أيه رأيكم أركب قطرة فى القرطبه 2008 ؟؟

**XPLod** · 11-09-2008 02:04 PM

من كام يوم وأنا راكن عربيتى واحد أبن حلال حكلى الاكصدام الورانى بس الحمد لله مطبقش بس البويه بتاعته طلعت فى الاكصدام بتاعى جبت بولش وكمبوند وقعدت انظف فيه والحمد لله طلع.

فكرت بعد كده اركب قطره زى اللى فى المرفقات كده , ايه رأيكم اركبها تحافظ شويه على الاكصدام اللى ورا من الخبط والركن ؟ ولا شكله وحش وبيئه ؟؟

عاوز رأيكم وأن شاء الله اخد بيه ..

**wisambasha** · 11-09-2008 02:24 PM

والله مش وحشة و هتحافظ علي الاكصدام الخلفي فعلا

بس بتركب عند مين وموجودة فين؟

**CryptonX** · 11-09-2008 02:31 PM

بس الي سمعته والله اعلم انه بيركب علي شاسيه السيارة و بالتالي في الحوادث الكبيرة لا قدر الله اكثر حاجة حتاخد الخبطة هو الجزء الخلفي من الشاسيه مش الاكصدام و ده ممكن ياثر جامد .

بس طبعا هو احد الحلول .. دنا زهقت من رش الاكصدمات الخلفية و الامامية بسبب الناس الي بتريح و بتركن ..

لو ينفع اركب واحد في كل ناحية ..

**mohamed ibiza** · 13-09-2008 05:18 PM

هيبوظ شكلها بلاش

**PASST2000** · 14-09-2008 03:03 AM

ليه تركب القطره فكرتيني لما كنت عاوز اركب الموسيقى الي بتطلع مع الفرامل بتاعت التاكسيات
على فكره بهزر ماتزعلش مني

**Chicco** · 14-09-2008 04:13 AM

بلاش منها خالص ...شكلا مش حلوة ..و فعلا لو لا قدر الله خبطة جامدة شوية حتسمع في الشاسيه ...لو الموضوع مضايقك قوي ممكن تحط صدادات كاوتش ...بس برضه اغلبهم بيبقى شكلهم مش قد كده