ليه البيكانتو أغلى من السبارك؟؟

**aelsaid** · 11-09-2008 01:42 PM

إخوتي الأعزاء
حد يقدر يجاوب لي على هذا السؤال:
ليه البيكانتو أغلى من السبارك؟؟
الفول أوبشن من البيكانتو 64 ألف و من السبارك 56 ألف و الإثنين تقفيل كوري
شكرا

**hazem_khidr** · 11-09-2008 02:05 PM

روح اتفرج علي الاتنين في المعرض
و شوف فرق التقفيل و النضافه بينهم لصالح البيكانتو :)

**semsem85** · 11-09-2008 03:38 PM

قصد حضرتك ان الاسبارك وحشة انا شوفتها وبجد تقفيل جميل جد

**hahahahahaha** · 11-09-2008 03:46 PM

يا جماعه البيكانتو مغلين تمنها جدا وتكاد تلا هف الفيرنا في السعر مع الفرق الشاسع والواضح بينهم.

**shery103** · 11-09-2008 06:59 PM

فعلا فرق التقفيل شااااااااسع ، انا لما كنت بختار هجيب ايه ، ركبت الاتنين ، فرق جامد جدا من جوة

و بعدين كمان البيكانتو شكلها احسن كتير و شكلها جديد ، السبارك زهقنا من شكلها اللى كان نازل دايو ماتيز و شيرى كيو كيو ، و حسيتها ضغيفة اوى

**MoToRiZeR** · 12-09-2008 12:49 AM

البيكانتو عربية محترمة أكتر من السبارك بصراحة و لكن الفرق ما بينهم مش لدرجة يبقي 10 الاف .. و البيكانتو سعرها غالي أوي هي و الفئة دي كلها (بيكانتو و اي تن )

**semsem85** · 12-09-2008 03:53 AM

ياجماعة انا عاوز اعرف ايه الفرق بينهم بالنسبة للتقفيل ممكن حد يقولي انا مش شايف فرق الاثنين زي الفل ياجماعة ماسبارك تبع شيفورليه مش اي حد ولو شوفني قوة وعزم الماتو زي بعض مع العلم ان سبارك 1000cc مش 1100 الاثنين 65 حصان وتزيد اسبارك انها اساسي تكيف وكاسيت وسنتر غير استهلكها للبنزين موفر جدا بالنسبة للخدمة والصيانة قريبة عن كيا مثلا في الاتوستراد ورابعة ويكون الفرق بين الاثنين 54000 و64000 حرام طيب اللي هيدفع 64000 في كيا1100 يجيب احسن قيرنا او دايو لانوس1500 او 1600 او رينو مش هتفرق الفين ثلاثة

**youssefmustang** · 12-09-2008 09:08 AM

يا باشا المشكلة مش فى ادفع 2000 جنيه وهات لانوس طب لو كده ايه اللى يخلى العربية الانجليزى مينى كوبر اللى قد راس عود الكبريت بـ 430000 و300000
جودة الصناعة قوة الموتور طريقة التقفيل طب ايه اللى يخلى اللانوس بـ 65000 والكيا بيكانتو 65000 طبعا فرق شاسع بين الاتنين فى التقفيل والتأكد من القوة والتماسك
انا رأى انا البيكانتو عربية خرافة والناس اللى جابوها مش اشتكوش منها غير طبعا اللى بيجيب خليجى وكل الناس بتشكر اوى اوى فى معاملة التوكيل ونظافة الاستعمال عند عمل الصيانة والشغل بضمير
هات بيكانتو وتوكل على الله
اخوك يوسف

**aelsaid** · 12-09-2008 03:49 PM

المشاركة الأصلية كتبت بواسطة semsem85

طيب اللي هيدفع 64000 في كيا1100 يجيب احسن قيرنا او دايو لانوس1500 او 1600 او رينو مش هتفرق الفين ثلاثة

أعتقد سبب رخص الفيرنا هو أنهل بتتقفل في مصر مش كده؟ يعني أنا مثلا لم أقارن مع A113 لعلمي أن سبب رخص سعرها بالإضافه أنها صيني أنها تقفيل مصري
لكن أنا قارنت بالسبارك لما عرفت إنها تقفيل كوري أيضا و كمان نفس الأوبشنز في الموديل الجديد. الواحد محتار يا جماعه

**Hosam_Optrawy** · 13-09-2008 03:31 AM

يا جماعه ممكن تكون البيكانتو احسن
بس فعلا ماتستاهلش 8 الاف فرق فى الفلوس
انا بالنسبه لى لو هختار هاوفر واجيب السبارك
لان البيكانتو مش هاتديلى حاجه زياده بال 8 الاف دول
الاتنين واحد