صوت صفارة غريبه جدا مع سير الدينامو .... و ربطوا عليه و برضه لسه بيصفر ... إيه الحل ؟؟؟؟؟؟؟؟؟؟؟؟؟؟؟؟؟؟؟؟؟؟؟:cry ing2:
عرض للطباعة
صوت صفارة غريبه جدا مع سير الدينامو .... و ربطوا عليه و برضه لسه بيصفر ... إيه الحل ؟؟؟؟؟؟؟؟؟؟؟؟؟؟؟؟؟؟؟؟؟؟؟:cry ing2:
صديقي.المواطن
مشكلتك شائعة ولسه حاصلالي من قريب في إحدى عربياتي والسؤال هل إنت فاتح الدينمو أو مغيره عن قريب فلو مغيره حتلاقي القواعد مظبوطة.فإبتدى عندك ياكل سير
ده طبعا لو مكانش الصوت من.بلية الدينمو
ولو حضرتك مغيرتش دينمو ومعملتش صيانة في أي حته قريبه منه فده معناه إن السير نشف ومحتاج يتغير ولو هو بيقرط عليه وجاب آخره.فده معناه إنك محتاج تجيب سير أصغر من سيرك بدرجة وحده وروح.لمملكة السيور في التوفيقية أغلى سير عنده.ب 40 جنيه بره تلاقيه ب 160 وبتاعك مش حيزيد.عن 25 جنيه كوري ولا تقلق وموضوعك بسيط وبالتوفبق
ودمتم.للنضال
و الله العظيم إنت يا باشا راجل محترم
و أنا أشكرك جدا على هذا الرد الجميل الملئ بالخيرة
شكرا مرة تانيه و تالته و أحب أعرفك إنه فعلا السير متقرط عليه جامد و مغيرتش دينامو و لسه مغير السير من 10 ألاف كيلو و شكرا
و لكن سؤال ؟؟؟؟ لو حبيت أغير السير الدينامو هل لازم أغير السيور كلها و لا مش لازم ؟؟؟؟
سؤال تاني معلش ؟؟
فين مملكة السيور دي بالظبط في التوفيقيه ؟؟؟؟
لا مش محتاج تغير السيور التانية
صديقي المواطن
إنت مش محتاج تغير باقي السيور بس أنا بعمل.إيه بحل كل سيور العربية وبروح لمملكة السيور يطلعلي عليها بس ماركات أنظف وبعد كده أركب وأحط إحتياط طقم كامل في صندوق.العدة للزمن وغدره ونفعني التصرف ده كتير ولا مره ولا مرتين
مملكة السيور ده.معروفة التوفيفية دول شارعين متوازيين شارع التوفيقية وشارع زكي ومملكة السيور في الوصلة الصغيرة ما بين الشارعين في مدخل عماره الدور اﻷرضي وأب حد بيبيع سيور عالشارع حتسأله عليه حيدلك ومتتعبش نفسك اللي عالشارع معندهمش أي سير حتسأل عليه حيقلك ﻷ إنما ده مفيش سير في العالم معندوش بشرط معاك القديم ولك الخيار تاخد أصغر سنة أو أكبر سنة حسب الشداد في عربيتك وبالتوفيق
ودمتم للنضال
لا سير الدينامو ملوش علاقة بالرادياتير
الا بقى لو عربيتك السير بتاعها يعتبر سير مجموعة يعنى مش على قد الدينامو و بس ممكن يكون متحمل عليه مضخة الميه
كدا يبقى فى علاقى بين سير الدينامو و دورة الميه
مثلا لو السير اتقطع المضخة حتقف العربية حتسخن و ممكن لو فى وصلة ضعيفة فى الدورة حتضرب من الضغط
او العكس لو مضخة المية قفشت او تقلت حتخلى السير يصفر و اخيرا يتقطع