الموضوع: عيوب ومميزات من تجربة بيجو 301 في السفر من القاهرة للغردقة

ربنا يباركلك ياباشا ... البيجو 301 إختيار ممتاز .

المشاركة الأصلية كتبت بواسطة memo_dragon

بم الله الرحمن الرحيم انا اشتريت العربية من شهرين و عملت صيانة 2500 كم وكنت بشتكي من البطئ الشديد جدا في بداية سحب السيارة عند تشغيل التكييف علي اقصي سرعة فعند الدوس علي دواسة البنزين كانت السيارة تستجيب ببطئ شديد جدا جدا فقال لي مهندس الصيانة السيارة تحتاج لتنزيل سوفت ويير ولكي يستطيع تنزيل السوفت وير يجب ان تكون العربية باردة فتركتها ال اخر اليوم لكي يستطيع تنزيل السوفت وير بس الحمد لله بعد تنزيل السوفت ويير تم معالجة هذا العيب وتحسن سحب العربية وقام مهندس الصيانة بختم الضمان وقال لي ان الصيانة القادمة عند 10000 كم او 6 شهور ايهما اقرب وسوف يتم تغير الزيت لان لم يتم تغيير الزيت في صيانة 2500كم وفسألت مهندس الصيانة علي امكانية تركيب مثبت سرعةspeed limiterو cruise control للبيجو 301 وقالي انه ممكن يركب للبيجو 301 سواء الهاي لاين او الاكتيف عشان الفتيس الاتوماتيك و انا معايا الهاي لاين فركبتة في نصف ساعة وتكلفتة بالتركيب 655 جنيه فقط وعليه ضمان مع ضمان السيارة وهو عبارة عن ذراع يتم اضافة يسار الدركسيون مثل ذراع الملتي في 301 الهاي لاين وهو مريح جدا في السفر وجربته وانا مسافر للغردقة كان عملي جدا في السفر وتقيمي الشخصي للسيارة عند تجربتها في السفر الي الغردقة:-

اولا الثبات في السرعات العالية = ممتاز
ثانيا الراحة = ممتاز
ثالثا حجم الشنطة الخلفية = مناسب جدا لاسرة تتكون من 4 افراد
وكان معدل استهلاك البنزين تقريبا 9 لتر لكل 100 كم
رابعا كفاء السيارة في السرعات العالية =سحب السيارة يقل بعد سرعة 140 كم/ ساعة ولكن رغم ثبات السيارة لا انصح بالقيادة بسرعات عالية باي نوع سيارة لتجنب حدوث الحوادث
ولكن يوجد عيب واحد انا مش عارف ده عيب في فتيس السيارة ولا دي حاجة طبيعية ان احيانا عند سرع 60 وعند نقل الفتيس الاتوماتيك اشعر بنقلة الفتييس (نتشة في العربية ) هل ده عيب
انا منتظر حتي صيانة ال10000 لكي اسأل مهندس الصيانة عن هذا العيب

ولكن السيارة بوجه عام ممتازة جدا جدا سواء في السفر او داخل المدينة

اما بالنسبة للاسعار قطع الغيار:-
اخذت من مهندس الصيانة قائمة باسعار قطع غيار 301 وهي كالتالي:-
جم 85 = ذراع ميزان امامي
جم 50.4 = فلتر هواء
جم 40.5 = فلتر بنزين
جم 44 = فلتر زيت
جم 550.87 = طقم تيل خلفي
جم 354.14 = طقم دواسة
جم 1845.48 = اكصدام خلفي
جم 998.09 = برابريز امامي
جم 624.12 = مرايا يمين كهرباء
جم 66.02 = زجاج المرايا
جم 239.9 = مساعد خلفي
جم 591.02 = فانوس خلفي
جم 1274.62 = كشاف شمال
جم 134.06 = فلتر تكييف
جم 636.38 = طقم طنابير امامي
جم 424.03 = طقم تيل امامي
جم 494.93 = بلية مجموعة
جم 1204.22 = مارش
جم 33.6 = بوجيه
جم 22.01 = غماز رفرف
جم 788.26 = طلمبة بنزين
جم 2230 = اكصدام امامي
جم 2333 = كبوت
جم 1450 = طنبور خلفي
جم 481 = طقم كاتينة
جم 640 = مساعد امامي

أولا مبروك العربية و ربنا يباركلك فيها و يكفيها شر العين

انا اللى بستغربة فى كل الريبورتس اللى الناس بتكتبها ان الناس كلها بتشكر فى ثبات العربية!! رغم أنى عندى مشكلة مع النقطة دى بالذات ان العربية خفيفة جدا و اخرها فى الثبات 120-130 اكتر من كدة مراجيح و انا بعمل صيانة ال2500 فى صلاح سالم كان فى واحد بيشتكى من نفس الموضوع دة برضة عشان كان معاة كروز قبل ال301 و انا كان معايا ميجان فمتعودين على ثبات اكتر من ال301 الصراحة. كمان و انا فى Autoservice بظبط حاجات فى العربية لما اتخبطت، اللى طلع جرب معايا لاحظ فعلا أن العربية خفيفة من غير ما اقولة حاجة، مجرد سألتة اية رأيك فى الثبات قالى اقل من البيجو التانى، يعتبر زى الحاجات الكورى

كنت عايز أسأل حضرتك برضة على حاجة فى اسعار قطع الغيار، المقص بكام؟