 او اقل فى المناطق الشماليه زى سيبيريا بتبقى -20 او -30 حاجات جميله ) + ظروف معيشه قاسيه لان حضرتك غير متقن اللغه الروسيه بطلاقه ولسه مش عارف الدنيا هتمشى معاك ازاى هناك - الروس مش بيحبوا الغرباء اصلا و ناس باردين معاك ان مصر بقت سئيه جدا جدا لكن السفر للدول العربيه افضل بكثير و على الاقل مش محتاج تتنازل عن الجنسيه الى ممكن لقدر لله لا ترجع تانى بسبب انك بالغلط عملت اى حاجه هناك و موقفك هيبقى ايه ساعتها ؟؟؟

اقتباس:

---

المشاركة الأصلية كتبت بواسطة silent~dream

هتقدر تتحمل درجه الحراره القارصه فى روسيا ( لما بتجى صفر بيبقوا فرحانين جدا فى موسكو و فى الشتاء غالبا -10 او - 5 او اقل فى المناطق الشماليه زى سيبيريا بتبقى -20 او -30 حاجات جميله ) + ظروف معيشه قاسيه لان حضرتك غير متقن اللغه الروسيه بطلاقه ولسه مش عارف الدنيا هتمشى معاك ازاى هناك - الروس مش بيحبوا الغرباء اصلا و ناس باردين معاك ان مصر بقت سئيه جدا جدا لكن السفر للدول العربيه افضل بكثير و على الاقل مش محتاج تتنازل عن الجنسيه الى ممكن لقدر لله لا ترجع تانى بسبب انك بالغلط عملت اى حاجه هناك و موقفك هيبقى ايه ساعتها ؟؟؟

---

اؤيدك بشده وفكرت في اللي حضرتك قولته كتير بس انا راسم كذا سيناريو مش سيناريو واحد بس
ومن احداها اني فكرت اتجوز من روسيا واخدها واعيش في ماليزيا مثلا دوله اسلاميه ومتقدمه وكده يعني وبعدين انت عندك اقامه مؤقته لمده 5 سنين يعني مفيش جنسيه خالص الا بعد 5 سنين يكون الواحد ساعتها عارف الدنيا ماشيه ازاي وهيعمل ايه

مش عارف , انا قريت كذا موضوع عن السفر برة مصر بس مش حاسس ان الموضوع بالسهوله اللى بقراها فى المواضيع , روسيا وماليزيا وكندا واستراليا , اسامى بتردد ملحقه بكلمة هجرة.......هو الموضوع سهل والا انا اللى شيفها صعبه؟؟!!

اقتباس:

---

المشاركة الأصلية كتبت بواسطة prof2013

بص البلاد المرشحه للسفر هي بيلاروسيا وروسيا .... ثانيا الموضوع مش هيبقى هجره لالالالا
هاقولك انا ياسيدي بفكر في ايه .. انا بفكر اتجوز واحده من البلاد دي سواء من روسيا او بيلاروسيا بس عقود الجواز هتتم هناك في بلدها مش هنا في مصر علشان احصل على الاقامه المؤقته ولو لقيت شغل هناك يناسبني واتكيفت مع الوضع هناك هستقر هناك على كده ومش هرجع مصر الا اوقات بسيطه لارى الاهل والاحباب اما لو لقيت الوضع صعب هناك هاخدها واجي بيها على هنا بس مش هعيش هنا على طول لاء دي هتبقى فتره مؤقته لحين انتهاء فتره الاقامه المؤقته وبعدها اقدم على الجنسيه وساعتها فرصتي في العمل هتبقى اكبر بكتير لاني بكده هصبح مواطن روسي من الدرجه الاولى اتمتع بكافه الامتيازات التي يتمتعون بها
انا سألت ناس هناك ينفع اعمل معادله بكليتي واقدم على وظيفه حكوميه هناك ؟ طبعا بعد حصولي على الجنسيه قالولي ايوة ينفع
وطبعا انا مش بعمل دا كله من اجل الجواز لاء بردو الموضوع بالنسبالي عبارة عن مشروع متكامل عايز اعيش في دوله متحضرة (تعليم كويس-مستشفيات نضيفه-نظام-....الخ) وطبعا دا كله هيتم من خلال الجواز ويبقى بكده ضربنا عصفورين بحجر اتجوزنا وعشنا
مش هنا في مصر تتجوز وتموت بعدها ههههههههه

---

بص يا برنس الليالي...

نصيحة من أخ أكبر سافر كتير وراح الدول اللي بتتكلم عنها وحالياً عايش برة..

انسى الموضوع ده أفضل ليك...لو كانت الحياة بمبي كدة ماكانش حد غلب يا ريس.

الجواز صعب جداً برة ومش مضمون وهيؤثر على حياتك وعلى أولادك.

البلاد دي صعبة جداً...لغة صعبة وإقتصاد مش تمام قوي ومعدلات بطالة جامدة...والأهم قوانين هجرة صعبة. يا ريت تتأكد من معلوماتك عن الإقامة عشان شكله كلام قديم.

كل الدول دلوقتي صعبت من قوانينها وإجراءات الهجرة...وإلا كان كل شباب أفريقيا المعدمين والبلاد العربية إلي فيها مشاكل وحروب راحوا.

نصيبك هيجيلك وهتلبس فيه زي مبتلبس في عمود خرسانة....

أنا عايش برة بس بقول لك...اتجوز من مصر احسنلك مليون مرة...أنا كدة على فكرة و أخر تمام.


ربنا يوفقك

اقتباس:

---

المشاركة الأصلية كتبت بواسطة gsoleiman

بص يا برنس الليالي...

نصيحة من أخ أكبر سافر كتير وراح الدول اللي بتتكلم عنها وحالياً عايش برة..

انسى الموضوع ده أفضل ليك...لو كانت الحياة بمبي كدة ماكانش حد غلب يا ريس.

الجواز صعب جداً برة ومش مضمون وهيؤثر على حياتك وعلى أولادك.

البلاد دي صعبة جداً...لغة صعبة وإقتصاد مش تمام قوي ومعدلات بطالة جامدة...والأهم قوانين هجرة صعبة. يا ريت تتأكد من معلوماتك عن الإقامة عشان شكله كلام قديم.

كل الدول دلوقتي صعبت من قوانينها وإجراءات الهجرة...وإلا كان كل شباب أفريقيا المعدمين والبلاد العربية إلي فيها مشاكل وحروب راحوا.

نصيبك هيجيلك وهتلبس فيه زي مبتلبس في عمود خرسانة....

أنا عايش برة بس بقول لك...اتجوز من مصر احسنلك مليون مرة...أنا كدة على فكرة و أخر تمام.


ربنا يوفقك

---

اولا شكرا لنصايحك اخي الكريم ولكن خلاص اخدت قرار مش هتجوز غير من روسيا وقضي الامر
بالنسبه لمعلومات الاقامه والجنسيه اللي ذكرتها في الصفحه الاولى هي معلومات لسه طازة من ناس عايشه وشغاله هناك وفعلا زي ما حضرتك ذكرت اصبح فيه قيود اكبر في الحصول على الجنسيه الروسيه فبعد ان كانت بعد 3 سنين من الاقامه اصبحت 5 سنين وبعد ما كانت بتسمح بازدواج الجنسيه اصبحت لا تسمح وهكذا

موضوع سفر روسيا موضه جديدة ظهر له سماسرة نصابين و سماسرة نص نصابين و أنا مش عايز أحبطك, بس موضوعك خيالى أنك هتسافر و تتجوز و تشتغل و تعادل الشهادة و فين فى روسيا؟...كل الكلام ده السمسار أو الوسيط أو المعرفه اللى بيردد الكلام اللى بيسمعة بيعشمك و هايسفرك فعلا و بعدين تلاقى هناك واقع مؤلم من أسعار ناااار و فلوسك هاتخلص بسرعة البرق و عنصرية لا تتخيلها و خصوصا فى شرق أوروبا و لا هتلاقى شغل ولا جواز ولا شهاداتك حد هايعترف بيها هناك . أنا من شهور بسيطة كنت فى سفرية تبع الشغل و لفيت فى 6بلاد أوروبية بين شرق و غرب أوروباو شفت أشكال و ألوان من المصريين اللى دفعوا دم قلبهم و مبالغ خرافية فى حاجات مشابهة علشان يسافروا و أحوالهم حاجة تحزن.

اقتباس:

---

المشاركة الأصلية كتبت بواسطة prof2013

اؤيدك بشده وفكرت في اللي حضرتك قولته كتير بس انا راسم كذا سيناريو مش سيناريو واحد بس
ومن احداها اني فكرت اتجوز من روسيا واخدها واعيش في ماليزيا مثلا دوله اسلاميه ومتقدمه وكده يعني وبعدين انت عندك اقامه مؤقته لمده 5 سنين يعني مفيش جنسيه خالص الا بعد 5 سنين يكون الواحد ساعتها عارف الدنيا ماشيه ازاي وهيعمل ايه

---

بردو نصيحتى خليك فى الدول العربيه و اتجوز واحده عربيه ولا مصريه و عيش فى اى مكان نضيف زى الامارات ( دبى او ابو ظبى مثلا) اكرملك من الجو القارص - ظروف المعيشه الصعبه- مكان كثير منا يعرفه - مفيش عنصريه كبيره ولا ناس بارده زى الروس - طلاقه اللغه مش امر صعب ممكن تكلمهم مصرى او تتعلم فى كام يوم لغتهم وربنا يوفقك لما فيه خير ليك

اقتباس:

---

المشاركة الأصلية كتبت بواسطة mohabelnegm

موضوع سفر روسيا موضه جديدة ظهر له سماسرة نصابين و سماسرة نص نصابين و أنا مش عايز أحبطك, بس موضوعك خيالى أنك هتسافر و تتجوز و تشتغل و تعادل الشهادة و فين فى روسيا؟...كل الكلام ده السمسار أو الوسيط أو المعرفه اللى بيردد الكلام اللى بيسمعة بيعشمك و هايسفرك فعلا و بعدين تلاقى هناك واقع مؤلم من أسعار ناااار و فلوسك هاتخلص بسرعة البرق و عنصرية لا تتخيلها و خصوصا فى شرق أوروبا و لا هتلاقى شغل ولا جواز ولا شهاداتك حد هايعترف بيها هناك . أنا من شهور بسيطة كنت فى سفرية تبع الشغل و لفيت فى 6بلاد أوروبية بين شرق و غرب أوروباو شفت أشكال و ألوان من المصريين اللى دفعوا دم قلبهم و مبالغ خرافية فى حاجات مشابهة علشان يسافروا و أحوالهم حاجة تحزن.

---

ياباشا والله الكلام دا كله عارفه بس الحاجات اللي ذكرتها دي اصلا لا تهمني لاني انا كده كده مرتاح ماديا هنا بمعنى لو معجبنيش احوال المعيشه هناك هستقر هنا في مصر ودا اللي انا متوقعه غالبا بس انا بما اني بفكر في الجواز من هناك فعامل حساب زوجتي المستقبليه انها مش هتتكيف مع الحياه هنا في مصر ولكن ممكن اعمل خطه تمهيدا لها للمعيشه هنا قبل الجواز بحيث ما تحصلش مشاكل بعد الجواز من ناحيه انها تقولي بلدك مش نضيفه والحياه هنا وحشه وبلدي واهلى واحشيني والكلام دا كله
بس انا اعرف قصص تانيه ناجحه كان فيه واحد عراقي بيدرس هناك في روسيا واتعرف على واحده واتجوزها وبعد ما خلص دراسته خدها ورجع بيها على بلده انبهرت بالعيشه هناك وقالتله مش همشي من هنا ومش راجعه روسيا تاني وعاشت واستقرت اي نعم حصلت بعض المشاكل بسبب وحدتها وبعد جوزها عنها بالاسابيع بسبب ظروف الشغل لانه مهندس وكده بس عادي دي استثناءات وبتحصل في احسن عائلات ...عموما شكرا لنصايحك والموضوع ما زال تحت التفاوض

اقتباس:

---

المشاركة الأصلية كتبت بواسطة prof2013

من عنيا ياباشا ادعيلنا بس ان الموضوع دا يتم على خير ومتعكش معايا وانا باذن الله ناوي على فكرة حلوة هعملها هفتح وكاله او مكتب زواج روسيات من شباب عربي ونجوز الشباب المسكين اللي عايز يعف نفسه دا ونضرب بنات مصر في مقتل خليهم قاعدين جنب مامتهم وباباهم

---

بالتوفيــــــــــــــــــ ـــــــــق يا معلم وربنا معاك ان شاء الله ,’,, والف مبروك مقدما يا عم اي خدمه ,,, )

بيلاروس دولة متحضرة؟؟؟؟؟؟؟؟؟؟؟


انت بتتكلم جد؟؟؟؟؟؟؟؟؟؟



عالعموم بدون الخروج عن نص الموضوع

الجنسية المصرية من حقك اسقاطها

و بعد اسقاطها من حقك استردادها بشكل اوتوماتيكي بدون موافقة وزير الداخلية في خلال سنة


و اعرف مصريين كتير عملوها

اقتباس:

---

المشاركة الأصلية كتبت بواسطة أحمد كمال

بيلاروس دولة متحضرة؟؟؟؟؟؟؟؟؟؟؟


انت بتتكلم جد؟؟؟؟؟؟؟؟؟؟



عالعموم بدون الخروج عن نص الموضوع

الجنسية المصرية من حقك اسقاطها

و بعد اسقاطها من حقك استردادها بشكل اوتوماتيكي بدون موافقة وزير الداخلية في خلال سنة


و اعرف مصريين كتير عملوها

---

اللي اعرفه ان بيلاروسيا تعداداها 10 مليون نسمه يعني عدد قليل جدا يعني اعتقد فيها فرص عمل افضل من روسيا نفسها وحتى لو هي اقتصاديا مش اوي فاعتقد مستقبلها جاي ولا انت ايه رأيك ؟؟ انا مروحتش البلاد دي قبل كده بس بقرا الكلام دا ع النت وعموما الموضوع مفتوح للجميع لاستبدال الخبرات