هيونداي إلنترا ٢٠١٣ gls dab abs - إنطباعاتي بعد أول ١٥٠ كيلو

**mastr_n** · 12-10-2013 03:02 PM

الف مبروك
وربنا يديك خيرها ويكفيك شرها ان شاء اللة

**mahmoud_afifi** · 12-10-2013 03:07 PM

المشاركة الأصلية كتبت بواسطة RimounAdel

ربنا يخليك يا كبير :) دا شرف ليا و صدقني كنت ناوي اجي بس الظروف لخبطت.. ان شاء الله اشوفك في المقابله الجايه :)

تصدق ماجاش في بالي موضوع ضغط الكاوتشات دا انا قلت هيا اكيد بتيجي كل حاجة متظبطة... هاروح اشوفه ... شكرا علي النصيحة :)

ولا يهمك تتعوض المرااات الجايه

وبالنسبه لضغط الكاوتش اظبطه على 32 قدام و ورا. ولو هتعمل نيتروحين قوله يرفع العربيه الاول بعدين يفرغ الهوا لأنه لو فرغ الهوا والعربيه على الارض الstructure بتاع الكاوتش بيبوظ او بيضغف

**J A G U A R** · 12-10-2013 10:49 PM

ربنا يباركلك فيها

**RimounAdel** · 13-10-2013 01:59 PM

المشاركة الأصلية كتبت بواسطة ultramisho

مبروك ياعزيزي
بالنسبة للانذار هي العربية فيها انذار مع فتح الباب لكن لو اتكسر الازاز لا وده مكمن الخطورة الي تسرقت بيه عربية الكوك دور الشهيرة
علشان كده بيركبوا في التوكيل انذار بيحس بالاهتزاز وكسر الازاز ومهم يرفعوا حساسيته والا هيبقى زي قلته بيركبوه مع الانذار القديم مش بداله يعني بيوصلوه بيه
الاسبوع الي فات انا روحت عملت صيانة الالف في العبور - خاصة بعد تقرير الباشمهندس سمير - وكانوا قمة في الذوق والانصات لاي شكوى وكانوا عاملين عرض تركيب الانذار ده مجانا بس انا ما استفادتش من العرض لانه ماكانش للفولي لودد زي عربيتي وقالوا مش محتاجة علشان الايموبيليزر
انا كمان على ما فهمت من بعض مواضيع في المنتدى ان موديلات اخر 2013 نزل فيها الايموبيليزر في كل الفئات لكن واضح انهم بيركبوا الانذار ده للي مافيهاش
بالنسبة للكاوتش طبعا الزيرو بتبقى العربية منفوخة زيادة علشان بتكون واقفة عندهم ولازم تضبط النفخ وانا عن نفسي ضابطه على 30 مش 32 رغم انه مكتوب عند باب العربية وفي الكتالوج 32 لكن ده في شوارعهم الحرير في مصر هيبقى كتير وهينشف العربية

بالنسبة للعربية ككل عندك حق هي مناسبة واسعة قدام وورا وسحبها كويس والستة نقلات مخلية احساسك بالنقل قليل واستهلاك البنزين مناسب بس هي عريضة شوية والسوك الي في الجنب بتتطلب حرص زايد خاصة في البداية

حفظ الله لكم ولنا جميعا صحتنا واولادنا ومالنا

تحياتي

الله يبارك فيك و اشكرك علي النصايح دي كللها
اعتقد اني انا كمان مش هاستفيد بالعرض دا علشان عندي اموبيليزر بس كويس اني عرفت هاسألهم لما اروح لصيانه الألف ان شاء الله.

انا برضو قالقني موضوع السوك دا ربنا يستر و يحافظلك عليها :)