بسم الله الرحمن الرحيم
انا عندى مشكلة و عايزلها حل وانا حبيت أسأل هنا لأنى عارف ان المنتدى هنا كويس و شوفت لأعضائكم أراء كتير كويسة
انا عربيتى هيونداي أكسنت موديل 2000 .. 1500 cc
العربية بتقطع منى كتير فى السلنسيه يعنى لما أهدى او أمور العربية تقطع منى و ده ما كانش بيحصل من اول ما أخدت العربية و رحت لناس كتير اللى يقولى كهربا واللى يقولى تنضيف انجيكشن و عملتهم الاتنين وبرده زي ما هى بالعكس بدات تزيد ..
تانى حاجه السوست على طول تضرب فى فردة او فردتين معينين ..
تالت حاجة .. انا عايز أرجع العربية ده زي ما كانت لانها عزيزة عليا جدا و حاسس انها اتبهدلت عايز أغير عفشة و أظبط ميكانيكا وكهربا وخايف من حكاية الثبات والراحة وهل ينفع انى أغير الطنابير بطنابير أكبر ولا هى الطنابير أحجام واحدة وبتختلف فى حجم الجنط ؟؟؟
أسف للأطالة بس بجد انا زعلان على عربيتى لانها ما كانتش كدة .. وعارف ان العيب ممكن يكون منى بس المشكلة فى الوقت و فى الطرق اللى بامشى عليها ..