معروض عليا عربية افيو موديل 2013 عداد 30000 كيلومتر
فبريكة برة و جوة بس فيها شوية حكات فى الاكصدامات و الباب الخاص بالسائق
و الصالون بحالة جيدة جدا
و هى مطلوب فيها 76000 جينة و ماسك على السعر جامد جدا
ايه رايكو
ارجو الرد
عرض للطباعة
معروض عليا عربية افيو موديل 2013 عداد 30000 كيلومتر
فبريكة برة و جوة بس فيها شوية حكات فى الاكصدامات و الباب الخاص بالسائق
و الصالون بحالة جيدة جدا
و هى مطلوب فيها 76000 جينة و ماسك على السعر جامد جدا
ايه رايكو
ارجو الرد
بدل ما تدفع الرقم ده ف عربيه مستعمله ما تجيب فيرنا زيرو احسنلك
الفيرنا واطية اوى وانا ساكن فى منطفة مش اسفلت
العداد عالي قوي علي سنه واحده ..ليه كده لازم تعرف الاول
لو مانيوال و مش راشه و الصالون ممتاز بغض النظر عن الحكات طبعا و نظرا لانهاﻻ2013 فالسعر ده ممتاز بس ليه العداد عالي كده ،...هو ده السؤال
طبعا لو ااوتو تبقي لقطه
الافيو طبعا احسن منةالفيرنا في علو السياره والاعتماديه و قيمه السياره الفرنا بتعجز بسرعه و ثباتها وحش والكرسي اللي وره ضيق
راجع على العربية كويس عشان السعر ده فيه حاجه وربنا يوفقك ومش مهم العداد ممكن يكون بيسافر كتير عادي يعني بس شوف سمكري كويس يبص على العربية بعيد عن صاحبها ولو طلعت سليمه يبقى لقطه ولوز اللوز طبعا ده سعر تحت أوي أقل من السوق حاليا
العداد ده عالي اوي اوي ... ازاي 30000 كم في سنه واحدة
ممكن يكون بيسافر بيها كتير اوي
او (وهوه ده الخطر) انه يكون بيأجرها وفي الحالة دي ابعد عنها لان في 5000 رجل ساقتها وانت رقم 5001
وبعدين ميغركش انها 2013 .. الكيلومتر ده حيخلص الضمان بدري
انا عربيتي اوبترا 2007 وماشيه 53000 كم الحمد لله
اكشف غليها كويس اوي ولو عايز حد معرفة وثقة ممكن تروح سبيد سيرفيس ( م هاني) والكشف الشامل (كل حاجة يعني ) بحوالي 70 او 80 جنيه ت 01060900088
http://www.nilemotors.net/Nile/28764...r-enghany.html
المهندس هاني محترم وثقة