السلام عليكم
زى العنوان عاوز أحسن طريق علشان أروح من شارع التسعين لجراند كافيه كورنيش المعادى
عرض للطباعة
السلام عليكم
زى العنوان عاوز أحسن طريق علشان أروح من شارع التسعين لجراند كافيه كورنيش المعادى
هتاخد الدائرى اتجاه المعادى بس المشكله ان الدائرى ملوش منزل على الكورنيش فى الاتجاه اللى انت عايزه فعندك حل من تلاته... الاول تنزل اوتوستراد اتجاه المعادى و تخش من قلب المعادى لحد الكورنيش و دى توهان لو ملكش فى المعادى ... التانى تعدى الاوتوستراد و تنزل منزل مصر القديمه و تلف من تحت الكوبرى عند الملك الصالح و ترجع كورنيش لحد جراند كافيه .... التالت تكمل و تعدى النيل و تنزل منزل البحر الاعظم و تكمل لحد اليوترن و ترجع تعدى من تحت الدائرى و تلف يوترن و ترجع تاخد الدائرى و تعدى النيل و تنزل الكورنيش يمين فى اتجاه المعاددى لحد جراند كافيه .....
التانى و التالت ممكن يكونو زحمه شويه بس مسافة التانى اقل حاجه بسيطه
احسن اختيار الاختيار اﻷول وفيش توهان ان شاء الله
طيب اوصفله بقى يخش المعادى و يمشى ازاى و يوصل !
لأ هو ينزل الاتوستراد و ياخد الكوبري اللي فوق الاتوستراد و يمشي شوية على الاتوستراد اتجاه حلوات , و منه يدخل من جنب بنزينة توتال على كوبري طرة , كده هو طلع على الكورنيش , هايمشي شوية يلاقي جراند كافيه على شماله عند كمين الشرطة العسكرية , هايركن في اي حتة على اليمين و خلاص
و دي احسن سكة و احسن بكتير على فكرة من كل اللي الاخوة قالوه مع احترامي لهم
لو حابك معاه يركن قدام جراند كافيه هنا بقى تظهر المشكلة :)
اظن ان الاشارة اللي قدام جراند كافيه نفسها ممكن ياخد منها يو تيرن , لو ما كانش , هايمشي شوية كمان لحد مدخل اكاديمية السادات , هايدخل يمين , و بعدين يمين تاني , هايدخل طوالي , هيلاقي نفسه جاي في نفس الاشارة بس من جوة المعادي , هايقطع الكورنيش و يركن قدام جراند
مجتش فى بالى دى ... فعلا ده احسن طريق :)
ألف شكر يا رجالة .... منتحرمش منكم أبدا