الموضوع: تغيير/ تركيب ترموستات الكوعة لانوس - خبراء القسم لو سمحتو

المشاركة الأصلية كتبت بواسطة mhi00002000

السلام عليكم ورحمة الله - اكتشفت ان عربيتى فيها خلل فى ترموستات الكوعة لان المؤشر بينزل تحت خالص وانا بجرى بالعربية فقررت اشوف اية المشكلة لو متشال اركبو ولو بايظ اغيرو المهم سؤالين :
1- ممكن اعرف متوسط مصنعية تركيبة كام لانى سمعت انو بيتفك الكاتينة وموال
2- وهل بينزل مية الريداتير كلها عشان يركب وكدة
3-ومعلش افضل مكان لشراءة اصلى من التوفيقية وشكرا

بما انك بتقول ان مؤشر الحراره بينزل وبيخرف فالمشكله مشكله حساس الحراره اللى فى وش السلندر وبيقى مكانه فى شمال الموتور من فوق ورا وش الكامه داخل عليه فيشه بطرف واحد الحساس تمنه 25 جنيه يتم فكه وتركيبه بدون اى نقصان فى المياه وتمن تركيبه لا يتجاوز ال10 او 15 جنيه كانت عندى نفس المشكله وكان حالها كده

المشاركة الأصلية كتبت بواسطة hany essa

بما انك بتقول ان مؤشر الحراره بينزل وبيخرف فالمشكله مشكله حساس الحراره اللى فى وش السلندر وبيقى مكانه فى شمال الموتور من فوق ورا وش الكامه داخل عليه فيشه بطرف واحد الحساس تمنه 25 جنيه يتم فكه وتركيبه بدون اى نقصان فى المياه وتمن تركيبه لا يتجاوز ال10 او 15 جنيه كانت عندى نفس المشكله وكان حالها كده

حضرتك متأكد انو حساس لأن المؤشر عندى مبينزلش غير وانا ماشى على سرعة عالية بس لكن السرعات العادية المؤشر بيبقى طبيعى كدة ترموستات ولا حساس

المشاركة الأصلية كتبت بواسطة mhi00002000

حضرتك متأكد انو حساس لأن المؤشر عندى مبينزلش غير وانا ماشى على سرعة عالية بس لكن السرعات العادية المؤشر بيبقى طبيعى كدة ترموستات ولا حساس

لو بيزل ويفضل ثابت يبقى ترومستات اما لو بيفضل ينزل ويطلع يبقى حساس

مهو بينزل فى السرعة العالية بس اول مهدى شوية السرعة المؤشر بيعلى ويبقى فى الطبيعى

ياريت طريقة نحدد منها العيب من ترموستات الكوعة ولا حساس الحرارة وتكون طريقة سهلة مبتدىء وشكرا

الاعراض اللي عندك دي بتقول ان الترموستات ملغي
لكن لو المشكلة في الحساس المؤشر اللي في التابلوه مش هيشتغل خالص

المشاركة الأصلية كتبت بواسطة mhi00002000

ياريت طريقة نحدد منها العيب من ترموستات الكوعة ولا حساس الحرارة وتكون طريقة سهلة مبتدىء وشكرا

لو الترموستات عطلان ( قافش ) و هو مفتوح هتلاقي الحرارة هتنزل جدا في المشاوير الطوالي خصوصا في السفر ليلا او في الشتاء
و نفس الاعراض دي لو الترموستات ملغي اصلا من العربية ( الفتوى الشهيرة من الميكانيكية الكفتجية )
اما لو الترموستات قافش و هو مقفول فالعربية هتسخن جدا عشان المية مابتوصلش للرادياتير

انما لو العيب من الحساس ( صباع الحرارة ) هتلاقي المؤشر اللي في التابلوه مش شغال اصلا