ضروري مشكلة في عدد لفات الموتور rpm

**mhmd habib** · 11-10-2013 03:39 PM

السلام عليكم
ارجو المساعدة في هذه المشكلة
سيارة شيفرولية لانوس 2012
15000 كيلو

مؤخرا ظهرت معايا مشكلة :
عند الدخول علي اشارة او مطب مثلا بغير الفتيس الي وضع التموير بلاقي عدد لفات الماتور. Rpm ثابت علي 1500 لفة ومبينزلش لوضعه الطبيعي الي بعد ثبات العربية وانتظار خمس ثواني وممكن ازيد والمشكلة دي بتزيد اكتر في الزحمة
بدات اتعامل مع المشكلة انها لما تظهر احط العربيه علي الغيار الاول واشيل رجلي من الدبرياج براحة عشان لفات الماتور تقل بس لما اضغط تاني علي الدبرياج بتعلي تاني

التوكيل :
اول محاوله تنظيف الاياك او الايدل كونترول وتنظيف بوابة الهواء وبعدين اجرب ولكن المشكلة كما هي
ثاني مرة جربنا ايدال تاني وجربنا. ظبط شوية ورجع تاني
ثالث مرة جربنا ايدل وتي بي اس بردة المشكلة زي ماهي
اخيرا غيرنا بوابة الهواء كامله بقطعه ايدل وتي بي اس جداد ظبط مؤقتا وفي زحمة الرجوع من القاهرة يوم الخميس ظهرت تاني

دة توكيل منصور فى المنصورة وبصراحة زهقت وبفكر اطلع فرع طنطا بما انه هو المركز الرئيسي وعشان يفحصلي كمبيوتر عشان المنصورة مفيهاش فيشة كمبيوتر اللانوس

بس قلت اخد راي الخبراء في الموضوع دة الاول

**hossamalsadik** · 11-10-2013 03:52 PM

لازم تكشف كمبيوتر
وممكن تعمل ريست شيل كبلات البطارية الموجب والسالب 30دقيقة ورجعهم تانى وجرب

**hossamalsadik** · 11-10-2013 04:08 PM

المفروض طبعا انه يظهر العيب من خلال الكشف
ونتا أصلا قلت انك غيرت كل ده
وممكن العيب يكون من الكمبيوتر نفسه والكشف هوا الفيصل
وبعدين لما بنغير قطعة من حساسات العربيه بنعرفها على الكمبيوتر عشان يتعرف عليها ويبتدى يقرا صح منها

**motoxp** · 12-10-2013 12:41 AM

نفس المشكله

**abo_lamar** · 12-10-2013 12:47 AM

باشا ...
شوف كده الواير بتاع الاكسراتير عند البكرة بتاعة البوابة ....
لو مشدود قوي حاول انك ترخيه شوية وده عن طريق فك الوردة اللي راكبه فوق الواير وشد الواير للامام واعادة وضع الوردة تاني .... وجرب كده العربية وشوف حتظبط ولا لأ .

**mhmd habib** · 12-10-2013 04:48 AM

الواير بتاع الاكسلاتير وضعه مظبوط ولا هو مشدود ولا مرخي الوضع بتاعة تقريبا من يوم ما جبتها
وعلى الرغم من كدة اتاكدت منهم في التوكيل كمان .

**mero100** · 12-10-2013 06:12 AM

اعتقد الموضوع ده طبيعي جدا ... لان 1.5 rpm بعد المور لغايه ما العربيه تقف ينزل تحت ال 1 rpm ده طبيعي .

اللي مش طبيعي انك تبقي واقف بالعربيه و تلاقي ال rpm 1.5 و مش بينزل

و اللي مش طبيعي بردو انك تلاقي ال rpm بيعلي بين النقلات لوحده ...يعني وانت علي الاول و بتدوس دبرياج و بتجيب التاني في اللحظه دي لو ال rpm علي لوحده يبقي فيه مشكله .

الموضوع ده خلاني غيرت بوابه و tps ....