اشتريت أفيـــــــــو 2010 كوري ومحتاج حد يجاوبني
السلام عليكم
ربنا وفقني ف عربية أفيو 2010 كوري مانيوال فابريكه بره وجوه وحالتها فوق الممتازة الحمد لله لونها زيتي "لون أول مرة أشوفه على الأفيو بس حلو الحمد لله"
عندي بقى شوية استفسارات
أيه أفضل زيت أستخدمه...........موبيل xhp ولا شيل؟
عاوز أركب كاميرا اللي هي للركن دي بتتركب فين وبكام علما اني من اسكندرية؟
الكاسيت البيونير اللي هو دورين ده بكام وأركبه فين ف اسكندرية عشان كاسيت الفابريكه مضايقني؟
أنا محتاج أكتر من مكان ولاعه يا ترى مشترك الولاعات ده فيه مشكلة على العربية أو الأجهزة اللي هتتوصل عليه؟"شاحن موبايل وام بي ثري"
العربية ما شاء الله عليها جميلة وعالية ومريحاني ف المطبات عشان بسافر أماكن بره البلد كتير فيا ترى أربط على العفشة كل اد ايه علما بان فيها جنوط 14؟
الزينون للفانوسين الأماميين عالي وواطي تكلفتهم كام؟
الستاير الكبس للكنبة اللي ورا والازاز الخلفي يتكلفوا كام؟
معلش أسئلتي كتير بس عشمي فيكم أكبر انكم تقبلوني أخ ليكم هنا ف القسم ان شاء الله ونقدر نفيد بعض باذن الله