-
هاتولى شغل :(
هو للدرجه دى مبقاش فى شغل فى البلد
كل الشغل اللى موجود ياما عايز خبره فوق السنتين ياما سفر برا مصر :ask:
طب واحد زيى لسه متخرج و مش عايز يتنيل يسافر و هو معهوش خبره يعمل ايه
الله طب انا لو مشتغلتش و انا خريج هجيب الخبره السنتين منين ؟؟
يعنى 5 سنين هندسه و فى الاخر اقعد عالقهوه - حرااااااااااااااام -
ده حتى الجيش معنديش جيش و قاعد برضه
طب دلوقتى و قاعد مع صحابى و بخرج و مقضيها انما كلها اسبوعين و صحابى هيدخلوا الجيش
هعمل ايه انا بقى ساعتها :(
-
أنت خريج جامعة ايه .. و قسم ايه؟
-
لعلمك الشغل لل juniors أكتر بكتييييير من الشغل للي عندهم خبرة .. بس انت متضيعش وقتك و حاول يبقى عندك competitive advantage تخلي أي شركه لما تعوز حديث تخرج تختارك انت عن أي حد تاني خريج زيك .. يعني شهادات أو لغات و كده.
و متستناش لما شركة تطلب .. انت اعمل سي في محترمة و حط خط تحت محترمة دي .. و ابعتها للشركات الكبيرة .. و ربنا يوفقك ان شاء الله.
-
-
اسعى وابحث ولا تيأس او تمل
ومش لازم حاجة بمواصفات معيبنة
لو لقيت شغلانة معقولة ومرتنبها معقول اشتغلها حتى لو مش فى تخصصك
وبعدين وانت شغال ابدأ دور على حاجة كويسة فى تخصصك وتناسبك
هيا بتيجى كدة على فكرة
لكن لوفضلت زانق نفسك فى مقولة (امال انا اخدت شهادة جامعية بالتخصص دة لية)
هتفضل على القهوة فترة طويلة قوى
وربنا يوفقك
-
ان شاء الله هتلاقى شغل وانت المفروض خريج هندسه ابدأ بشغلانه فى مكتب ومره ورا مره هتلاقى نفسك اشتغلت فى شركة كبيره وبالتوفيق
-
لو انت خريج هندسه انا محتاج مهندسين في المصنع
ابعتلي السي في
بس انا معنديش دلع
يعني هتشتغل وهتتعلم
-
صديقي المواطن
قولا واحدا أول طريق التوفيق والصلاح والجدية و فتح أبواب الرزق هي هجرة المقاهي والجلوس عليها ولما تشتغل إبقه شوف فائدة.المقاهي ومضارها ولو متقدرش تعيش من غيرها فأنت بتحارب نفسك
وبالتوفيق
ودمتم.للنضال
-
انا مؤمن بمقولة الشغل بيجيب شغل .. شوف اى شغل هندسي حتى لو مش هتحوش منه ولا مليم بس هيفتحلك أبواب وأماكن مكنتش تعرف عنها حاجة .. لكن هتقعد عالقهوة يبقى هتشتغل عالقهوة ... دور واعمل سى فى محترم زى ما الأخوة قالوا وربنا يبعت
-
انت لسه خريج اومال اخويا خريج 2009 ومش لاقى شغل يعمل ايه؟!!!
ربنا يوفقكم ويصلح الحال
Content Relevant URLs by
vBSEO 3.6.0 PL2