عرض للطباعة
السلام عليكم
بدور علي عربيه في حدود 70 الف وقدامي عربيه بيجو 406 موديل 2003 فبريكه بره وجوه وعامله 115 الف كيلو ومطلوب فيها 64 الف
ايه رأيك في العربيه ولو كاشفت عليها ولقيتها حلوه هل هاتعب في قطع غيارها وصيانتها مكلفين فعلا زي كل الناس مابتقول ولي في المعقول وكمان الضريبه ايه ظروفها لأنها 2000 سي سي
وشكرا ليكم جدا وكل سنه وانتم طيبين
العربية تعتبر مش عاملة كيلو متر عالي علي عمرها,,
بس لازم تكشف عليها في التوكيل عشان تتأكد إن دي قراية العداد, ومن حالة الفتيس ودي أهم حاجة لأن الفتيس في الفترة دا كان فيه مشاكل في بلفين الضغوط ودول بيتغيرو مع أبديت للسوفت وير ومش بيبقي فيه مشاكل في الفتيس لو حالتة كويسة,,
السعر ممتاز جدا جداً لو كانت عربية بيت وأستخدامها خفيف ومش عاملة كيلو متر عالي وحالتها فابريكة زي ما بتحكي,,
وعشان هيا 2000 سي سي ممكن أنصحك تشوف بيجو 307sw لو عايز عربية كبيرة بس ضريبتها مش عالية وعشان لسه منعرفش هيتعمل فيه في موضوع دعم البنزين,, ساعتها لو كنت جبت ال 406 بالموتور ال 2000 سي سي ممكن تبقي مكلفة عليك شوية,,
العربية قطع غيارها متوفرة ومنتشرة زي ال 307 ومش مكلفة زي ما بيتقال عليها,
أنا مش متوفر معايا أسعار قطع غيارها بالظبط,
بس البوجيهات بحوالي 120 جنيه,
فلتر الهواء 100 جنية,
فلتر زيت ب 50 جنية,
تيل أمامي حوالي 380 ل 400 الأصلي,
دا رينج الأسعار, وكلها معقولة ومعظم أسعار قطع الغيار الأوروبي في رينج الكوري بتاع أنهارده وأرخص منه في حاجات كتير,!!
بس طبعاً عربية محترمة أكتر في التصنيع والتقفيل كعربية أووبي وأفضل الراحة في السفر والأماااان.
وإن شاء الله باقي الأعضاء اللي يعرفو أسعار قطع غيار أكتر يفيدونا بيها,
جارى معاه العربيةاقتباس:
المشاركة الأصلية كتبت بواسطة leitosr
وبيقولى ان فلتر الزيت الاصلى بـ 450 جنيه !!!
وسعت منه جارك شوية,, أو ممكن كان سرحان وبيقولك علي سعر حاجة تانية,اقتباس:
المشاركة الأصلية كتبت بواسطة Elawany13
هيا فيه عربية فلتر الزيت فيها ممكن يوصل 450 جنيه ؟ أومال الكاتينة تبقي بكام ؟!!
عموماً سعر فلتر زيت ال 307 ب 54 جنية, وبتاع ال 308 الأحدث ب 45 جنية,
والأتنين ممكن يركبو علي بعض بالمناسبة لأنه حشو ودا اللي بيعملوة معايا لما بروح التوكيل لاحظت مرتين أنهم ركبو لي بتاع 308.
وأسعار فلاتر زيت ال 406 وال 408 في نفس الرينج, ال 50 جنيه,,
وأدي موضوع تاني قديم كان فيه أسعار لقطع الغيار من مالك للعربية,
عشان تتأكد بنفسك ولصاحب الموضوع برضه عشان ياخد فكرة أكتر,,
http://www.nilemotors.net/Nile/18644...post3873178399اقتباس:
المشاركة الأصلية كتبت بواسطة waleedabbas
انا اتصدمت من الرقم
بس هوه فضل يأكدلى ان ده سعر الفلتر الاصلى فى التوكيل