electronic stability control for Octavia A7

**medo2811** · 11-10-2013 12:03 PM

انا كنت بتفرح علي الفيديو دة علي youtube و حبيت اشاركو معاكم
هما غيرو العفشة من مالتي لينك لتورشن بيم فعلا بس اعتقد ان خاصية esc هتحافظ علي ثبات العربية جدا

يا ريت التفاعل و اعرف رايكم اية

Skoda Octavia - ELECTRONIC STABILITY CONTROL - YouTube

**medo2811** · 11-10-2013 08:25 PM

غريبة اوي في 57 واحد شاف الموضوع و محدش رد
القسم نايم لية كدة يا جماعة

**Ahm662** · 11-10-2013 08:39 PM

كلامك زين والله ............حتى لو عملوا البدع الناس برضه هاتقعد تعيب فيها ..الحاجة الوحيدة اللى مزعلانى تنفيضها من الاوبشنز الاساسى يعنى الخليجى اشتريها وانا مطمن

**medo2811** · 11-10-2013 08:49 PM

يا باشا تسلم بس انا اعتقد ان الماركة دي محترمة فعلا
يعني تغير المالتي لينك بتورشن بيم اكيد متعملش من غير دراسة
انا اعيب علي التوكيل فعلا ان الفئة الاولي بتاعتو غالية و فاضية بس دي اسعار السوء
اعتقد ال elegance كويسة جدا بس غالية شوية

**mo7a_mo7a** · 11-10-2013 08:51 PM

من غير ما اوجع دماغ سيادتك بتفاصيل فنية كتير عن فوائد المالتي لينك والفرق بينه وبين التورشن بيم واهميته في الطرق المنيلة بتاعة مصر ومطبات الهوا
...

انا حسال سؤال طب ايه رايك في مالتي لينك مع esc ؟؟؟ مش احسن
وعلي كل اكتافيا بتنزل مالتي لينك أو تورشن بيم

تحياتي

**mostafa_dreem** · 11-10-2013 09:21 PM

ياجماعة العربية فعلا الثبات بها هايل انا من يومين كنت ماشي فوق ال١٢٠ علي الدائري وخت مطب والله لو عربية غير ديه كنت اتقلبت العربية اترفعت من الارض ونزلت تاني انا عن نفسي مش ندمان ابدا اني اشتريتها بس خت زلطة محترمة في اليوم ده من الجري في الزجاج يخرب بيت سبورت درايف ده هيجنني

**mostafa_dreem** · 11-10-2013 09:24 PM

باشا متتعبش نفسك في البحث علي النت كتير توكل علي الله لوناوي وانزل جربها في اي معرض العربية تحفة في كل حاجة ولو عايز تجربها انا من شبرا تحت امرك

**medo2811** · 11-10-2013 09:26 PM

مصطفي باشا ربنا يبارك لحضرتك في العربية و يبعد عن كل شر يا رب
انا كان معايا فانتازيا و بردة خدت زلطة في الازاز في طريق السويس
هي فعلا عربية محترمة جدا
بس ممكن اسال حضرتك اخبار الفتيس في زحمة اية او في النقل في اي مشاكل
انا اعتقد ان المشاكل اتحلت بس حابب اتاكد من حضرتك

**mostafa_dreem** · 11-10-2013 09:40 PM

لا يوجد اي مشاكل نهائيا حتي الان ياباشا فى الزحمة زي عدم الزحمة بس تعليقي عليها
فى التكييف بيأخذ وقت علشان يوصل لدرجة البرودة المطلوبة يعنى لازم فى البداية اعمله على ٦ مثلا بس انا مشغل الخلفى والامامي فكنت هسألهم فى التوكيل صراحة وثانيا بحس انها بتسخن وده من المروحة لما بنزل بلاقيها شغالة كذا مرة بس المؤشر فى النصف مش بيزيد فده طبيعة الاوكتافيا برده الله اعلم