-
مساعده من رجاله البولو
انا معايا بولو 95 لسه شاريها هى متغيرلها موتور 1400 16v
والناقل اتوماتاتيك العربيه فى طالعتها التسارع بتاعها بطىء فى الاول بعد كده بتشد شويه بعد الستين
فى بدايه الطالعه بتحس معدل الحرق ااعلى من السحب سالت ميكانيكى قالى طرنبه البنزين عايزه تتغير عايز اعرف العيب فين طرنبه ولابيجوهات ولا ايه,,,,,,,,,,,,,,,,,,
افيدونى يارجاله مع خالص الشكر
-
سحب الاوتوماتيك مش حلو دايما فى الطلعه غير المانيوال.
الطرمبه و البوجيهات لو وحشيين مش هيبقوا فى الطلعه بس هتلاقى المشكله فى كل السرعات.
جرب تغير فلتر هوا و بنزين و بوجيهات و نضف البوابه و شوف الدنيا ايه.
-
صديقي المواطن
معدل الحرق أعلى من السحب عبارة تستحق أن نقف عندها وكده ممكن يكون كلتشات الفتيس اﻷوتوماتيك بتودع أما موضوع الميكانيكي أبو مدعي بيها ده فده كفتجي مفيش حاجة إسمها طرمبة وبعد الستين تشد معاك حلو الطرمبة عندك سليمة
إنت تعمل التالي بكره تنزل تجيب طقم بوجيهات نظيف وتغيرلي فلتر البنزين وفلتر الهواء وتغير طقم سلوك بوجيهات وتجيب 5 منظف شاشات وتغيرلي فلتر البنزين وتخش البنزينة تفول العربية92 وتحط 3 علب في التنك وتحاول تمشيلي في العربية ربع ساعة متصلة على 140 وباقي التفويلة حتمشي قارص شوية بس متخاطرش بحياتك ثم تخلص التموينة.لما النور ينور تخش تمون كامل التنك وتحط آخر علبتين وبرضو تقرص بس عادي وحتلاقي الشباب رجع للعرببة وبعديها بتموينتين عادية تغيرلي فلتر البنزين ثم تعيش حياتك ولو بعد كل ده.مصيحتش برضو مش مشكلة حنصحيهالك حنراجع عاﻷسبريتير والتقسيمة بس لا تقلق مشكلتك بسيطة إعمل إنت بس وإوعه تاخد رأي ميكانيكي في اللي أنا بقوله إنت تعمل وبعد كده لينا كلام تاني وبالتوفيق
ودمتم للنضال
-
كل سنه وانتوا طيبين وعيد سعيد عليكم انشاء الله هاجرب الموضوع وااقولكم على النتيجه بعد العيد
والف شكر ليكم
Content Relevant URLs by
vBSEO 3.6.0 PL2