سلام عليكم ورحمة الله وبركاته
من اسبوع ونص كده كنت مروح من الكلية وأنا ف الدائري خبطت بيها واحد والمرايا اتشفلطت ومبقاش فيها أي ملامح ..
ومكنتش فاضي خالص اكلم التأمين ودلوقتي خدنا الاجازة خلاص
بس مش عارف اعمل ايه اكلم التأمين ولا اروح التوكيل اعملها هناك ولا استرخص واجبها من بره
ولو كلمت التأمين عليها اقلهم ايه ؟
للمعلومية هيا المرايا اللي جمب السواق ..
كلم التأمين
بص تروح تعمل محضر فى القسم وتفهمهم انة للتامين وتعملها انها اتخبطت وانت راكنها تحت البيت وماتعرفش اية الى خبطها وتكلم التامين وتروح التوكيل وشوف لو هايتعاملو معاهم يبقى تمام لو التأمين بيتعامل مع مركز تانى يبقى تمام برضة وان شاء الله تتصلح
لوناوى تكلم التأمين تقلهم الى حصل بالظبط بدون تغيير عشان ربنا يبركلك
التامين
دي حاجه بسيطه ومش محتاجه محضر. روح على التوكيل جيب مقايسه وروح شركه التامين بلغ واعمل معاينه وبعدين لما يوافقو عليها (فورا) هترجع التوكيل تصلح وبعدين ترجع تاني للتأمين بالفاتوره وبعدين يصرفولك الشيك بعد اسبوعين تلاته.
تمام شكرا ي جماعة يعني المفروض بالترتيب كده اللي اعمله
اكلم التوكيل واروح اجيب مقايسة بعد ما قلهم اللي حصل بالزبط ..
وبعدين اروح ع التأمين واحكيلهم برضو اللي حصل عشان اعمل معاينة وبعد الموافقة ارجع تاني ع التوكيل عشان تتصلح
وبعدين ارجع ع التأمين عشان اصرف الشيك
يعني الموضوع كله مثلا مش اقل من شهر ولا ايه ؟ :/
بالظبط كدهاقتباس:
المشاركة الأصلية كتبت بواسطة ammar yosrii
وشهر يزيد حاجه بسيطة أو قل حاجه بسيط أن شاء الله