عرض للطباعة
السؤال يطرح نفسة
لمن لدية الخبرة :crying2:
اخد اية معايا وانا رايح الجيش
او بمعني اصح اية اللي المفروض اجيبة وادخل بية في مركز التدريب؟
وتاني استفسار هل لو انا بمارس رياضة ما ينفع اكملها وانا جوة ولا غير مسموح مجرد خدمتي فقط لا غير
ونشكر معاليكم مسبقا
خد معاك بعض المأكولات اللى عمرها طويل ومش بتبوظ بسرعه
زى بعض المعلبات تونه مثلا - جبنه مثلثات - عسل ابيض - بقسماط أو قراقيش
مش هتحتاج تمارس رياضة زيادة
كفايه عليك التدريب
ما هتصدق تلاقى دقيقه راحه علشان تترمى على السرير وتنام شوية
ربنا معاك
صديقي المواطن
بالتوفيق خدت أو مخدتش مفيش فايدة ﻷنك مهما خدت حتظطر تعزم على زمايلك وملحوظة
إوعاك تقول إنك بتجيد حرفة أو صنعة أو تعرف تصلح عربيات كل دي حتخليهم يمسكوك عهدة وكل عربيات الجيش المصري واﻹسرائيلي كمان حيخلوك تصلحها لوحدك وبالتوفيق الجيش للرجال ومن لم يخدم بالجيش حيخسر كتير في حياته أنا عن نفسي إبني لو جاله إعفا حروح أعمل واسطة وأدفع فلوس عشان يخدم التعليم في الصغر كالنقش عالحجر
ودمتم.للنضال
الاخ الفاضل
انت مش المفروض تاخد معاك ايه انت المفروض تسيب ايه وانت رايح
سيب الرفاهيه والاكله النظيفه والراحه سريرك اللى بتنام عليه وحمامك اللى متعود عليه لانك هتلاقيهم هناك بشكل تانى هيكون صدمه فى الاول بس مع الوقت هتتعود عليهم
اعتقد ان معظم الوحدات ومراكز التدريب فيها كانتين كويس يعنى فى الاول لو معجبكش الاكل هتشترى من برة لحد ما تاخد عليه
هتشوف فول عمرك ماشفته فى حياتك ولا العدس اوعى وشك
وهتلاقى سرير بيتحرك لو حده من الكائنات اللى عايشه فيه ههههههههه
اهم حاجه خلى نفسك حلوة وانت داخل الحمام واتعود عليه بسرعه
انا شايف انك تاخد معاك ادويه للاسهال والامساك
ملايه سرير وكيس مخده وكيس اريال خد كذا غيار داخلى _ خيط وابرة _ زجاجه ميه بلاستيك كبيرة او زمزميه _ شبشب بلاستيك _ بيجامه _ متاخدش معاك حاجات يبان انها غاليه علشان ماتتسرقش منك_ هتحتاج مبيد حشرى بس ممكن يكون بيتباع هناك
دة اللى انا فاكرة دلوقت
ونصيحه من اجمل ايام حياتك اللى هتعيشها فترة الجيش رغم مافيها من متاعب
وربنا يوفقك وتعدى على خير
your memories, your loyalty for this land.
بس خد فترة الجيش اكنها فترة لبناء جسدك ولياقتك من ناحية التدريبات والجري ومن ناحية تانية بناء قوتك المعنوية وبناء الارادة والعزيمة قد يكون كلام كبير او مجعلس بس هبسطهولك في ناس كتير بتخش الخير وتلاقيه قرفان من نفسه ويخرج من الجيش تلاقيه متعلمش حاجة سيبك من الناس ده وهتلاقيها كتير دول بعيد عنك الناس الفشلة اللي تدوس عليها برجلك انما انت يا معلم هقولك اكنر حاجة تتعلمها هي الصبر وقوة التحمل والتكييف مع الاوضاع المختلفة وتحمل درجات حرارة الجو المختلفة بمعني وانت واقف في الطابور بيسيبوك بالساعات في الشمس خليك واقف ثابت من حديد شادد نفسك المعنوية لما يدخلوك ضاحية او جري او تكدير اعملها بذمة هتلاقي نفسك بقي نفسك طويل وبقيت عصب شديد وجسمك هيبتدي يتقسم زي بتوع الكيك بوكس مش العيال البلالين بتوع الجيم بتوع اليومين دول هتقولي طاب استفيد ايه بعد كده في حياتي العملية اقولك اول حاجة انت في الجيش تعاملت مع جميع الشخصيات اللي هتقابلها في حياتك وعرفت تصنف الناس من كويس ووحش وعرفت كل حركات الخزوقة اللي ممكن تقابلها وبالتالي لما تخرج في شغلك هتلاقي نفسك بقيت ذكي ومفيش حد يعرف يقرطسك ولا يضحك عليك ومن بعيد كده لما تشوف واحد هتقول عليه الواد ده كويس او وحش وهتتعلم لهجات الناس وهتتعلم ازاي تعيش وتحوش من اقل كمية من الفلوس وتكتسب مناعة صحية من معظم الامراض وخاصة عمر ما بطنك هتوجعك بعد كدة صحيح انت هتتعب بس هتتعلم بعد كده وتذكر ان مفيش حد بيتفوق في الثانوية او الجامعة الا بالتعب من خلال المذاكرة ليل نهار وكبت اهواءة وتفضيل المذاكرة علي كل شئ هو تعب اه بس هيشوف نجاحة اخر السنة وهيرحة بقيت عمره ومفيش حد بيغتني الا لما يتعب ويشتغل صبح وبالليل هو تعب بس اغتني بعد كده واستريح عقلك في راسك تعرف خلاصك وتذكر مفيش اكتر من الفشلة والحمير والخرفان في هذة البلد فهل يا تري ليك رأي مختلف وهتثبت نفسك وتتفوق ولما هتنضم للقطيع وتزودهم واحد انت اللي هتقولنا والكلام مش موجه لشخصك ( يعني لا اقصد انت في الكلام ) بل هو لكل فرد لكي يحدد مستقبله
ممنوع اى نوع من انواع المأكولات تدخل ، حتى لو كانت زيارة (ممكن يكون ملوث وانت فى عهدة الجيش) فمتحاولش
خد معاك 2 فرش جزمة + خيط وأبرة + شرابات زيتي من الشيشينجي (علشان تبدل براحتك وريحة الرجل وكده) + بدرة رجل ، مزيل عرق بلية مش اسبراي + ملابس داخلية+ 3 قفل نضيف (بلاش الصيني علشان كل المفاتيح بتفتح كل الاقفال وده عن تجربة) + قلم وورقه (وتكتب بالقلم على المخلة أسمك وعلى البطاطين علشان متتسرقش) + مناديل وايبس + صابونة + ديتول سائل وبخاخة علشان البق + معلقة (يفضل تجيب كيس معالق بلاستك ولما تاكل ترميها علشان متفضلش تغسلها ) + مناديل + مرهم كيناكومب لو بيجيلك تسلخات + ميدالية كشاف صغيرة (النور بيطفي بعد 10 فلو حبيت تعمل حاجه او تجيب حاجه ) + طبعا مكن حلاقة ومعجون حلاقة
الشنطة واللبس الملكي هتخليهم فى الدولاب بتاعك وتسلمهم لأهلك فى أول زيارة
وبخصوص الرياضة فطابور اللياقة هيظبطك متقلقش (فترة مركز التدريب)
متنساش المصحف وربنا يوفقك ان شاء الله
اه فكرتنى بالجيش :))
الرجاله قالت المهم و عملت معاك الصح
متقلقش كلو بيعدى
الموضوع مقرف لاقصى درجه بس كلو بيعدى
انت سلاح ايه ؟
شد حيلك يا بطل
اعتقد بعد كل الكلام ده الراجل هيعمل غياب هههههه
موفق ان شاء الله
الرجاله استرسلوا وقاموا بالواجب فى المعلومات
نصيحه منى لانى كنت مُعلم تدريب
اثناء الجمع للطوابير حاول دايما ماتبقاش فى الصف الاول ولا فى الصف الاخير ولا فى الاجناب
خليك فى النص دايما باى طريقه بالذات فى مركز التدريب لان المربع الخارجى للجمع بيكون هو الضحيه دايما علشان الكل يخاف
يعنى مجرد تشكيل مفتوح الصف الاول ممكن زحف وضرب وممكن الصف الاخير يطلع طُلبه مطبخ او اشغال
والاجناب للطلتيش عادى
ايام وهتعدىها باى طريقه فتكييف عليها هتستريح ان شاء الله وانسى الملكيه وفى اقرب وقت ان شاء الله هتقول بصوت عالى زى القدامى والمقبلين على انهاء خدمه كلها شهر ياجيش ونقول على الجرايه عيش :)
فكرتنا بالذى مضى من 26 سنه
اسود سنة فى حياتى,,, بس فعلا اتعملت منها كتير.
هات معلقة
ماكينة حلاقة و معجون
كريم مرطب
كيس مخدة
2 قفل صغير
ابرة و خيط
مناديل بكر
دوا للاسهال
كريم كدمات
بنادول
دة اللى فاكرة دلوقتى
مركز تدريب اية يا راجل
مركز التدريب يعتبر فندق بالنسبة للتشكيلات
كانت ايام
قابلت فى الجيش انتن البشر وقابلت اجدعهم
بس المنتنين كانوا اكتر
والحمدلله سنه وعدت بس بصراحة اتعلمت كتير واعتقد من غيرها يمكن مكنتش بقى الى بقيت علية دلوقتى
لان تقريبا شخصيتى اتغيرت خالص بعد ما خرجت من الجيش
بس دة طبعا بيعتمد على السلاح الى هتدخلة
يعنى الدفاع الشعبى او اجهزة القيادة مش جيش ولا يمكن يكونوا زى المدفعية او المشاة او المدرعات او المهندسين
وصحيح اهم حاجة الخيط والابرة لان الافرولات ما شاء الله عليها متخيطة حلو اوى
ههههههههههههههه
من خبرتى الحاجات الى تاخدها معاك
1- ابرة وخيط
2- ورنيش اسود وفرشة جزم علشان تلمع البيادة
3- دواء للبرد والاسهال والصداع ويستحسن يكون من الانواع المعروفة زى الكيتوفان والانتينال او الانتوسيد وتسيب الدواء فى علبة علشان يكون معروف
4- قفلين كويسين من الحجم الوسط واحد للمخلة وواحد دولابك
5- صبانه بلاستيك للصابونه وهات صابونه لغاية ما الجيش ما يسلمك الصابون
6- راديو صغير بس ميكونش غالى مع هيدفون مش غالى مع حجارة قلم
7- قلم ازرق ونوته صغيرة
7- لزق للجروح
8- معجون حلاقة ومكن حلاقة
9- ملعقة
10- كشاف صغير
11 - باكيته مناديل جيب
12- بودرة للرجل لو كانت راجلك من النوع الى بيطلع روائح كريهة
مفيش داعى للشبشب علشان هيكون حاجة ملكى وكمان الجيش بيسلمك شبشب
ومفيش داعى للفوط وملاية السرير واكياس المخدات علشان بردة ملكى وممنوعه والجيش ببردة بيسلمهالك
والجيش بيسلمك صابون للوش وصابون لغسيل الهدوم وعلى فكرة صابون غسيل الهدوم احسن كتير من الاريال وبينضف عالطول
حاول تاخد غيارات داخلية ملكى علشان بتاعة الجيش معفنه
انا مش عارف اشكركم ازاي يا رجالة والله
قمتو بالواجب وزيادة بكتير والله
انا داخل سلاح مشاه لسة بقي معرفش هتفرع لانهي فرع فيه :d وزي مسمعت من كل حتة عارف ان نهاري ازرق :d
الحمدلله علي كل حال وانا فرحان والله اني داخل الجيش لاني جريت علي حوار اني اخش الجيش دا من وانا في اعدادي لحد سنة 3 كلية فبنسبالي اني داخل الجيش دا فخر كبير والله ولقد فرغ صبري مستني اليوم اللي هسلم نفسي فيه
انا عارف اني هتصدم في حجات لما ادخل اشوفها بعنيا
وهقابل اشكال ميعلم بيها الا ربنا
وهقابل اللي هيتنطط عليا شوية
بس هذه هيا الحياه :d
انا جبت شوية حجات ( مكن حلاقة كتير - ورنيش وشكلة طلع بني :d - صابونة - جيل حلاقة - خيط وابرة )
زمازال التبضع مستمر
انا اعتقد لو انك بتلعب رياضة ومتميز فيها ممكن يودوك نادى الجيش تلعب باسمهم
خد معاك الصبر
انا كنت مشاهاقتباس:
المشاركة الأصلية كتبت بواسطة bido600
مركز التدريب فى قويسنا
Sent from my GT-S6500D using Forum Runner
اقتباس:
المشاركة الأصلية كتبت بواسطة saddam
:Copy of new: ضحك للركب ...... وفعلاً فى الجيش قضى وقتك واوعى تعمل نفسك عارف أى حاجة فى أى حاجة
حظك وحش دخلت مشاه...يا سلام لو كنت دخلت --------
يرجى مرعاة الاداب العامة
مشرف 6 ب
1.02am
14/10/2013
كده تمام الروح اللى عندك دى حلوه وهتساعدك كتير فى تقبل الحياه العسكريهاقتباس:
المشاركة الأصلية كتبت بواسطة bido600
الجيش للرجاله طبعا التزام وانضباط وطاعه
وبعدين مشاه ميكانيكى ولا مشاه عاده العاده بيتعب اكتر شويه من الميكانيكى فى المشاريع (المناورات )
وخليك فاكر ان سلاحك صعب وافتكر ان فيه اصعب منه وناش بتتبهدل اكتر منك وده هيخفف عنك
على العموم اصعب الاسلحه بتبدأ بحرف الميم بخلاف الصاعقه
ونصيحه لو انت بتلعب رياضه او بطل رياضى قول فى مركز التدريب ممكن تتلحق على سريه رياضيه وجيشك يعدى فى التمام
ربنا يصبرك
على فكرة انت هترتاح فى جيشلك وهيعدى عليك سهل
عشان من مشاركاتك قريت انت نفسيا مستعد وفخور بانتمائلك لجيش بلدك
ولو جة عليك وقت ووقفت خدمة فخليك فاكر الحديث الشريف (( عينان لا تمسهما النار عين بكت من خشية الله وعين باتت تحرس فى سبيل الله)) افتكر الحديث دة وانت واقف خدمة
النصيحة التانية متحاولش تستلم اى حاجة من الجيش ( مركبة - مخزن ......الخ)
النصيحة التالتة اتعامل مع كل العساكر على انها شمال الى ان يثبت العكس
النصيحة الرابعة والاخيرة هيا (( التاقلم والتعايش ))
هتوحشنا يا بيدو بيك
انا كنت مشاه وكان مركز تدريبى فى قويسنا وهو مركز تدريب نضيف جدا ومحترماقتباس:
المشاركة الأصلية كتبت بواسطة bido600
وعلى ما اتذكر كان فى مركز تدريب تانى فى المعادى بس معرفش عنه حاجة
غالبا توزيعك هيكون على الجيش التانى او الثالث واعتقد انه هيكون الثالث اكتر
انا كنت بالفرقة 23 مشاةميكانيكى بالجيش الثالث
وحضرت مشروعين حرب وحاجات تانية واتحفحت شامى ومغربى
وشفت ارجل الرجال وشفت انجس الاشكال
اذا كنت عايز نفلت فمفيش ليك حل غير انك تشوف واسطة وانت مترحل لقيادة الجيش علشان يعملك الحاق عى قيادة الجيش او قيادة الفرقة
ارمى ورى ضهرك كل حاجة وانت داخل مركز التدريب
وربنا معاك
هاقولك اللى فيها الجيش مش هاتتعلم منه غير كل شئ سلبى حتى سلوكك هايتغير للاسوأ
يعنى لو انت ابن ناس وداخل لسانك محترم هاتطلع منه غير كدة خالص
انا ناقص فى جيشى 4 شهور وخايف سلوكى يبوظ اكتر من كدة
انا كنت فى العلاقات الاجتملعية حلو جدا ومستمع جيد جدا حاليا لو حد وهو بيحكيلى حاجة خد نفسه باقوله على طول "انجز"
خد معاك الحاجات اللى الناس قالولك عليها وكدة كدة الحاجات دى اصحابك هايخلصوهالك فى اول اسبوع ليك بس اعمل حسابك فى الشامبوهات واى برفيوم خصوصا لو 555 تستعمله عشان تطهر بيه هدومك وخد معاك كتاب شيق تحب تقرا فيه
ممكن حضرتك تقولى اتعلمت ايه من الجيش?? ..السؤال بجد مش تريقةاقتباس:
المشاركة الأصلية كتبت بواسطة ahmed12345678
ببساطة شديدة جدااقتباس:
المشاركة الأصلية كتبت بواسطة car's sniper
لو انت داخل الجيش وانت حانق وساخط ومعتبرة تضييع لسنة من عمرك
فمش هتتعلم منة غير كل حاجة وحشة لانك كارهة
لكن لو انت داخل وانت حاطط اى اعتبار تانى زى مثلا ان الى ماتوا فى 73 مش ارجل منك
وان اللى ماتوا فى حرب الاستنزاف مش اجدع منك
ولو انت قعدت مع واحد من الى حاربوا فى اكتوبر وهو بيحكيلك الاهوال اللى عاشوها والرجولة والمرجلة اللى عملوها والتضحية والحكاوى اللى تشيب الشعر
فى الحالة دى هتخرج من الجيش وانت متعلم احسن ما فية
بالظبط زى النت
فية مراهق يدخل يدور على الحاجات الاباحية
وواحد تانى النت بالنسبة لة احلى اكل عيش واحلى مصلحة بالحلال
الاجابة فى المراية
واوعى تزعل من كلامى او تاخدة على محمل شخصى
انا قصدى بس ان انت داخل الجيش وانت ساخط وحانق مش اكتر
انا فعلا من النوع الاول لانه بالفعل ضيعلى وظيفة مكنتش احلم بيها وجاتلى صدفة وبعد ماوديت ورقى الجيش وقفلى كل حاجة والمنصب اللى فى الوظيفة الله يرحمهاقتباس:
المشاركة الأصلية كتبت بواسطة zarif
حاولت اتقمص الشخصية التانية وان دا جهاد فى سبيل الله لاقيت الواقع اللى حواليا غير مقنع يعنى مثلا بيوقفونا خدمة على بوابة غير موجودة ومحفور مكانها حفرة بعمق 3 متر واتملت مياه يعنى مافيش كلب بلدى ينفع يدخل منها ومع ذلك بيوقفوا اتنين بدل ماكانوا بيوقفوا واحد زمان
وطبيعة عملى كصيدلى مخليانى شايف كمية السرقة اللى بتحصل قصاد عينى للدوا وييجى صاحب الحق مايلاقيش كمية علاجه كاملة وبييجى على دماغ اللى فى وشه فى الاخر اللى هو احنا "العساكر"
بالظبط كدة هي دي الحاجات ايلي ممكن تخدها معاكاقتباس:
المشاركة الأصلية كتبت بواسطة م/مصطفى محمود
واوعي تاخد اي اكل لا معلب ولا غيرة ولا حتة ازازة بيبسي لانهم بيفتشوك وانت داخل المركز ويخدو الحاجات دي علاشان تنفع الكانتين وربنا معاك لما هتخلص مركز التدريب وتروح القوة الاساسية هتعرف ان مركز التدريب كان جنة بالنسبة للقوة الاساسية وحاول تتكيف علي الوضع الجديد
اقتباس:
المشاركة الأصلية كتبت بواسطة car's sniper
عشان المصادفة فى ان توقيت التجنيد ضيعلك وظيفة محترمة فانت ساخط وحانق
لكن فى نفس الوقت عايز افكرك بالحديث القدسى (( ما اصابك لم يكن ليخطئك وما اخطئك لم يكن ليصيبك))
ويمكن فى الموضوع خير ليك ولا تعلم ( وعسى ان تكرهوا شيئا وهو خير لكم وعسى ان تحبوا شيئا وهو شر لكم )
بالنسبة لموضوع الحفرة وتحكم الصف ظابط والمقدم فيك فلو انت فهمت اية اللى بيحصل هترتاح
اللى بيحصل انهم بيعلموك ويعودوك على طاعة الاوامر مهما كانت غريبة وعجيبة حتى تلاقيهم يقولوك ( نفذ الامر حتى لو غلط وبعدين اتظلم )
لان ببساطة شديدة يا صاحبى القوة الداخلية لاى جيش هو مقدار طاعة الاوامر وتنفيذها بدون مناقشة
طيب لية الكلام دة
عشان لما ييجى وقت الحرب الحقيقية ويكون فية ضرب وقصف عنيف والرصاص بيعدى من حوالين ودانك والقائد بتاعك بيقولك اتقدم .......تتقدم
مش تقولة لا ياعم اتقدم فين دانا هموت وتهرب من مكانك حتى لو معاك احدث واقوى سلاح فى العالم زى ما حصل للجنود الاسرائيلين فى الخنادق اللى كانت ورا الساتر الترابى فى خط بارليف
كانت الخنادق منيعة جدا وكانت الذخيرة اللى معاهم تكفيهم المقاومة شهر ورغم كدا استلسموا
وزى ما حصلهم فى عيتا الشعب فى الجنوب اللبنانى وقت حربهم الاخيرة مع حزب اللة لما حاولو يدخلوا بقوات برية بافضل كتيبة فى الجيش الاسرائيلى والجندى الواحد كان معاة احدث اجيال العوزى الاسرائيلى وتغطية بالاقمار الصناعية والماسحات الحرارية...........الخ
وفى الناحية التانية كانوا بتوع حزب الله مش معاهم غير الكلاشنكوف 747 الروسى اللى اتصنع فى اربعينيات القرن العشرين وعلى الرغم من كدة الاسرائلين طلعوا يجروا من قدام منهم زى النسوان
الشاهد من الموضوع انك لما تفهم الهدف الخفى الحقيقى من كل حاجة فى الجيش هترتاح
وربنا يكرمك باذن الله بشغلانة احسن من الاولى
احلى لايكاقتباس:
المشاركة الأصلية كتبت بواسطة hossam_elwani
تنبيه : الخروج عن مسار الموضوع مخالف لقواعد المنتدى والتى تكون عقوبتها الايقاف
تم حذف كل ما هو خارج اطار الموضوع
مشرف 6 ب
14/10/2013
1.23am
هقولك يا باشا اتعلمت اية من الجشاقتباس:
المشاركة الأصلية كتبت بواسطة car's sniper
فضل حاجة اتعلمتها من الجيش هى الصبر وقوة الشخصية
الصبر جالى من كتر البهدلة الى الواحد شافها فى مشاريع الحرب وطول فترة الجيش عموما
وقوة الشخصية جاتلى من الشخصيات المنتنه الى اتعاملت معاها فى الجيشوكيفية التعامل معاها
وعلى فكرة الجيش ضيعلى وظيفتين حلوين جدا
الاولانية محامى فى البنك الاهلى المصرى
والتانية محامى فى هيئة قناة السويس
وانا كنت من اوائل دفعتى فى كلية الحقوق دفعه 2003 ومعظم زمايلى الاوائل اتعينوا فى واحدة منهم
وخرجت من الجيش
وصبرت
وفعلا ضاقت حتى استحكمت حلقاتها .... ففرجت وكنت اظنها لا تفرج
وربنا كرمنى من اوسع الابواب بوظيفة محترمة جدااااااا ودخل كويس اوى
والحمدلله رب العالمين على نعمته وما اكرمنى بة بعد ما صبرى على البلاء
ياجماعة محدش يعرف اي هو نظام المبيت في المشاه يعني بتخلص خدمتك وتروح ولا اي وبتقعد كام ساعة وبترجع امتي للوحده ونظام الاجازات وكدا ربنا يبارك فيكم انا لسه داخل الموقع جديد معلش مش عارف اطرح سؤالي فداخل علي مشاركة في موضوع تاني معلش